Спорт
Газдата на Челси купува клуб во Франција
Газдата на фудбалскиот клуб Челзи, Американецот Тод Боли, има намера да купи уште еден клуб во Европа. Човекот кој за нецела година потроши преку 600 милиони играчи на засилувања во Челси, сака да купи клуб од француската Лига 1.
Водечкиот спортски медиум во Франција, „Лекип“, тврди дека Боли ги отворил преговорите со директорот Марк Келер за купување на Стразбур.
Стразбур е клуб со богата историја, еднаш бил шампион на Франција, а во витрините има и три Куп трофеи и еден Лига куп. Сезонава Сега по шест сезони се во зоната за испаѓање од Лига 1.
Стразбур игра лоша сезона, со само четири победи во 24 натпревари во Лига 1. Овој тим се наоѓа на 15.место на табелата, со само два бода повеќе од екипите кои се во опасната зона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дарио Ивановски победник на 8. Издание на “Охрид трчат“
Македонскиот атлетичар Дарио Ивановски победи на главната трка на 21 километар на 8. издание на Атлетскиот викенд „Охрид трчаТ“, што се одржа денеска низ улиците на Охрид.
Дарио полумаратонот го истрча за 1 час 10 минути и 1 секунда. На второто и третото место се пласираа атлетичарите од Бугарија Михаил Валковски (1:14:00ч.) и Николај Николов (1:15:44).
Победникот Ивановски покрај парична награда од 300 евра од Општина Охрид доби ваучер за десетдневни подготовки во Охрид пред настапот на Европското првенство и Олимпијадата, што ќе се одржат ова лето.
Најдобар резултат во женска конкуренција во трката на 21 километар оствари Милјана Ристиќ со резултат 1:30:01 ч., Јована Шубатлија од Србија заврши втора(1:30:40ч.), а трета финишираше Фросина Михајловска (1:31:35ч.).
Во трката на 5 километри победи Мирослав Спасов од Бугарија со време 18:11 минути, пред тркачите од Македонија Александар Арсов (19: 16м.) и Ријат Шеипи (19:32м.).
Во женска конкуренција на 5 километри најбрза беше Емили Иваноска од Македонија со време 24:25 минути, пред сонародничката Дарија Крстевска (24:28м.) и Весела Панчева од Бугарија (25:21м.).
Во штафетната трка на 21 километар најбрза беше екипата на Делта од Скопје, Македонија со време 1:15:55 часа, пред АК Аеродром (1:33:08ч.) и Стребениотес1 од Грција (1:34:02).
Наградите на најдобрите атлетичари им ги врачија претседателката на Македонија Гордана Сиљановска Давкова и градоначалникот на Охрид Кирил Пецаков.
На „Охрид трчаТ“ оваа година учество зедоа рекордни 2200 натпреварувачи од 31 земја. За организацијата и безбедноста на настанот кој мина во одлична атмосфера се погрижија 500 волонтери и припадници на полицијата.
Спорт
Терзиќ: Тие имаа инстинкт на убиец, а ние не
Борусија Дортмунд не успе да ја освои втората титула во Лигата на шампионите. „Милионерите“, во своето трето финале го доживеаја вториот пораз, останаа на трофејот од 1997 година. Борусија, синоќа во Лондон доживеа пораз од Реал Мадрид 0:2.
Тренерот на Борусија Дортмунд, Един Терзиќ, изјави дека неговите играчи одиграле одличен натпревар и откри зошто не победиле.
„Мислам дека одигравме одличен натпревар, можеби заслуживме подобар резултат од 0:2. Имавме чувство, особено во првото полувреме кога ги контролиравме. Игравме против најсилниот тим во ова натпреварување и одигравме брилијантно. На сите им покажавме дека дојдовме да победиме во финалето. Затоа и разочарувањето е толку големо. Направивме многу добри работи. Единствената разлика е во тоа што тие имаа инстинкт на убиец, а ние не“, изјави Терзиќ за камерите на државната телевизија ЗДФ. ЗДФ.
„Не ги искористивме ситуациите во кои вршевме притисок. Затоа пак се шампиони. Имавме чувство дека сме во добра позиција, дека играме избалансирано и дека сме многу блиску до целта. Донесовме 100.000 луѓе со нас во Лондон со верба дека можеме да победиме“, заклучи Терзиќ.
Спорт
(Видео) Дубоа со технчки нокаут го победи Хрговиќ
Даниел Дубоа го победи Филип Хрговиќ и стана стана привремен светски шампион на ИБФ. Дубоа дојде до победата во осмата рунда кога судијата по консултација до докторот реши да го прекине мечот.
Во првите шест рунди се водеше голема борба во која и двајцата боксери си зададоа бројни тешки удари. Сепак, се чинеше дека Дубоа многу подобро се справува со нив од Хрговиќ. Британецот во втората рунда му нанесе повреда на лицето на Хрговиќ.
Ова му создаде проблеми на хрватскиот боксер во продолжението од мечот.
Во седма рунда, Дубоа му зададе неколку сериозни удари на Хрговиќ, кого конгот го спаси од нокаут. Сепак, не можеше да се спаси во осмата, кога судијата го повика лекарот на консултација, а тој заклучи дека Хрговиќ не може да го продолжи натпреварот поради повредите на лицето.
.@DynamiteDubois lit up Hrgović 🧨#QueensberryVsMatchroom pic.twitter.com/TdNL0pQguq
— DAZN Boxing (@DAZNBoxing) June 2, 2024