Спорт
Фијаско – Челси не можат да обезбедат работна дозвола за Андреј Сантош
Челси не успеја да обезбедат работна дозвола за нивното ново засилување, Браизлецот Андреј Сантош и покрај неговиот трансфер во зимскиот преоден рок од Васко да Гама, по што е возможно тој да биде пратен на позајмица назад во Бразил или во турската Суперлига.
Според британските медиуми, 18-годишниот Сантош не успеал да ги помине побарувањата на Премиерлигата за само еден поен, односно не може да биде признаен како „посебен талент“, што е тешко да се докаже посебно бидејќи Челси веќе потрошија огромни суми за засилување во средниот ред со Енцо Фернандез.
Најверојатна локација за Сантош е Палмеирас, бидејќи ако игра во бразилската прва лига за клуб кој настапува во Кпа Либертадорес ќе добие дополнителни три поени и во текот на летото ќе ја добие потребната работна дозвола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Трагедија: литвански кошаркар пронајден мртов во Џенова
Литванскиот кошаркар Ауримас Кибас го загуби животот под мистериозни околности во Џенова.
Кибас, кој има 27 години, паднал од заграда висока 20 метри.
Кошаркарот на Берингброу бил во посета на својот пријател Римантас Даунис кој игра за Сестри. Вечерта кога се случила несреќата бил во ноќен клуб.
Според луѓето кои го виделе, тој бил под дејство на опијати, а наводно бил вмешан во тепачка. Неговите пријатели го загубиле во текот на вечерта, која заврши трагично.
Полицијата не исклучува самоубиство, но не исклучуваат ниту други сценарија.
Спорт
Анчелоти кариерата ќе ја заврши во Реал
Реал Мадрид и Борусија Дортмунд во сабота од 21 часот ќе го играат финалето на Лигата на шампионите на Вембли. Тренерот на „кралскиот клуб“, Карло Анчелоти (64) даде интервју за „Ла Република“ пред последниот натпревар од сезоната. Меѓу другото, тој одби да зборува за доаѓањето на Килијан Мбапе, бидеќи овој трансфер се уште не е официјално потврден.
Најинтересниот одговор на Анчелоти секако е оној за крајот на неговата тренерска кариера.
„Мојата кариера ќе заврши во Реал, но прво сакам да освојам уште една Лига на шампиони. Јас сум Мадридиста, се идентификувам со клубот, сакам да ги израдувам луѓето во клубот и навивачите“, изјави Анчелоти и додаде дека верува оти неговиот син Давиде може да биде главен тренер, но засега остануваат заедно во Реал.
Анчелоти како фудбалер освои седум трофеи со Милан и пет со Рома како централен играч за врска, а уште поуспешена е неговата тренерска кариера.
Од 1992 година до денес ги предводел Реџана, Парма, Јувентус, Милан, Челзи, ПСЖ, Баерн, Наполи, Евертон и Реал, со кого има договор до летото 2026 година.
Досега четири пати ја освои Лигата на шампионите, по два пати со Реал и Милан.
Спорт
Чави се откажал од 12 милиони евра во корист на помошниците
Чави Ернандез повеќе не е тренер на Барселона. Во петокот тој доби отказ, а нов тренер на трофејниот клуб ќе биде Ханси Флик.
„АС“, откри интересни детали од прекинот на соработката помеѓу Чави и Барса.
„Во вторник Чави ќе дојде во клубот со неговиот наџер Фернандо Соланас за да го раскине договорот со кој беше обврзан до 30 јуни 2025 година. Во таа прилика тој ќе се откаже од целата сума на која има право според договорот во случај да добие отказ, што е околу 12 милиони евра“.
Легендата на Барселона од оштетата се откажал поради неговите помошници, кои заедно со него го напуштија клубот. Осуммината помошници на Чави ќе се ги добијат парите што им следуваат според договорите што ги потпишаа со Барселона.
Оштетата за сите нев Барселона ќе ја чини околу три милиони евра.
Чави ја презеде Барселона на 6 ноември 2021 година и ги предводеше Каталонците во 141 натпревар. Оствари 89 победи, 23 нерешени и 29 порази. Минатата година ја освои Ла Лига и домашниот Суперкуп, а оваа сезона заврши на второто место и беше елиминиран во четвртфиналето на Лигата на шампионите од ПСЖ.
Беше отпуштен бидејќи ја критикуваше администрацијата, односно финансиската состојба во која се наоѓа клубот.
Чави јавно кажа дека Барселона нема пари да се натпреварува со Реал и дека се неопходни засилувања за да влезат во трка со „кралскиот клуб“. Исто така ги потсети навивачите дека оваа Барселона нема никаква врска со онаа од трофејното минато.