Спорт
Познато е кој ќе ја добие наградата на ФИФА за најдобар светски фудбалер
Една седмица пред официјалното доделување на наградата „The Best“ на ФИФА, протече информација кој ќе биде прогласен за најдобар фудбалер во светот за изминатата година. Тоа го откри новинарот Френсис Агилар, истакнувајќи дека аргентинскиот ас Лионел Меси ќе ги победи останатите двајца конкуренти, Килијан Мбапе и Карим Бензема.
Лионел Меси со репрезентацијата на Аргентина го освои Светското првенство во Катар.
Светската фудбалска федерација (ФИФА) на 27 февруари и официјално ќе го објави името на најдобриот фудбалер за 2022 година. Наградата „The Best“ почна да се доделува од 2016 година кога ФИФА реши да се оддели од „Франс фудбал“ кој ја доделува „Златната топка“.
На 10 февруари ФИФА ја скрати листата на тројца фудбалери и тоа се Лионел Меси, Карим Бензема и Килијан Мбапе.
Кристијано Роналдо беше добитник на првите две награди „The Best“, а во 2018 година Лука Модриќ беше најдобар светски фудбалер. Лионел Меси првпат ја доби наградата во 2019 година, а последните две години му припадна на Роберт Левандовски.
🚨🏆 Leo Messi will receive ‘The Best’ award.@FApor_elmundo [🎖️] pic.twitter.com/4AwfHX9wgo
— Managing Barça (@ManagingBarca) February 20, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Белгија ја запиша првата победа на ЕП
Фудбалската репрезентација на Белгија ја победи Романија во последниот натпревар од деветтиот ден на ЕП. Во Е групата Белгија победи со 2:0 (1:0). По две кола, сите селекции во Е групата имаат по три бода.
Белгија поведе по само 73 секунди игра. Стрелец беше Тилеманс, со најбрзиот гол на Белгија на големите натпреварувања.
Следеа шанси за Белгија, која доминираше, но Ница блескаше на голот на Романија. Свои шанси имаше и Романија, но и Кастелс беше располошен на голот на Белгија.
Романците поагресивно влегоа во вториот дел. Имаа две пристојни шанси во првите десет минути, но не извлекоа ништо корисно од тоа.
Пото Белгија повторно ја презеде контролата. Во еговиот гол го поништи ВАР поради офсајд.
Дилемите околу победникот ги реши Кевин де Брујне во 80.минута.
Гол-разликата ги држи Романците на првото место, а потоа следат Белгија, Словачка и Украина.
Во третото коло од групата Е се среќаваат Словачка и Романија и Украина и Белгија. Тие натпревари се закажани за среда на 26 јуни од 18 часот.
Спорт
Капитенот на Реал се сели во Саудиска Арабија
Начо Фернандез (34) по 23 години го напушта Реал, кариерата че ја продолжи во Ал Кадсија.
Фабрицио Романо објави дека поранешниот капитен на Реал веќе ги поминал лекарските прегледи и ќе потпише договор за саудискиот клуб на две години.
Начо пристигнал во Реал во 2001 година од АД Комплутенсе на 11-годишна возраст. Како сениор со Реал ги освои сите значајни клупски трофеи, шест пати ја освои Лигата на шампионите.
Спорт
(Фото) Поради селфиња со Роналдо четири пати во прекин беше натпреварот Португалија-Турција
Португалија без проблеми се справи со Турција во второто коло од групата Ф на ЕП. Португалија победи со 3:0 и го обезбеди првото место во Ф групата.
Покрај одличната игра на Португалија, комичниот автогол на Ајкадин, натпреварот во Дортмунд го одбележа и неверојатно лошата организација на службата за обезбедување.
Четири пати во текот на натпреварот, навивачи влегуваа на теренот за да дојдат до Кристијано Роналдо и да направат селфи со него.
Секако, според правилата на УЕФА, секој од тие упади не беа прикажани во ТВ пренос, но според реакциите од трибините, навивачите беа лути поради егзибициите на оние кои во второто полувреме постојано го прекинуваа натпреварот со што го нарушуваа ритамот на натпреварот.
Што се однесува до стјуардите, тие имаа малку трпение во првите три упади, но во последниот применија сила и грубо го изведоа натрапникот надвор од стадионот.