Македонија
Советник до Арсовска: Се однесувате како немирно дете, скрши овде, скрши онде, па кажи не сум виновна

Советникот во Град Скопје, Малиша Станковиќ, посочува дека нефункционирањето на Градот е последица на тоа што градоначалничката Данела Арсовска не ги извршува задачите што ѝ се дадени, а истовремено се конфронтира со Советот. Тој ѝ порача на Арсовска: „Нефункционирањето го прикривате со жртви со кои влегувате во конфликт“. Според него, Арсовска ги има целосно системот и работата.
„Простет, градоначалничке, но вие се однесувате како мало дете. И тоа како немирно мало дете, павало, како сакате. Ќе помине тука, ќе скрши чаша, онде ќе скрши бокал, ваму ќе скрши рамка од фотографија и слично, па после вика: ‘Не сум јас виновна за оваа работа, не знам кој ги скршил, види го оној претходниот, ова направил, види го овој, она направил’ и слично. Во таква ситуација се ставате, имавме ние примери, тоа го направивте и со ЈСП, истото го направивте и со ‘Водовод’, сега го правите со средните училишта. Претходната одлука, дефинитивно, беше лоша. Но, претходната одлука за давање на салите во закуп, а по закон, се знае на кого и како се даваат. Вие самата одлука не ја спроведувате и со тоа правите дополнителен проблем“, рече Станковиќ.
Советникот ѝ додаде на градоначалничката: „Откако вие нешто ќе скршите, ние ќе се обидеме да лепиме за да го вратиме во првобитна состојба во која се наоѓа. Со проблемот што го направивте во средните училишта мораше да има интервенција за да не страдаат граѓаните. Претходно, тоа го направивте со ЈСП, па со приватните превозници слично, па се молиме да лепите за да ја вратите работата во првобитна состојба. Со ‘Водовод’ не ни лепите, допрва ќе имате проблеми“.
На седницата на Советот се дискутира за тоа како се издавале под закуп салите на училиштата и нивните дворови, но и за тековни проблеми и одлуки носени во Градот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Андоновски: Бесплатни WI-FI зони за граѓаните во повеќе од 60 општини низ Македонија

Министерот за дигитална трансформација, Стефан Андоновски, денес во посета на Ѓорче Петров, заедно со градоначалникот на општината, Александар Стојковски го најави проектот за нови бесплатни WI-FI зони низ државата, со што се става акцент на граѓаните, со тоа што ќе можат да користат бесплатен интернет во овие зони, а првата ваква зона ќе биде токму паркот во Ѓорче Петров.
„Поставуваме бесплатни WI-FI зони за граѓаните, Ѓорче Петров е една од првите општини каде што ова ќе се реализира, со проект поддршка од ЕУ, преку планот за Западен Балкан, односно WI-FI за Западен Балкан. Освен во Ѓорче Петров, имаме апликации во повеќе од 60 општини низ државата“, најави Андоновски.
Овој проект кој е во соработка со ЕУ во интерес на државите од Западен Балкан, како што беше појаснето е од големо значење и поддршка на сите држави кои партиципираат, затоа што ќе се зголеми пристапноста до интернет и ке се подигне дигиталната писменост.
Андоновски најави исто така дека во Скопје ќе има десетина вакви зони, кои како што рече тој, младите ќе бидат најголеми корисници на овој проект.
„Во Скопје ќе имаме повеќе од 10 локации каде што ќе бидат поставени овие WI-FI зони, каде граѓаните, особено младите ќе имаат пристап до бесплатен интернет овозможен од овој проект во соработка со ЕУ”, рече Андоновски.
Градоначалникот Стојковски изрази задоволство од досегашната соработка со Министерството за дигитална трансформација и најави целосно дигитализирање на општинските услуги, бидејќи како што рече дигитализацијата нуди подобри и поефикасни услуги за граѓаните.
Македонија
Злоупотребен профилот на основно училиште во општина Аеродром за политичка кампања, МОН и ДИК да реагираат, бара СДСМ

СДСМ Аеродром реагира на, како што велат, скандалозниот чин во кој основното училиште „Браќа Миладиновци” споделило видео-спот од политичка кампања за локалните избори.
„Ова претставува директно прекршување на законите, принципите на непристрасност и професионалност, и претставува срамно партизирање на јавните институции.
Училиштата се место за образование, воспитување и градење на вредности, а не алатка за партиска промоција.
Злоупотребата на училишните профили и, уште полошо, можната злоупотреба на деца во политичка кампања е крајно недозволива и опасна“.
Бараат итна реакција од Министерството за образование и наука и од Државната изборна комисија.
СДСМ Аеродром, нагласуваат од оваа партија, ќе поднесе соодветна пријава до надлежните институции за да се утврди одговорноста и да се санкционира овој обид за партизирање на образовниот систем.
„Јавните институции се на граѓаните, не на партиите. Ќе се спротивставиме на секој обид децата и училиштата да се користат како средство за политичка пропаганда“.
Македонија
Меџити до Османи: Биди маж и избери време и место за телевизиска дебата и земи ги со себе Груевски и Мијалков

Кандидатот на владејачката коалиција „Вреди“ за градоначалник на општина Чаир, Изет Меџити, му одговори на неговиот противкандидат од редовите на НАИ, Бујар Османи, по изјавата дека на дебата, Меџити треба да го земе со себе премиерот Христијан Мицкоски.
Меџити возврати: „Денес слушнав нешто ново, дека сум рекол да дојде на дебата со Али, со Артан и со неговите ПР агенции, за да ги соочиме аргументите, политиките и визиите за Чаир. Тој, пак, ми одговорил дека треба да го земам со себе Мицкоски. Јас Мицкоски ќе го земам како премиер, но тогаш добро би било тој, покрај Али и Артан, со себе да ги земе и Никола Груевски и Сашо Мијалков, и тука да ја затвориме оваа дебата. Нека биде маж и нека закаже термин, нека избере национална телевизија, и од денес му порачувам дека таму ќе ме најде“.