Црна хроника
Тетовци изнудиле 18.630 евра од сограѓанин за да не објават компромитирачки материјал
На 6.2.2023, во 19.50 часот, во тетовска Мала Речица, полициски службеници од Отсекот за криминалистичка полиција – Одделение за економски криминал при СВР Тетово, од слобода ги лишиле З.Д. (33) од с. Голема Речица, Тетовско, и Ј. А. (60) од с. Пирок, Тетовско.
По преземените мерки, било утврдено дека од средината на јануари 2023, З. Д. во неколку наврати изнудил вкупно 18.630 евра од лице од Тетово уценувајќи го дека ќе објави фотографии со компромитирачка содржина.
Според пријавеното, З. Д. во неколку наврати го организирал примопредавањето на парите преку Ј. А., такси-возач. Имено, тој му се јавувал на оштетениот и му кажувал да ги предаде парите на Ј. А., кој подоцна му ги доставувал нему.
Истото било направено и во текот на вчерашниот ден, при што биле затекнати од полициски службеници при примопредавање на парите.
З. Д. бил задржан во полициска станица и по целосно документирање на случајот, против нив ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена штипјанка која паднала од електричен тротинет
Вчера на велосипедска патека од населба Сењак кон населба „8 Ноември“ во Штип, М.Ј.(38) од Штип, управувајќи електричен тротинет, изгубила контрола и паднала на патеката.
Во несреќата со тешки телесни повреди се здобила М.Ј., констатирани во Клиничката болница Штип, објави МВР.
Извршен бил увид.
Црна хроника
Приведен разбојник во Гостивар за издржување шестгодишна затворска казна
Денеска во 03.30 часот на улица „Гоце Делчев“ во Гостивар, полициски службеници од ОВР Гостивар го лишиле од слобода 36-годишниот Е.Ш. од Гостивар, кој бил баран по централна потерница врз основа на судска наредба за издржување казна затвор од шест години за сторено кривично дело „разбојништво“ по член 237 од Кривичниот законик, извести МВР.
Лицето било спроведено во Казнено – поправната установа Затвор Идризово за издржување на казната.
Топ
Повторно насилство во „Идризово“: затвореник со тешки повреди заврши во болница
Нов случај на насилство помеѓу затвореници е забележан вчера во Казнено-поправната установа Затвор Идризово.
Од полицијата велат дека се работи за физичка пресметка меѓу две групи на затвореници, а едно лице е тешко повредено.
„Осуденикот Х.Ф.(29) од Студеничани, Скопско, се здобил со тешки телесни повреди, констатирани во Градската општа болница ‘8 Септември’ во Скопје“, велат од МВР, додавајќи дека се преземаат мерки за расчистување на случајот.
Насилство во затворот имаше и пред два дена, кога осуденикот Ѓ.М.(43) од Скопје бил физички нападнат од осуденикот К.Ф.(40) од Гостивар.