Спорт
„SF-23“ – Новиот болид на Ферари

Италијанскиот тим на Ферари го претстави болидот „SF-23“ со кој ќе се натпреварува во претстојната сезона од шампионатот во Формула 1.
Презентација беше организирана во нивната база во Маранело, а некои од љубителите на мотоспортот отидоа дотаму што кажаа дека ова е најдобрата презентација на автомобил во историјата.
Новиот автомобил најпрво беше развиен под името на проектот „675“, а потоа доби ново име, со што ја продолжи традицијата од 2015 година.
Иако имаше промени на врвот на Ферари, со заминувањето на Матијас Биното, возачи во следната сезона ќе бидат Шарл Леклер и Карлос Саинц. Леклер ја доби честа прв официјално да седне во новиот болид.
Болидот ги комбинира црвено-црните бои распоредени на сличен начин како во минатата сезона, а она што им привлече внимание на сите е името на тимот испишано на задното крило.
Биното беше заменет како прв човек на тимот од Фредерик Васер, кој ја извршуваше таа функција во тимот на Алфа Ромео (Заубер).
„Чувствувам дека сите се горди на сработеното и тоа е многу важно за сечија мотивација. Ќе биде долга сезона, но мотивацијата е тука и таа е клучна за настапот“, изјави Васер, а потоа коментираше за времето од приклучување на тимот:
„Беше интензивно, како што можете да замислите. Ја чувствувате одговорноста, тоа е голема чест. На крајот на денот најважно е да успееме и ќе мора да го направиме тоа“.
Meet SF-23, #Tifosi!
Introducing our 2023 challenger 🏎 #SF23 pic.twitter.com/O9uNS7mAIC
— Scuderia Ferrari (@ScuderiaFerrari) February 14, 2023
Тимот ќе има претсезонско тестирање од 23. до 25. февруари во Бахреин. Новата сезона ќе започне на 5. март со Големата награда на Бахреин.
Ферари последен пат ја освои титулата во 2008 година, па 15 години пост секако е премногу за тим со такво реноме. Во тоа време зад воланот беше Кими Раиконен.
Да потсетиме, минатата сезона Леклер заврши на второто место во конкуренција на возачи зад Макс Верстапен, додека Карлос Саинц беше петти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Карабаг ќе игра во главната фаза во Лигата на шампионите

Фудбалерите на Карабах втор пат в клупската историја се квалификуваа во главната фаза од Лигата на шампионите.
Клубот од Азербејџан загуби во реваншот од плејофот против Ференцварош со резултат 2:3, но победата од 3:1 во првиот натпревар беше доволна за пласман.
Почна добро за гостите од Унгарија. Во 12-та минута, Јозеф искористи додавање од искусниот Варга и постигна гол. Сепак, до крајот на првото полувреме, практично сè беше решено. Карабах израмни во 25-та минута преку Андраде, а непосредно пред крајот на полувремето, пресврт напави Зубир.
Ференцварош имаше речиси невозможна задача. Варга, сепак, ги разгоре надежите со гол во 55-та минута од пенал, а Тот најави комплетна офанзива со гол во 82-та минута.
Ференцварош ги фрли сите карти во нападот, но не можеше да постигне гол што ќе ги однесеше во продолжение.
Карабаг е вториот тим од самиот исток на Европа што ќе игра во лигашката фаза од Лигата на шампионите. Каират од Казахстан, исто така, направи голем подвиг еден ден претходно.
На патот до главната фаза, Карабаг во третото коло ја елиминира Шкендија.
Спорт
Ѓоковиќ со загубен сет до третата рунда на Ју-ес опен

Новак Ѓоковиќ е во третото коло на Отвореното првенство на САД. Најдобриот во историјата го победи квалификантот Закаријас Сваида (145-ти на АТП) листата со 6:7 (5:7), 6:3, 6:3, 6:1 по два и пол часа на стадионот „Артур Еш“.
Луден меч одигра Србинот, без многу енергија. Веројатно поради фактот што излезе на теренот невообичаено рано.
Новак беше далеку од врвно ниво. Сепак, успеа да го најде вистинскиот ритам откако го загуби првиот сет и на крајот славеше рутински.
„Да бидам искрен, не беше баш најдобро. Не играв најдобар тенис од самиот почеток. Зак играше висококвалитетен тенис во одредени фази од натпреварот. Честитки. Многу е важно и добро за него што остана на теренот и покрај проблемите. Сет и пол ме туркаше да играм најдобро што можам.
Ми се чини дека колку подалеку одам на Гренд слем турнирите, толку поудобно се чувствувам. Закрепнувањето по тешките натпревари е многу важно. Ова се некои работи што се рутински. Благодарност до сите што ме бодреа“, рече Ѓоковиќ
Негов следен противник ќе биде подобар од Камерон Нори (Велика Британија) – Франциско Комесања (Аргентина).
Foto/ EPA/SARAH YENESEL
Спорт
Турција ја загази Летонија

Турција, во дербито на денот на 42. Европско првенство во кошарка, ја декласира домашната селекција Летонија со 93:73 (24.21, 23:18, 25:16, 21:18).
Тирците буквално го затрупаа летонскиот кош, шутира фантастични 60 проценти за три поени, Турците погодија а 15 од 25 обиди од зад линијата 6,75.
Летонсците некако се држеа до третиот период, кога се разиграа Шејн Ларкин И Џеди Осман. На почетокот на последниот период резултатот беше 72:55, а во последниот пеирод Турците имаа предост и од 24 поени.
На крајот, најефикасни во Турција беа Осман со 20, Сипахи со 19, Шенгун со 16 и Ларкин со 15 поени. Летонците исто така имаа четворица со двоцифрен број на поени, но со многу послаб настап, Ломас постигна 16, Жагарс 11, а Порзингис и Шмитс постигнаа по десет поени.
Foto/ EPA