Спорт
Емирот на Катар сака да го купи Манчестер јунајтед за 4.5 милијарди фунти
![](https://makfax.com.mk/wp-content/uploads/2023/02/GOAL_-_Multiple_Images_-_3_Stacked_-_Facebook_11.jpg)
Емирот на Катар, Тамим Бин Хамад Ал-Тани, сака да го купи Манчестер јунајтед за 4.5 милијарди фунти, но проблем претставува тоа што го тие веќе го поседуваат Пари Сен-Жермен, што значи дека еден од клубовите нема да може да игра во Лигата на шампиони, тврдат британските медиуми.
По објавата на американските газди на Јунајтед, семејството Глејзер дека го поставуваат клубот на продажба, се очекуваше повеќе заинтересирани страни од Блискиот Исток да се јават на наддавањето, и сега, според „Гардијан“, емирот Шеик Тамим Бин Хамад Ал-Тани е главен фаворит со понуда која нема да може да се одбие.
Катарците веќе се газди на Пари Сен-Жермен од 2011 година, и според правилата на УЕФА, клубови со исти сопственици не можат да играат меѓу себе во нивните натпреварувања, и емирот чека да се најде решение пред да се продолжи со потенцијалното купување на клубот.
Иако во медиумите се споменуваше сума од 6 милијарди фунти кои ќе ја бараат Глејзери, емирот е подготвен да даде пореална цена од 4.5 милијарди фунти, нешто што тешко дека ќе биде надминато. Според „Гардијан“, доколку се случи купувањето на клубот, менаџерот Ерик Тен Хаг може да очекува огромна сума достапна за засилувања веќе во летниот преоден рок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Ед Ширан настапи пред фудбалерите на англиската репрезентација, коментарите се безмилосни
![](https://makfax.com.mk/wp-content/uploads/2024/07/ed-shiran.jpg)
Репрезентативците на Англија се подготвуваат за четвртфиналниот натпревар на Европското првенство против Швајцарија.
Откако ги поминаа Словаците во осминафиналето, сега ја чекаат Швајцарија која во осминафиналето ја исфрли Италија. Герет Саутгејт изјави дека неговите играчи треба малку да се опуштат бидејќи резултатскиот притисок е преголем, па затоа организираше концерт во репрезентативниот камп.
Така Здружението се согласи Ед Ширан, еден од најпознатите светски музичари, но и голем фан на англиската репрезентација, кој го следи целиот турнир од трибините, да одржи концерт. Коментарите на навивачите на англиската репрезентација на социјалните мрежи се брутални, тие масовно се потсмеваат на овој настан.
Jude Bellingham recording Ed Sheeran performing at the camp🤍 https://t.co/vsxxbBZ0ou pic.twitter.com/0gOODlQEyA
— Ria 🏴 (@itsjudithworld) July 2, 2024
„Герет Саутгејт е единствениот човек во светот кој мисли дека играчите ќе бидат мотивирани од музиката на Ед Ширан“.
„Ед Ширан е ужасен, но играчите на Англија не заслужија подобро со оглед на тоа колку лошо го играат ова евро“,
„Ние страдавме до сега, сега вие страдајте“,
„Претеравте, тие не беа толку лоши па да ги мачите“, се само некои од коментарите.
Спорт
(ВИДЕО) Историска победа на Турција
![](https://makfax.com.mk/wp-content/uploads/2024/07/turkie.jpg)
Турција со одличен резултат се пласира во четвртфиналето на европското првенство, откако ја совлада Австрија која доживеа вистински пораз.
Годинава на Европското беа на првото место во една од најтешките групи, и изгледаа дека имаат одличен компактен тим за кој многу експерти предвидуваа дека ќе го оди до крај.
Сепак, Турција беше подобра и поради дисциплинираната одбрана.
Турција од вечерва ќе стане побогата за две фудбалски имиња – Мерих Демирел и Мерт Гунок.
Дефанзивецот Демирел постигна два гола од корнер, а Гунок со одлична одбрана во последните минути од натпреварот ја спаси победата на тимот.
Голманот на турската репрезентација херој на мечот.
Тој во последните моменти од мечот против Австрија го сопре обидот на Кристоф Баумгартнер и на тој начин спречи израмнување (2:1).
Голманот на Бешикташ ја направи можеби најдобрата одбрана на турнирот, ако се земе предвид моментот на игра.
Извесно е дека Турците имаат играчки и тактички квалитет за понатамошниот тек на натпреварувањето, а резултатот од 2008 година, односно полуфиналето, сигурно ќе биде мотив за следната рунда.
Спорт
Нема ден без селекторот
Пикси смета дека дал максимум за својата репрезентација.
Во наредниот период се очекува Стојковиќ да има разговори со првиот човек на ФСС Драган Џајиќ, а потоа и со претседателот на државата.
Во договорот потпишан од ФСС со Стојковиќ стои дека во случај на отказ, ќе му се должи сума од еден милион евра, а тоа е еден од главните проблеми околу оставката на актуелниот тренер, што можеби нема ни да се случи!
Доколку во секој случај ФСС решат да ја прекинат соработката со Стојковиќ, ќе имаат тешка работа во поглед на наоѓање нов тренер.
Од тамошните тренери на таа функција претендираат Славиша Јокановиќ и Александар Јанковиќ, додека веќе на големо се зборува дека во случај на отказ на Стојковиќ на негово место би можел да дојде тренер од странство.
Србија во септември ќе има обврски во Лигата на нации каде ќе се натпреварува во најсилната А дивизија, а ривали во групата ќе бидат Шпанија, Данска и Швајцарија, сите учесници во нокаут фазата на ЕП.
Србија во декември ќе ги добие ривалите во квалификациите за СП 2026 година, а борбата за пласман на Мундијалот во САД, Мексико и Канада ќе започне во март 2025 година.