Свет
Северна Кореја лансираше балистичка ракета

Северна Кореја истрела балистичка ракета во морето во близина на нејзиниот источен брег, соопшти воената команда на Јужна Кореја, откако Пјонгјанг предупреди дека силно ќе одговори на претстојните американско-јужнокорејски воени вежби.
Јапонската крајбрежна стража исто така соопшти дека Северна Кореја лансирала балистичка ракета. Јужнокорејската војска објави дека се работи за проектил со долг дострел истрелан од локација недалеку од Пјонгјанг.
Лансирањето дојде откако Северна Кореја се закани со „невиден цврст, силен одговор“ во петокот додека Јужна Кореја и Соединетите Држави се подготвуваат за нивните годишни заеднички воени вежби како дел од напорите да ги одвратат растечките нуклеарни и ракетни закани на Северна Кореја.
Сојузничките нуклеарни стратешки вежби се закажани за среда во Пентагон и на нив ќе учествуваат високи креатори на одбранбената политика од двете земји, соопшти јужнокорејското Министерство за одбрана. Двете земји, исто така, имаат намера да одржат широк опсег на заеднички теренски вежби, вклучително и вежби со погодување цели, во наредните недели и месеци.
Околу 28.500 американски војници се стационирани во Јужна Кореја како наследство од Корејската војна од 1950 до 1953 година, во која учествуваа САД и која заврши со примирје, а не со мировен договор, оставајќи ги завојуваните страни технички сè уште во војна.
Нуклеарно вооружената Северна Кореја минатата година лансираше најголем број ракети досега, вклучително и интерконтинентални балистички ракети кои би можеле да погодат каде било во Соединетите држави, и ги продолжува подготовките за својот прв тест за нуклеарно оружје од 2017 година.
Пјонгјанг можеби создал воена единица задолжена да управува со нови интерконтинентални балистички ракети, во согласност со неодамнешното воено реструктуирање, како што сугерираат снимките на државните медиуми кои ја прикажуваат воената парада на 9 февруари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Убиен е висок ирански воен функционер

Иранската државна телевизија IRINN објави дека генералот Мохамед Багери, началник на Генералштабот на иранските вооружени сили и највисок воен офицер во земјата, е убиен во израелски напад.
Багери е втората висока воена личност за која се знае дека е убиена во невидените израелски напади врз Иран преку ноќ.
Претходно, иранските државни медиуми објавија дека е убиен и генералот Хосеин Салами, командант на Иранската револуционерна гарда (IRGC).
Свет
Израел го погоди клучниот нуклеарен реактор во нападот врз Иран

Израел погоди клучен нуклеарен реактор во својот напад врз Иран. Меѓу нив е и нуклеарниот реактор Натанц, кој е клучен за нуклеарната програма на Иран.
Во раните утрински часови, според информациите од иранската државна телевизија, објавени од Ројтерс, се случила нова експлозија во нуклеарниот објект Натанц, околу 225 километри јужно од Техеран. Станува збор за еден од централните објекти за збогатување ураниум во Иран, чија важност за нуклеарната програма на земјата е повеќе пати потврдена и следена од Меѓународната агенција за атомска енергија (МААЕ).
МААЕ потврди дека објектот Натанц бил меѓу целите насочени од Израел во неговата последна воена операција и дека е во контакт со иранските власти за да се утврдат можните промени во нивоата на зрачење.
Комплексот Натанц, кој се наоѓа во централната покраина Исфахан, е еден од најважните објекти во нуклеарната програма на Иран. Таму се наоѓаат голем број центрифуги за збогатување на ураниум, вклучувајќи напредни модели што ги користи Иран за да постигне нивоа на чистота на ураниум до 60% – многу блиску до нивото потребно за производство на нуклеарно оружје. Поради оваа причина, Натанц со години е под строг надзор на инспекторите на МААЕ, но исто така е и постојана цел на израелски напади и саботажи.
Објектот е изграден и надграден под земја за да биде поотпорен на воздушни напади, но експлозиите потврдени утрово од ирански и израелски извори сугерираат дека бил погоден и покрај овие заштитни мерки.
Свет
Погледнете како изгледа воздушниот простор над Иран и Ирак во моментов

Авиокомпаниите рано утрово го евакуираа воздушниот простор над Израел, Иран и Ирак откако Израел започна напади врз цели во Иран, покажаа податоците на Flightradar24, додека превозниците брзаа да ги пренасочат и откажат летовите за да ги заштитат патниците и екипажот.
Ширењето на конфликтите низ целиот свет станува сè поголем товар за работењето и профитабилноста на авиокомпаниите, како и сè поголема безбедносна закана.
Flights clearing Iran and Iraq after airspace closures in both countries following strikes by Israel in Iran. pic.twitter.com/lefDHnAsoD
— Flightradar24 (@flightradar24) June 13, 2025
Израел соопшти дека ги таргетирал иранските нуклеарни постројки, фабриките за балистички ракети и воените команданти на почетокот на она што предупреди дека ќе биде долгорочна операција за спречување на Техеран да произведува атомско оружје.
Аеродромот Бен Гурион во Тел Авив беше затворен до понатамошно известување, а израелските единици за воздушна одбрана беа во состојба на висока готовност за можна одмазда од Иран. Израелскиот авиопревозник „Ел Ал ерлајнс“ соопшти дека ги прекинал летовите до и од Израел.
Иранскиот воздушен простор беше затворен до понатамошно известување, објавија иранските државни медиуми. Ирак го затвори својот воздушен простор и го прекина целиот сообраќај на своите аеродроми рано утрово, објавија ирачките државни медиуми.