Спорт
Ливерпул за 20 минути го реши Њукасл
Фудбалерите на Ливерпул победија на гости кај Њукасл со резултат 2:0, во последниот натпревар од саботната програма од 24. коло на Премиер лигата.
Натпреварот беше решен во првите 20 минути, Ливерпул ги постигна двата гола и Њукасл остана со фудбалер помалку на теренот, бидејќи голманот Ник Поуп испадна наивен и доби црвен картон.
Тој истрча далеку надвор од сопствениот гол и казнениот простор, погрешно ја процени топката, несмасно се обиде да ја удри топката со глава, но ја фати со раце и судијата Ентони Тејлор мораше да го исклучи.
На оваа ситуација и претходеа два гола на Ливерпул за седум минути.
Во 10. минута Дарвин Нуњез го постигна првиот, а во 17.минута Коди Гакпо вториот гол за Ливерпул.
Њукасл во двата наврати се покажа наивен, додавањата низ целата одбрана беа начин гостите да ги постигнат двата гола, за првиот асистент беше Александар-Арнолд, додека за вториот Мо Салах.
До големата пауза Њукасл со десетмина можеше да постигне барем еден гол, но во два наврати топката заврши на гредата.
До крајот на натпреварот само Калум Вилсон му се закани на Алисон, додека Ливерпул неколку пати беше блиску до трет гол.
Ова е втор пораз на Њукасл оваа сезона и првиот го доживеа од Ливерпул, во август минатата година.
Ливерпул се искачи на осмото место и има 35 бодови, исто колку и Брајтон и Брентфорд, додека Њукасл е четврти со шест бода повеќе.
Њукасл во следното коло му гостува на Сити, додека Ливерпул го пречекува Кристал Палас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Бајрами го постигна најбрзиот гол во историјата на ЕП, Италија сепак води во Дортмунд
Репрезентативецот на Албанија, Недим Бајрами го постигна најбрзиот гол во историјата на Европските првенства.
На стадионот „Вестфален“ во Дортмунд, Бајрами ја искористи катастрофалната грешка на Ди Марко и го совлада Донарума по само 23 секунди игра.
Albania scores in 25 seconds against Italy 🤣 #albania #italy #EURo2024 pic.twitter.com/c48owFmYcs
— Heybets (@playheybets) June 15, 2024
Актуелните европски шампиони експресно се опоравија по почетниот шок.
Бастони го изедначи резултатот во 11.минута. Дефанзивецот на Интер, погоди со глава откако остана сам на втората статива по нафрлувањето на Пелегрини.
Четири минути подоцона, Италија направи целосен пресврт. По една флипер ситуација пред голот на Албанија, топката дојде до Барела кој од 15 метри ја смести топката во голот.
Спорт
Далиќ: Изгледавме немоќно
Репрезентацијата на Хрватска загуби од Шпанија со 3:0 во 1. коло од групата Б на Европското првенство. Головите за Шпанија ги постигнаа Алваро Мората во 29. минута, Фабијан Руиз во 33. минута и Дани Карвахал во 45. минута.
Селекторот на Хрватска, Златко Далиќ, на прес конференцијата рече дека неговиот тим го заслужил поразот.
„Секоја чест за Шпанија. Почнавме доста тешко, потоа се прегупиравме и потоа таа длабока топка за која зборувавме не отвори и Мората постигна гол. Наша грешка, работевме на тоа и примивме гол од ситуација на која предупредувавме.
Она што ме изненади од наша страна е што стоевме предалеку од играчите. Дадовме премногу простор на нивната предна линија, бевме премногу бавни, предалеку и не бевме агресивни.
Рековме дека треба да играме со многу помалку допири, рековме дека треба да ја свртиме страната во два допири и не го прававме тоа добро. Високиот пресинг не беше пресуден“, рече Далиќ.
Во второто коло, за четири дена Хрватска ќе игра против Албанија.
Спорт
(Видео) Шпанија за полувреме ја декласира Хрватска
Фудбалерите на Шпанија ја декласираа Хрватска со 3:0 (3:0), во првиот натпревар од групата Б на ЕУРО 2024. Сите дилеми околу кончениот победник на Олимпискиот стадион во Берлин Шпанците ги решија во првиот дел кога ги постигнаа головите.
Шпанците доминираа во поседот во првите 15 минути, а кога Хрватите дојдоа до здив и полека ја презедоа контролата врз играта, доживеаја нокут.
Најдобриот играч на теренот, Фабијан Руиз, во 29.минута со вертикално додавање ја распара хрватската одбрана, Мората излезе сам пред Ливаковиќ и рутински ја заврши акцијата.
Три минути подоцна, минијатура на Руиз, кој се ослободи од тројца играчи и со удар од 15 метри го совлада Ливаковиќ.
Интересно веднаш по шапнските голови Хрватите имаа добри шанси, но најпрвин Ковачиќ, а потоа и Брозовиќ не успеаја да го совладаат Симон.
Во финишот на првиот дел, во 42.минута супер шанса пропушти и Гвардиол. Катастрофата на Хрватска во првиот дел ја комплетираше Дани Карвахал во втората минута од судиското надополнување на времето. За Карвахал ова беше прв гол во дресот на националниот тим.
Резултатот на полувремето им овозможи на Шпанците да ја умртват играта во вториот дел . Во 55.минута, Хрватска имаше голема шанса, ударот на Станишиќ во последен момент го блокираше Кукуреља, а во продолжението на акцијата Симон од глава му ја симна топката на Крамариќ.
Хрватите имаа уште една голема шанса, во 80.минута Симон со аматерска реакција им подари пенал на противниците. Глманот на Шпанија сепак ја исправи својата грешка, го одбрани пеналот на Петковиќ. Напаѓачот на Хрватска од втора шанса постигна гол, кој беше поништен поради офсајд.
На овој натпревар Алваро Мората стана третиот најдобар стрелец во историјата на Европските првенства. Против Хрватска го постигна седмиот гол на континеталните шампионати. Само Кристијано Роналдо со 14 и Мишел Платини со девет имаат повеќе голови на ЕП.
Вундеркиндот на Барселона, Јамин Ламал, стана најмладиот фудбалер кој настапил на едно ЕП и најмлад асистент на натпревар на ЕП.
Во второто коло Хрватска ќе игра против Албанија, а Шпанија против Италија.