Спорт
Махачев сигурен: Ќе го решам Волкановски во две-три рунди и ќе станам „крал“
Ислам Махачев пред големата пресметка со Александер Волкановски на УФЦ 284 во сабота е сигурен дека е го „реши“ Австралиецот со македонско потекло бргу и дека ќе покаже дека е најдобриот УФЦ фајтер без разлика на категоријата.
31-годишниот Русин во интервју за „Дејли мејл“ вели дека е подготвен да отиде во „дворот“ на својот ривал во Перт и не само да стигне до победа, туку да го направи тоа на убедлив начин.
„Мислам дека имав само 10 дена пауза по мечот со Чарлс Оливеира пред да почнам да се подготвувам за ова. Мојата главна цел е да бидам број 1 без разлика на категоријата и да го победам овој човек. Сонот е да го нокаутирам. Пристигнавме во Австралија рано, пристигнувајќи од студената Русија на 35 степени“, вели УФЦ шампионот во лесна категорија.
Махачев повеќе години беше познат како штитеник на Хабиб Нурмагомедов, но сега нема да го има својот пријател во аголот, отако Хабиб реши да се повлече и да помине време со своето семејство. Но, и покрај тоа тој има план за напад на Волкановски, кој доминираше во перо категорија по освојувањето на титулата во 2019 година.
„Зборував со Волкановски неодамна и му кажав: ‘Сите те знаат по ударите, но кога последен пат си нокаутирал некого’. Можам да бидам агресивен против него без да се грижам за нокаут. Сонот е јас да го нокаутирам, а сигурно ќе биде готово во втората или треата рунда. Навикнат сум публиката да биде против мене, тоа не ништо ново. Можеби не во Абу Даби, но на други места секогаш сум се соочувал со непријателска публика. Се надевам дека еден ден ќе имаме УФЦ во Русија, бидејќи луѓето таму се луди по ММА борбите“, вели Махачев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите дивееја и го прекинаа мечот меѓу Будуќност и Сутјеска
Црногорските спортови се занимаваат со скандали, а нов беше виден во плејофот од локалниот шампионат меѓу Сутјеска и Будучќост.
Тој меч вечерва беше прекинат поради тепачка на навивачите во втората четвртина.
Будуќност водеше со 36:26, кога популарните „Варвари“ влегоа на теренот преку официјалниот влез и почнаа да ги провоцираат домашните навивачи.
Како што пренесува порталот „РТЦГ“, навивачите на Сутјеска одговориле со фрлање столчиња.
Дури потоа реагираше полицијата и ги избрка гостинските навивачи од салата.
Имаше план да излезе и домашната „Војвода“, но Сутјеска одби да го продолжи мечот без своите поддржувачи.
Натпреварот нема да продолжи вечерва, а се уште не се знае каква ќе биде одлуката на Кошаркарскиот сојуз на Црна Гора.
Спорт
Крај на уште една фудбалска љубов, Хесус Навас ја напушта Севиља
Фудбалскиот клуб Севиља денеска соопшти дека капитенот на тимот, Хесус Навас, ќе го напушти клубот по крајот на сезоната.
„Хесус Навас ќе ја напушти Севиља на крајот на сезоната 2023/24 и тоа им го соопшти на клубот, соиграчите и раководството на утринскиот тренинг“, се вели во соопштението на клубот.
Навас помина вкупно 17 години во Севиља, со што доби статус на клупска легенда.
38-годишниот фудбалер одигра 688 натпревари за Севиља во сите натпреварувања и освои четири Лига Европа, два Копа дел Реј, Суперкупот на Европа и Суперкупот на Шпанија.
Хесус Навас прво помина десет години во Севиља, од 2003 до 2013 година, пред да се пресели во Манчестер Сити со кој ја освои Премиер лигата и два Лига купа, пред да се врати во Андалузија во 2017 година.
Со шпанската репрезентација беше светски првак во 2010 година и европски првак во 2012 година, а во 2023 година ја освои Лигата на нации.
Спорт
Роналдо далеку пред конкуренцијата, најмногу заработил во последните 12 месеци
Магазинот „Форбс“ ја објави листата на најплатени спортисти на која доминира Португалецот Кристијано Роналдо со неговиот неверојатен договор во Саудиска Арабија.
Кристијано Роналдо е неприкосновен со 260 милиони долари годишно, 200 милиони добива од Ал-Наср, а останатите 60 милиони се од спонзорските договори.
Португалецот по четврти пат во кариерата е лидер на листата на најплатени спортисти во светот, овојпат најубедливо благодарение на дарежливите Саудијци.
Втор на листата е голферот Џон Рам (218 милиони), трет Лионел Меси (135 милиони), четврти Леброн Џејмс (128,2 милиони).
На петтото место е предводникот на Милвоки Бакс, Јанис Антетокунмпо, кој во последните 12 месеци инкасира 111 милиони долари, од кои 46 милиони се од договорот со Бакс, а останатите од спонзори.
Во првите десет играчи кои најмногу заработиле во последните 12 месеци се и Килијан Мбапе (110 милиони), Нејмар (108 милиони), Карим Бензема (106 милиони).
Интересно, трикратниот МВП на НБА лигата, Никола Јокиќ се наоѓа на 32. на оваа листа.
Заработил 56,1 милиони долари, од кои најголем дел се од договорот со Денвер (48,1), додека остатокот е од спонзорства.
Најдобриот и најтрофеен тенисер во историјата Новак Ѓоковиќ очекувано овојпат не е ни воТтоп 50 бидејќи го ограничи бројот на турнири на кои учествуваше, а и таму каде што играше не се прослави.
Лука Дончиќ е 34-ти на листата со заработка од 55,1 милиони долари.
Пред Јокиќ и Дончиќ се Џоел Ембиид (30 место – 57,7 милиони) и Џими Батлер (31 место – 57,5 милиони).
Комплетната листа на „Форбс“ на најплатените спортисти во изминатите 12 месеци можете да ја погледнете ТУКА.