Спорт
Ирвинг дебитира за Далас, Лилард со трипл-дабл им пресуди на Вориорс
![](https://makfax.com.mk/wp-content/uploads/2023/02/5EXD4U.jpg)
Кајри Иргинг со победа дебитираше во дресот на Далас Маверикс. Без Лука Дончиќ, Маверикс предводени од Ирвинг ги победија Клиперс во Лос Анџелес со 110:104.
Првата четвртина го одреди понатамошниот тек од овој натпревар. Овој период Далас го доби со 41:25.
Ирвинг за 37 минути на теренот постигна 24 поени, на кои придодаде четири скока и пет асистенции.
На крајот од мечот, Ирвинг му го подари својот дрес на боксерскиот шампион Флојд Мејведер, кој воодушевено ги следеше случувањата на теренот.
Nothing but love from Floyd Mayweather Jr to Kyrie Irving after #2 picks up his first win as a Maverick!@FloydMayweather | @KyrieIrving | @dallasmavs | #MFFL pic.twitter.com/Mcr4rix6LX
— Bally Sports Southwest (@BallySportsSW) February 9, 2023
Во дербито на Источната конференција, Бостон како домаќин ја совлада Филаделфија со 106:99. Селтикс скапо ја платија победата, бидејќи се повреди Џејлен Браун и тоа по судирот со соиграчот Џејсон Тејтум.
Вајт со 19, Грифин и Вилијамс со 15 поени беа најефикасни кај Селтикси, додека Тејтум имаше само 12, а Браун четири поени за 17 минути. Филаделфија ја предводеа Ембиид со 31 поен, односно Харден со 26 поени и 11 асистенции.
Демијан Лилард со 33 поени, 10 скокови и 11 асистенци го предводеше Портланд до победата над шампионите од Сан Франциско. Портланд славеше над Голден стејт со 125:122. Кај гостите блескаа Џордан Пул со 38 и Клеј омпсон со 31 поен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва