Свет
Турција не престанува да се тресе, регистрирани уште шест силни земјотреси во веќе разурнати области
Силна сеизмичка активност вечерва е забележана во Турција, па Европскиот медитерански сеизмолошки центар (ЕМСЦ) наведува дека оваа земја во текот на ноќта ја погодиле дури шест силни земјотреси.
Првиот се случи на 17 километри од Хекимхан, во провинцијата Малатија. Овој земјотрес со јачина од 3,9 степени според Рихтеровата скала и на длабочина од пет километри ја погоди Турција околу 3.11 часот по локално време.
Само дваесет минути подоцна, два силни земјотреса погодија два региона во Турција. Едниот се случил во Ијаладереа во близина на сириската граница и бил со јачина од 4,2 степени според Рихтеровата скала.
Вториот ја погоди областа Карлиова и неговата магнитуда беше 4,5 степени според Рихтеровата скала.
Околу 3.50 часот утрото на удар се најде и Караманмараш, град практично уништен во првата серија земјотреси во Турција. Овој пат го погоди земјотрес со јачина од 3,9 степени според Рихтеровата скала.
Земјата во Турција беше мирна околу четири часа, но утрото околу 8.45 часот имаше нов земјотрес во близина на Антиохија, на границата со Сирија.
Овој земјотрес бил со јачина од 3,1 степени според Рихтеровата скала, пренесе „Нова.рс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Асанж пристигна во Австралија: емотивна средба со сопругата и неговиот татко
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.
Регион
Најмалку едно лице е убиено во масовна тепачка во затвор во Грција
Во најголемиот затвор во Грција, Коридалос, дошло до тепачка меѓу осуденици, во која животот наводно го загубил најмалку едно лице, а има и повредени.
Како што пишуваат грчките медиуми, дошло до тепачка меѓу затвореници од Албанија, кои се сместени во 4-то одделение, каде се сместени претежно осудените за најтешки кривични дела.
Во овој момент не се знае како дошло до тепачката ниту кој е убиен.
Според неофицијални информации, едно лице е избодено со нож.