Спорт
Легендарните изјави на Ќиро Блажевиќ: Нека дојде Мурињо од Травник до врвот…
Почина Мирослав Ќиро Блажевиќ. Легендарниот фудбалски тренер и поранешен селектор на хрватската репрезентација почина на 88-годишна возраст по долга борба со ракот.
Болеста првпат му беше дијагностицирана во 2011 година, двапати ја победи, но третиот пат, за жал, не успеа. За два дена требаше да го прослави својот 88 роденден. Ова се дел од изјавите по кои ќе остане запаметен.
Зошто е најдобар тренер во светот?
„Велам дека сум подобар тренер од Капело. Потоа ме прашуваат: „Како тоа? Па, ако Капело или Мурињо се родија во Травник, ќе дојдеа до Турбет (место до Травник). Нека одат од Травник на фудбалскиот врв, ајде ако можат“.
За Батистута пред мечот против Аргентина на Светското првенство во 1998 година
„Ниту Звоне (Бобан) ниту јас не би го дале Шукер за десет како Батистута. Да ти е*ам Батистута.“
По заминувањето во Швајцарија, тој работеше како чистач, а осум години подоцна стана селектор на оваа земја. Го прашаа дали очекувал да стане селектор од чистач?
„Кога еден шовинистички новинар ме праша дали очекувам да станам селектор од чистач, не негирав дека сум чистач иако тогаш возев Јагуар, а бев облечен во облека од познати креатори. Му одговорив: Кога бев метач не мислев дека ќе бидам селектор. Бев сигурен во тоа, будало.“
Зошто животот го дефинира како мали задоволства и големи разочарувања?
„Слушаш… За малку ќе ме расплачеше, бидејќи тоа е најголемата вистина. Бев шампион и го освоив Купот. Бев селектор на пет репрезентации. И сето тоа се големи задоволства. А уште поголемо разочарување е кога сте на улица. Кога ѓубрињата ќе те исфрат, а ти одиш по тротоарот и се прашуваш: „Боже, дали некој друг ќе ме вработи?“ Па, тоа се разочарувањата кои целосно ја камуфлираат радоста што ја имате кога сте биле шампиони“.
Порака до младите
„Тие мора да знаат како да работат на себе за да го обезбедат она што е најважно бидејќи сите велат – здравје. А Ќиро вели: „Да, здравје… Но, и најздравиот без пари е веќе болен“. Кога немам пари, психички сум болен. Мора да работите на себе за да можете да го обезбедите своето постоење. Мора да работите напорно за да заработите пари.“
Среќа и разочарување
„Среќата никогаш не може да биде толку голема кога победувате колку што е разочарувањето кога губите.“
Седум фактори за успех
„Постои формула составена од седум фактори: талент, мотивација, карактер, спортска интелигенција, средина, тренинг и, конечно, среќа. Сите овие фактори се важни. Во мојот случај, социјалната мотивација се покажува како најголема. Претходно, можеби, тој елемент беше доволен, но не се забележуваше колку е важна околината.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).
Спорт
(Видео) Алкараз на удар: „Се распаѓа, изгледа како 78-годишен старец“
Шпанскиот тенисер Карлос Алкараз имаше проблеми со многу повреди во текот на својата кратка кариера.
Последна во низата е повредата на подлактицата која го мачи оваа пролет и поради неа ги пропушти турнирите во Монте Карло, Барселона и Рим.
На оваа тема се зборуваше и во подкастот „Super Moscato“ на добро познатиот RMC.
Водител на емисијата е поранешниот француски рагбист, денес актер и водител Винсент Москато, кој многу го критикуваше 21-годишниот Шпанец.
„Да не бидам досаден, добри супи се прават во стари тенџериња, па еве го Ѓоковиќ, со сите повреди типувам на Ѓоковиќ“, изјави Москато и додаде:
„Алкараз „се распаѓа“. Го боли подлактицата, изгледа како 78-годишен старец. На 20 години раката не ве боли многу. Го гледате ли Алкараз како наследник на Надал? Слушајте ме, ќе јадам стаорец ако се случи тоа“
Алкарас моментално е трет на АТП листата, а полуфиналето ќе го брани на Ролан Гарос.
Спорт
FourFourTwo: Пикси Стојковиќ е најлош од сите селектори на Евро 2024
Сезоната на клупскиот фудбал полека привршува, а стартот на Европското првенство во Германија е се поблиску. За точно 38 дена во Минхен ќе се одигра првиот натпревар на ЕП меѓу Германија и Шкотска.
Специјализираниот фудбалски магазин „FourFourTwo“ во пресрет на првенството објави список на селекторите на сите репрезентации кои според нивната проценка ги рангираше од најдобар до најлош. На првото место е Дидие Дешамп (Франција), а зад него се Лучијано Спалети (Италија) и Јулијан Нагелсман (Германија). Најлош од сите сите селектори според „FourFourTwo“ е Драган Стојковиќ.
Рангирање на сите екипи на Евро според „FourFourTwo“:
1. Дидие Дешамп (Франција)
2. Лучијано Спалети (Италија)
3. Јулијан Нагелсман (Германија)
4. Герет Саутгејт (Англија)
5. Златко Далиќ (Хрватска)
6. Роберто Мартинез (Португалија)
7. Доменико Тедеско (Белгија)
8. Луис де ла Фуенте (Шпанија)
9. Каспер Хјулманд (Данска)
10. Марко Роси (Унгарија)
11. Стив Кларк (Шкотска)
12. Роналд Куман (Холандија)
13. Силвињо (Албанија)
14. Винченцо Монтела (Турција)
15. Вили Сањол (Грузија)
16. Ралф Рангник (Австрија)
17. Франческо Калцона (Словачка)
18. Едвард Јорданеску (Романија)
19. Сергеј Ребров (Украина)
20. Матјаж Кек (Словенија)
21. Мурат Јакин (Швајцарија)
22. Михал Пробиерц (Полска)
23. Иван Хашек (Чешка)
24. Драган Стојковиќ (Србија)