Спорт
Пандев: Погрешни луѓе го водат македонскиот фудбал, нашата лига е катастрофа
Горан Пандев, во големо интервју за „Моцарт спорт“, зборува за почетоците во Италија, Лацио, тројната круна со Интер во 2010 година, Наполи. За соиграчите од Лацио, Интер, Наполи. Пандев исто така проговори репрезентацијата на македонија, историскиот меч со Грузија, но и за сосотјбите во македонскиот фудбал.
Горан Пандев за Македонија дебитираше против Турција, во јуни 2001 година. Последниот натпревар го одигра на Европското првенство во јуни 2021 година против Холандија.
За 20 години, Пандев за Македонија одигра 122 натпревари и постигна 38 гола.
Сите тие години бевте првата и веројатно единствената ѕвезда во македонската репрезентација, која во квалификациите беше главно аутсајдер без никакви шанси за пласман на големите натпреварувања. Но ти не се откажа…
„Во клубовите ми одеше одлично, но во репрезентацијата никако не можев да го остварам сонот, да играме на големо натпреварување. Знаев дека и ние сме мала земја и репрезентација која нема 20 или 25 големи играчи. Но, со Лигата на нации имаше шанса и се надевав. Се случи и спој на генерации, дојдоа Елмас, Барди, Велкоски и се вклопија кај нас постарите, каде уште беа Адеми, Ристовски… Таму се најдовме и успеавме преку Лигата да се пласираме на ЕП“.
Колку е тешко да губиш натпревари од година во година и да останеш во таа репрезентација?
„Имаше и период кога прескокнав едни квалификации. Но, кога ќе го облечете дресот на репрезентацијата и вашата земја, се е поинаку отколку во клубовите. Имаше кризи и порази. Загубивме од Андора, се срамев да се вратам во Лацио по такви порази. Реми со Холандија па губиш од аматери од Андора?! Тоа само нас може да ни се случи… се враќам во Рим и не можам да се средам месец дена после тоа, а Делио Роси вика и ме прашува што ми е. Ми рече да се откажам од репрезентацијата бидејќи и онака секогаш сме петти во групата. Но за мене репрезентацијата е светост. Подоцна, кога дојде тренерот Ангеловски, се промени и менталитетот на играчите. А Лигата на нации им олесни на малите земји како Македонија“.
Ја спомнавте таа помлада генерација која претходно играше на младинското ЕП. Колкаво влијание имавте конечно да создадете успешна генерација македонски фудбалери?
„Тие видоа лидер во мене. Поминав низ многу лоши моменти во кариерата со репрезентацијата и постојано им го кажувам тоа. Тие се најдобрата генерација што ја имала Македонија. Во секоја генерација имавме под два-тројца добри играчи како Митрески, покојниот Милошевски, Седлоски, Несторовски… Но, никогаш немавме ваква екипа. Затоа им помогнав на помладите да го тргнат притисокот. Го зедов тоа на себе и полесно играа. Се договорив со селекторот кога ја презеде репрезентацијата, бидејќи навистина веруваше во оваа генерација. Не ми беше проблем да бидам на клупата, ниту да трчам повеќе од помладите. Тоа беа моите последни години во репрезентацијата и се случи да се пласираме на ЕП“.
Што ви се вртеше низ глава кога го постигнавте голот против Грузија кој ве однесе на Европското првенство? Уште 40 минути до крајот…
„Само се надевав дека така ќе заврши натпреварот. Мислев дека Бог одреди да постигнам гол и да одиме на ЕП. Имав чувство дека победуваме. Знаев дека тоа може да биде последен меч во мојата кариера и дека сакам да се збогувам од репрезентацијата на ЕП“.
Дали македонскиот фудбал го искористи тој резултат за да напредува или се се врати на старо?
