Македонија
(Видео) Лек до крајот на месецот очекуваат болните од цистична фиброза: со загубата на Благојче се активираа сите
Парите што Владата ќе ги обезбеди за „трикафта“ би покриле терапија за седум пациенти. Ова го посочи претседателот на Асоцијацијата за лицата болни од цистична фиброза, Фики Гаспар, по средбата со премиерот Димитар Ковачевски. Според него, претпоставка е дека до крајот на месецот ќе го добијат лекот.
„Обезбедени се средства. Тие не се предвидени за седум, но според најголемата цифра, би ги покрил седумте пациенти. Е, сега се надеваме дека нема да бидат само седум пациенти. За жал, вчера го изгубивме Благојче, не требаше така да се случат работите. Со таа загуба се активираа сите и проблемот дојде до самиот премиер и до Владата, нешто што претходно се префрлало од институција на институција, од министерство на министерство“, рече Гаспар.
Тој додаде дека и од компанијата производител ќе зависи колку бргу ќе стигне лекот.
„До крајот на месецот е претпоставка бидејќи има некои закони што треба да се сменат. Има и друга ситуација за која разговаравме бидејќи тие не произведуваат голема бројка на лекови, туку само системски за годината. Треба да се види и компанијата колку бргу може да го произведе тој лек и да го донесе. Се надеваме дека ќе биде за помалку од три недели“, додава тој.
Тие пред Владата посочија дека има критични пациенти, на кои уште денеска им треба лекот.
„Болеста е непредвидлива. Благојче не беше најкритичниот пациент, имаше и покритични. Сега е време да дојде лекот и сега можеме да направиме превенција за другите пациенти. Разговаравме за интервентен увоз. Се договоривме да не изјавуваме бројка бидејќи може да се промени. Најважно за нас е таа програма од три години, која ќе ги опфати сите пациенти не само оние што се сега, туку и новите што ќе се појават“, додаде Фики Гаспар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Министерот Тошковски претседаваше со конститутивната седница на Управувачкиот комитет за координација и управување со системот за управување со кризи
Министерот за внатрешни работи Панче Тошковски денес како претседавач на Управувачкиот комитет за координација и управување со системот за управување со кризи, присуствуваше на конститутивната седница на комитетот која се одржа во просториите на Центарот за управување со кризи.
На седницата присуствуваа и министерот за надворешни работи и надворешна трговија Тимчо Муцунски, министерот за одбрана Владо Мисајловски, министерот за здравство Арбен Таравари и министерот за земјоделство, шумарство и водостопанство Цветан Трипуновски.
На средбата, директорот на ЦУК Стојанче Ангелов информираше за мигрантската кризна состојба на јужната и северната граница, кризната состојба во КПУ „Идризово“, како и за бројот на пожари на отворен простор и ресурсите за нивно гаснење.
„Продолжуваме посветено да работиме на надминување на овие предизвици, обезбедување брза и ефикасна реакција во кризните ситуации, се со цел поголема безбедност за нашите граѓани“, потенцираше министерот Тошковски.
Македонија
Средба Муцунски –Лудва: изразен интерес за искористување на потенцијалот за натамошно развивање на економската соработка меѓу двете земји
Министерот за надворешни работи и надворешна трговија Тимчо Муцунски, денес оствари средба со амбасадорот на Чешката Република, Јарослав Лудва.
На средбата беше истакнато взаемно задоволство од одбележувањето на 30-години од воспоставувањето на дипломатските односи меѓу двете земји, кои се карактеризираат со развиена соработка во многу сфери и отворен и продлабочен дијалог по сите клучни прашања за двете земји.
Министерот Муцунски се заблагодари за силната чешка поддршка за процесот за интеграција на нашата земја во ЕУ, особено нагласена и преку Вишеградската и Групата на пријатели на проширувањето, како и преку т.н. Славков формат. Притоа, ја потенцира цврстата определба на новата влада за забрзување на евроинтеграцискиот процес и спроведување на клучните реформи.
Министерот изрази интерес за искористување на потенцијалот за натамошно развивање на економската соработка меѓу двете земји во повеќе области, меѓи кои и во енергетскиот сектор и земјоделството. Притоа, изразувајќи задоволство од порастот на трговската размена во изминатите години, Муцунски ја нагласи важноста од натамошен фокус на унапредувањето на бизнис релациите, што ќе биде меѓу приоритетите на Министерството во следниот период.
Македонија
Зголемена фреквенција на возила на „Табановце“ и „Богородица“, се чека околу 30 минути
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. Нa ГП Табановце и Богородица има зголемена фреквенција на возила за излез од Мaкедонија, време на чекање околу 30 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.