Македонија
ВМРО-ДПМНЕ: Неспособните Ковачевски и Спасовски пет месеци не може да ги откријат дојавувачите на бомби
![](https://makfax.com.mk/wp-content/uploads/2022/12/thumbnail_Зечевиќ-трибина-Скопје-2.jpg)
Ситуацијата со лажните дојави за бомби е алармантна, а МВР веќе пет месеци не може да ги открие сторителите. Новите 33 дојави за лажни бомби во училиштата во Македонија покажуваат дека безбедносниот систем е целосно девастиран. МВР и Спасовски ништо не работат, обвини ВМРО-ДПМНЕ.
„Пет месеци по ред Македонија е цел на лажни дојави, а Оливер Спасовски не само што не може да најде кој ги испраќа туку не понел ниту одговорност. Згора на тоа, со месеци голем број јавни објекти, скопскиот аеродром, железничката станица, трговски објекти и државни институции се под закана за бомби.
Владата, Ковачевски и Спасовски не се способни да обезбедат ниту мир ниту да гарантираат за безбедност на граѓаните и државата. Целата ситуација предизвикува страв и паника не само кај учениците и нивните родители туку и кај сите граѓани. Наместо во училишните клупи, учениците на минусни температури се надвор додека МВР ги проверува училиштата.
Нема учебници, но затоа има лажни дојави за бомби. Се губи настава, а министерот за образование, Јетон Шаќири, наместо да кажува дека изгубените часови ќе се надоместат, да побара од својот колега Спасовски да открие кој стои зад овие лажни дојави за бомби“, велат од партијата.
Од таму ја критикуваат Владата дека не може да обезбеди еден ден сигурност, но затоа, како што наведуваат, обезбедува милионски суми и криминал од сомнителни тендери и бизнис-зделки. Ако не знаат како да управуваат со институциите и државата, тогаш ајде на предвремени парламентарни избори, порачаа од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.