Македонија
Ковачевски за набавката на „трикафта“: Немам намера да дозволам да ни умре друг пациент поради оваа невозможна бирократија
Премиерот Димитар Ковачевски тврди дека парите за набавка на „трикафта“ за сите најитни пациенти се издвоени од буџетот. Посочи дека лично се заложил лекот да се набави во најкраток рок. Дециден е дека намерата му е да не умре друг пациент. Смета дека проблемот е во бирократијата. Немаше конкретен одговор зошто порано не реагирал, а со оглед дека болните од цистична фиброза бијат борба за терапија веќе неколку години.
„Уште утрово се преземени конкретни чекори. Решив веднаш да се одвојат средства од ФЗО за најкритичните болни од цистична фиброза. Утрово, Управниот одбор на ФЗО донесе одлука за да се обезбедат сите средства за сите критични пациенти во согласност со барањата на Детската клиника. Очекувам лекот да биде достапен исклучително бргу бидејќи МАЛМЕД има задача веднаш да го регистрираат. Бирото за јавни набавки има задача да ги обезбеди сите документи за овој лек. Не може да чекаат на бесконечни тендери кога се работи за лек што го произведува еден производител. Сега јас лично ќе се заложам ова да се спроведе. Јас од вакви работи ПР не правам. Ова е вонредна мерка, тоа е јасно, но немам намера да ни умре друг пациент поради ова невозможна бирократија. Јас лично сум бил изложен двапати во животот со блиски членови на семејството на истата таа бирократија“, рече Ковачевски.
За измените на трите закони, кои треба да ги спремат министерствата, да се усвојат на Влада и да се достават до Собранието, премиерот рече: „Нема да станат додека не ги променат законите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Намалена видливост на патниот правец Тетово – Скопје, врнежи од снег на Попова Шапка
Сообраќајот на државните патишта се одвива во зимски услови, по влажни коловози, извести АМСМ.
Врнежи од снег со среден интензитет се бележат на Попова Шапка, но во моментов не преставуваат пречка за одвивање на сообраќајот. На планинскиот превој Пресека се бележат слаби врнежи од дожд и снег – (лапавица).
Намалена видливост поради појава на магла до 100 метри има на патниот правец Тетово – Скопје.
Сите патни правци во државата се проодни.
.Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Македонија
Без струја денеска делови од Аеродром, Карпош и Илинден
Од ЕВН Македонија известуваат дека денеска без електрична енергија ќе останат:
– во период од 08:30 до 13:30 часот дел од корисниците на улиците 8 и 11 Белимбегово, општина Илинден;
– во период од 09:00 до 11:00 часот дел од потрошувачите од улицата Струма, општина Карпош;
– во период од 09:00 до 11:00 часот дел од корисниците на булевар Јане Сандански бр. 30, општина Аеродром.
Македонија
Претежно облачно со услови за повремени врнежи од дожд
Облачно со слаб до умерен ветер од југоисточен правец. Во југоисточните делови ќе има врнежи од дожд (над 20 l/m²), а на повисоките планини во северозападните делови врнежи од снег. Минималната температура ќе биде во интервал од 3 до 7, а максималната ќе достигне од 8 до 14 степени.
Во Скопје, претежно облачно со услови за повремени врнежи од дожд. Ќе дува умерен ветер од променлив правец. Минималната температура ќе се спушти до 4, а максималната ќе достигне до 13 степени.
Времето во наредните денови
Следува период на променливо облачно до сабота и релативно топло време со повремени врнежи од дожд кои наместа ќе бидат пообилни. Во текот на ноќва во југоисточните делови ќе наврне над 20 l/m², а во петок поинтензивни врнежи ќе има во крајните западни делови. Ќе дува умерен, повремено засилен ветер. Од недела ќе настапи заладување и врнежи од снег се очекуваат на планините и во некои од повисоките места.