„Жал ми е што велам, но сè се врати во нормала. Во Фудбалската федерација на Македонија работат луѓе кои не се заинтересирани за фудбал. Отидовме на ЕП, но не искористивме ништо од маркетингот, од спонзорите… Кај нас се случува екипи да го откажат учеството во лигата една недела пред почетокот на сезоната. Тоа е вистински срам. Луѓето го гледаат само сопствениот интерес. Жал ми е и се надевам дека нема да чекаме уште 30 години за да се пласираме на големо натпреварување, но мислам дека со овие луѓе одиме по лош пат. Проблемот не е А репрезентацијата, туку помладите селекции во кои играат деца кои не заслужуваат да играат. Условите за игра се катастрофални“.
Дали имате амбиција да го промените или да поддржите некој што би го променил?
„Немам амбиции да бидам претседател на Федерацијата. Но, сакам нашиот фудбал да се спаси од овие сегашни луѓе. Тоа се погрешни луѓе. И јас имам свој клуб во Македонија, изградив спортски центар, сакам да вложам мои пари и да им помогнам на помладите категории… Но, кога работиш со вакви луѓе… Има и други спортисти кои му мислат добро на фудбалот, но премногу е влезена политиката“.
Колку е тешко да ги вложите вашите пари во таква средина?
„Искрено, кога би се вратил назад 10 или 15 години,не би го направил истото… Не би инвестирал во првиот тим, туку само во помладите категории. Нашата прва лига е катастрофа. Немате помош од Федерацијата, немате маркетинг, цените на играчите се смешни… Федерацијата потпишува договор за ТВ права, а клубовите не добиваат ништо. Ама што ќе правиш… Ќе продолжиме, ќе се бориме и ќе ги чекаме вистинските луѓе. Нашата лига е катастрофа“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бока јуниорс работи на трансферот на Марко Верати
Марко Верати (33) би можел сензационално да им се придружи во Бока Јуниорс, на своите поранешни соиграчи од Пари Сен Жермен: Единсон Кавани, Андер Ерера и Леандро Паредес.
Аргентинскиот гигант ја истражува можноста за трансферот на италијанскиот играч од средниот ред, а претседателот на клубот Хуан Роман Рикелме тивко го подготвува теренот за трансфер со кој сака да создаде моќен тим за враќање во Копа Либертадорес во 2026 година.
Иако пристигна во Ал Духаил ова лето по две сезони во Ал Араби и потпиша договор до јуни 2026 година, Италијанецот наводно сака порано да го напушти клубот.
Тој веќе разговарал со италијански гиганти како Интер, Милан и Јувентус, но неговите поранешни соиграчи од ПСЖ му понудиле нова идеја. Токму триото Кавани, Ерера и Паредес го убедиле да размисли за Бока Јуниорс, што го поттикна Рикелме да „го испита теренот“.
Претседателот на Бока веќе воспостави директен контакт со Верати, па дури и со неговата сопруга Џесика Аиди, запознавајќи ја со животот во Буенос Аирес, јасен знак колку сериозно се сфаќаат во аргентинскиот клуб.
Спорт
Роналдо им подари часовници на своите соиграчи, еден доби семејството на Диога Жота
Кристијано Роналдо продолжува да му оддава почит на својот трагично починат соиграч Диого Жота, а овој пат тоа го направи посебен гест за неговото семејство и остатокот од португалската репрезентација.
Во знак на сеќавање на заедничкиот триумф во Лигата на нации во 2025 година, Роналдо им подари на сите персонализирани часовници.
За потсетување, напаѓачот на Ливерпул и неговиот брат Андре Силва загинаа во сообраќајна несреќа во Шпанија во јули оваа година.
Смртта на 28-годишниот Диого Жота се случи во шпанската покраина Замора, само 11 дена откако се ожени со својата долгогодишна партнерка Рута Кардосо, со која имаше три деца.
Помалку од еден месец пред несреќата, Жота беше клучен дел од португалската репрезентација што ја победи Шпанија на пенали во финалето на Лигата на нации. Веста ја шокираше фудбалската јавност.
