Забава
Анистон вежба во 3 часот наутро за да ја одржува витата фигура

Џенифер Анистон се смета за една од најубавите жени во Холивуд и покрај тоа што наполни 53 години.
Ѕвездата на „Пријатели“ се појавува и во филмовите „Објектот на мојата наклонетост“, „Рок-ѕвезда“, „Семоќниот Брус“, „Марли и јас“ и други. Иако е позната по својата глума, таа е добро позната и по добрата исхрана и здравиот начин на живеење.
Џенифер го почнува денот со строга утринска рутина пред да вежба, пренесуваат шоу-биз медиуми, додавајќи дека таа постојано ја усовршува својата рутина за здравје и благосостојба.
Џенифер се фокусира на убавината, исхраната, вежбањето и на менталното здравје, а сето тоа почнува со нејзината утринска рутина во 3 часот наутро, според Women’s Health. Кога се буди наутро, таа го почнува својот ден без мобилен телефон.
„Не гледам во мојот телефон барем првиот час по будењето. Менталната разлика што ја прави негледањето во телефон влијае на целиот ден“, изјави Анистон за „Вог“ во една пригода.
Веднаш штом ќе стане, пие кафе и почнува со медитација, пишува дневник и вежба пред да се впушти во дневните активности.
Според Prevention, Анистон исто така ја прави својата рутина за нега на кожата, која вклучува хидратантен крем и заштитен фактор за да ја одржува кожата младешка и здрава.
Таа во неколку пригоди нагласи дека рутината за вежбање ѝ станала важна основа во животот.
Некои таблоиди тврдат дека Џенифер вежба до седум дена во неделата, што изгледа претерано. Дури и на ѕвездите им требаат денови за одмор. Сесиите траат до еден и пол час и варираат во интензитет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
„Досадните“ комбинации повторно во тренд

Можеби изгледаат како најосновни, па дури и малку досадни бои кога се носат одделно, но кога црно-белото ќе се спои – се случува вистинска модна магија.
Оваа вечна модна комбинација стана неопходен „дрес-код“ за сите љубители на тивкиот луксуз, кој владее на пистите, на „Инстаграм“ и во првите редови на модните ревии во целиот свет.
Она што ја прави црно-белата боја неодолива не е само контрастот, туку и чувството на ненаметлива елеганција што ја носи оваа палета. Постојат беспрекорни силуети, луксузни материјали и совршени кроеви, кои го подигнуваат дури и наједноставниот изглед на ниво на модна изјава.
Ако се прашувате од каде да почнете, одговорот е едноставен: изберете парчиња во црно-бела боја, кои имаат чисти линии и се изработени од квалитетни материјали.
Забава
Тивок убиец на модерниот човек

Замислете болест што полека го ослабува вашето срце, го забавува вашиот метаболизам, ги оптоварува вашите зглобови и го зголемува ризикот од прерана смрт – без дури и да го сфатите тоа.
Не предизвикува моментна болка, не дава јасни симптоми и затоа останува незабележана. Оваа болест се нарекува седечки начин на живеење и влијае на речиси секој современ човек.
Зошто седечкиот начин на живеење е толку опасен?
Кога седиме со часови, нашето тело влегува во состојба на биолошка пасивност:
Метаболизмот се забавува – телото согорува помалку енергија, што доведува до зголемување на телесната тежина и до инсулинска резистенција.
Атрофија на мускулите – нашата најважна алатка за стабилен ‘рбет и здрави зглобови ослабува.
Циркулацијата страда – крвта и кислородот стигнуваат до органите побавно зголемувајќи го ризикот од згрутчување на крвта и срцеви заболувања.
Хормонот на среќата се намалува – недостигот на движење влијае и на менталното здравје промовирајќи стрес и анксиозност.
Неодамнешните истражувања покажуваат дека 6+ часа седење дневно го зголемуваат ризикот од прерана смрт за дури 19 %, без оглед на тоа дали подоцна одите во сала за вежбање или не.
Зошто рекреацијата еднаш неделно не е доволна?
Еден од најголемите митови е дека седечката недела може да се избрише со еден тренинг. За жал, не може. Нашето тело реагира на вкупната количина движење секој ден, а не на еден голем настан. Ова значи дека здравјето не се одржува само со тренинг во сала за вежбање, туку и со сите мали навики помеѓу нив.
Мали промени, големи резултати
Добрата вест е дека почнувањето со решавање на проблемот не е комплицирано. Само треба да го вратите движењето во вашиот секојдневен живот:
Микропаузи – станувајте, одете, истегнете се најмалку двапати на ден.
Активен транспорт – одете или возете велосипед наместо да возите автомобил на кратки растојанија.
Работа во стоење – користете подигнати бироа или работете стоејќи барем дел од денот.
10 минути мобилност дневно – едноставни вежби за дишење, истегнување и стабилизација прават чуда за ‘рбетот.
Тренингот како лек
Најдобриот лек против седечкиот начин на живеење е, всушност, тренингот за сила и мобилност. Заедно со кардиовежбите, тренингот на сила гради мускули, а мускулите се метаболистички активно ткиво, кое го штити целото тело. Тие се нашиот лек против стареење, болка и метаболистички нарушувања.
Забава
Актерка од БиХ привлече внимание на црвениот тепих во Сараево, се појави – боса

Филмската и телевизиската актерка Мона Муратовиќ од БиХ привлече внимание на црвениот тепих на Сараевскиот филмски фестивал со необичен потег – наместо да носи чевли, се појави боса.
За оваа пригода таа избра долг елегантен бордо-фустан, но причината зошто одлучи да оди без чевли е непозната.
Муратовиќ се појави на фестивалот во придружба на својот сопруг, водителот Данко Делибашиќ, кој носеше класичен сив костум.
Во Босна и Херцеговина тие се познати како еден од најхармоничните парови, заедно имаат ќерка Ливија и син Виго, а Мона го има и синот Акин од претходниот брак.
Инаку, Мона Муратовиќ дипломирала глума на Академијата за сценски уметности во Сараево, а студирала и историја на уметност и компаративна книжевност на Филозофскиот факултет во Сараево.