„Нема смисла. Бевме заедно во репрезентацијата, вие штотуку се ожени. Сакам да испратам сочувство на твоето семејство, на товојата сопруга и на твоите деца и им јапосакувам сета сила на светот. Знам дека секогаш ќе бидш со нив. Почивајте во мир, Диого и Андре. На сите ќе ни недостигате“, напиша Роналдо на социјалната мрежа X.
За да остане трајно сеќавањето на Жота и нивниот заеднички успех, 40-годишниот Роналдо дизајнираше уникатен подарок.
Капитенот на репрезентацијата се здружи со луксузниот бренд „Jacob & Co“, за да создаде персонализирани часовници за сите соиграчи кои учествуваа во освојувањето на Лигата на нации во Минхен.
Роналдо им ги испрати часовниците на своите сонародници пред квалификацискиот натпревар за Светското првенство против Ерменија, а еден испрати и до семејството на Жота.
Спорт
Скоулс: Падот на Ливерпул кога Слот глумеше диџеј на Ибица
Легендата на Манчестер Јунајтед, Пол Сколс, верува дека шокантниот пад на формата на Ливерпул започнал откако менаџерот Арне Слот бил забележан како се забавува на Ибица пред самиот крај на претходната, шампионска сезона на „Црвените“.
Пред само шест месеци, Ливерпул убедливо ја освои титулата во англиското првенство, но денес ситуацијата е значително поинаква – тимот е на 12-то место, а холандскиот стручњак е трпи жестоки критики.
Откако ја обезбедија титулата во лигата на крајот на април, „Црвените“ не успеаја да победат во ниту еден од последните четири натпревари од сезоната. Во овој период, менаџерот Слот отпатува на Ибица, каде што беше снимен како ужива во друштво на Вејн Линекер. Ливерпул моментално е во криза, поразен е на шест од последните седум лигашки натпревари, а Сколс остро го критикуваше однесувањето на тренерот.
„Мислам дека започна кон крајот на минатата сезона, се сеќавате кога ја освоија лигата? Лошата форма започна, отидоа на Ибица или нешто слично. Искрено, Арне Слот беше диџеј. Беше диџеј на Ибица. Но, тоа беше пред да заврши сезоната, тоа е она што го мислам. Мислам дека е непочитување, пред да заврши сезоната“, рече Сколс во подкастот „Добриот, лошиот и фудбалот“.
Иако не коментираше директно за патувањето на Ибица, холандскиот тренер ја призна одговорноста за она што го нарече „смешен“ пад на формата на неговиот тим.
Поранешниот стратег на Феенорд имаше огромна заслуга во освојувањето на титулата, но откако потроши речиси 500 милиони евра на засилувања ова лето, повеќе не е сигурен во својот статус на „Енфилд“.
„Би го опишал тоа како смешно. Нешто во што не очекував дека ќе се најдам. Не во ниту еден клуб каде што требаше да работам, а камоли во Ливерпул. Неверојатно е. Ако можеш да најдеш изговор, никогаш нема да најдеш доволно изговори за да играш вака. Неочекувано за клубот, за мене и за сите. Но, јас работам во клуб каде, ако мора да се соочиш со тоа, ова е најдобриот клуб за тоа“, рече Слот пред натпреварот од Лигата на шампионите против ПСВ.
ДСЗИ нареди вонредно чистење и здравствени прегледи на вработените во училиштето „Димо Хаџи Димов“
Државниот санитарен и здравствен инспекторат освен затворање на кујната во училиштето „Димо Хаџи Димов“ во Влае како потенцијален извор на...
Гаши: Ниедно билатерално прашање не смее да стане пречка на нашиот европски пат
Ниедно билатерално прашање не смее да стане пречка на нашиот европски пат. Ние остануваме подготвени за принципиелен дијалог со сите...
Мицкоски: Нема да има нови ресори, еден човек ќе биде и вицепремиер и министер
Нема да има нови ресори, еден човек ќе биде и вицепремиер и министер за нешто, изјави денеска премиерот Христијан Мицкоски...
Во развиените држави ги среќавам моите најдобри студенти, а на Клинички ме фаќа страв каква услуга ќе добијам, рече Беќаровски
Партизацијата тотално го деградира квалитетот на јавното здравство и затоа итно се потребни системски промени за кои мора посилно да...
Повеќе од 900 жени годинава жртви на семејно насилство: „Оваа бројка е повик за итна акција“
Сега е време да се обединиме и да ја промениме приказната, да ставиме крај на насилството врз жените и девојките....
Словенија ги призна возачките дозволи oд Македонија
Словенија усвои измени на Законот за возачите, со кои им се овозможува на носителите на возачки дозволи издадени во Македонија,...
Се зголемува бројот на напуштени кучиња со активен микрочип
Јавното претпријатие „Лајка“ предупредува на континуиран и загрижувачки тренд на кучиња пронајдени на улица со активен микрочип, односно со јасно...
(Видео) Русија реагира на обелоденетиот телефонски разговор меѓу Виткоф и советникот на Путин
Кремљ се огласи утрово откако во извештај на Блумберг се наведува дека еден од претставниците на американскиот претседател Доналд Трамп...
(Видео) Шокантна сцена во Дубровник: што сѐ исфрли морето на брегот
Шокантни слики доаѓаат од Јадранот, каде што најпознатата плажа во Дубровник, Бање, е оставена покриена со ѓубре откако морето исфрлило...
(Видео) Дали, конечно, е блиску крајот на војната во Украина: остануваат три клучни пречки
Американската администрација оптимистички најавува голем напредок во преговорите за завршување на војната во Украина. Претседателот Трамп го пофали „огромниот напредок“...
(Видео) Новинар: Какви отстапки нуди Русија? Трамп: Ќе престанат да се борат
Американскиот претседател Доналд Трамп е убеден дека Русија, со запирање на својата офанзива, би направила „голема отстапка“ за Украина, што,...
„Донецк и размената на територии“: целиот транскрипт од разговорот меѓу луѓето на Трамп и Путин
Блумберг објави транскрипт од телефонски разговор помеѓу Стив Виткоф, специјалниот претставник на американскиот претседател Доналд Трамп за мировни мисии, и...
Трамп се откажа од ултиматумот за Украина
Американскиот претседател Доналд Трамп вчера се повлече од ултиматумот што ѝ го даде на Украина да го прифати американско-рускиот мировен...
Претседателот на Тајван: Ќе предложам да потрошиме уште 40 милијарди долари за одбрана
Тајван ќе воведе дополнителни 40 милијарди долари за одбрана за да ја нагласи својата решителност да се брани, изјави претседателот...
Кина: Ќе ги потиснеме сите странски обиди за мешање во ситуацијата за Тајван
Кина денес предупреди дека ќе ги „потисне“ сите странски обиди за мешање во ситуацијата околу Тајван, откако Јапонија објави планови...
Објавени транскриптите, Виткоф до човекот на Путин: Знам што е потребно за да се постигне договор
Пратеникот на Трамп, Стив Виткоф, по успехот на мировниот договор за Газа, минатиот месец оствари телефонски разговор со висок функционер...
Владата именува повереници за општините Маврово Ростуше, Гостивар, Центар Жупа и Врапчиште
Владата на денешната седница именува повереници за општините Маврово Ростуше, Гостивар, Центар Жупа и Врапчиште во кои што на локалните...
Украина се согласи на мировен договор со Русија, тврдат САД
Украина се согласи на договор за прекин на војната со Русија, при што остануваат само мали детали, изјави американски функционер...
Уапсени директори и заменик министер за земјоделство: излажале дека недостасуваат пченица и јачмен вредни 780.000 евра
Полицијата денеска уапси пет лица осомничени за злоупотреба на стоковите резерви, излажале дека недостасуваат пченица и јачмен вредни 780.000 евра....
Откажано утрешното рочиште за „Пулс“: Недостасуваат адреси од оштетени и нивни застапници
Утрешното судење за пожарот во дискотеката „Пулс“ во Кочани, во кој загинаа 63 лица и околу 200 се повредени, е...
