Македонија
Адвокатот Туфегџиќ за операцијата „Бумеранг“ на Боки 13: Кодното име се наметна поради содржината на материјалите
Адвокатот Владимир Туфегџиќ кој го застапува Бојан Јовановски-Боки 13 за „Макфакс“ вели дека кодното име на кривично-правниот настан е „Бумеранг“ бидејќи содржината на материјалите кои ќе бидат предадени во Обвинителството за гонење организиран криминал и корупција се врзуваат со називот. Прашан за содржината на т.н. „бомби“ кои Боки 13 ќе ги даде, адвокатот Туфегџиќ посочува: „Содржината на материјалите ги прикажува дејствијата и настаните кои имаат своја поврзаност и рефлексија во сегашноста и минатото“. Туфегџуќ посочува дека очекувања има и од Судскиот совет, кој треба да каже дали наводите на Боки 13 дека Кривичен донел фалсификувано решение се точни.
„За конкретните материјали е изготвено вештачење од лиценцирано вешто лице и сметаме дека истите ќе бидат доволна основа за Јавниот обвинител, овие материјали како индиции да најдат своја поткрепа и поврзаност со конкретни дејствија на извршување темелени на конкретни докази“, посочува Туфегџиќ за Макфакс.
Тој открива дека Јовановски-Боки 13 долго размислувал дали да го почне процесот, а за материјалите, посочува дека само осудениот ги поседува. Туфегџиќ додава: „Ние како бранители сме во функција на осуденото лице да му бидат обезбедени сите права согласно законот заради непречено одвивање на процесните дејствија“.
Боки 13 со адвокатот Туфегџиќ битка бијат и пред Судскиот совет. Таму побараа вонредна контрола која се спроведува, а во врска со наводите дека Кривичен суд го фалсификувал решението донесено за побараниот прекин на казна. Кривичен суд се повикува на правно мислење од Врховен, за кое, Туфегџиќ смета дека не може да се примени во случајот на Боки 13.
„По однос на прашањето за очекувањата од судскиот совет, очекувам да постапи согласно законот бидејќи правното мислење на Врховниот суд на РСМ на кое се повикува кривичниот суд, сметам дека не може да се примени во конкретниот случај бидејќи нема одлука за оддалечување на надлежниот судија што е правна претпоставка и услов за примена на правното мислење. Воедно, ова правно мислење се однесува на судски одлуки во кои претходела главна расправа и го уредува прашањето за објавување на пресуда доколку истата е или не е објавена.
Врз основа на погоренаведеното сметам дека не се исполнети законските претпоставки и услови за примена на правното мислење на Врховниот суд во конкретниот случај“, посочува Туфегџиќ за „Макфакс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Без струја делови од општините Илинден и Кисела Вода
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електро дистрибутивната мрежа, денеска, без електрична енергија ќе останат делови од општините Илинден и Кисела Вода.
Од 08:30 – 09:30 часот, корисниците од улицата бр. 34 во населба Илинден, општина Илинден ќе немаат струја.
Без електрична енергија од 09:00 – 13:00 часот, ќе бидат корисниците од дел од улицата Востаничка во општина Кисела Вода.
Македонија
Управен оформи предмети за седумте тужби на „Европскиот фронт“ против решенијата на ДИК
Управниот суд оформи седум предмети за поднесените тужби од „Европскиот фронт“, кои се против одлуката на Државната изборна комисија (ДИК) за одбивање на приговорите за парламентарните избори.
„Со оглед на роковите за постапување и одлучување, Управниот суд итно ги презема сите процесни дејствија согласно Изборниот законик“, се вели во соопштението.
- Решение бр.УП1 бр.10-21/2 од 14.05.2024 година на Државната изборна комисија на РСМ, оформен е предмет УРП.бр.87/24;
- Решение бр.УП1 бр.10-21/1 од 14.05.2024 година на Државната изборна комисија на РСМ, оформен е предмет УРП.бр.88/24;
- Решение бр.УП1 бр.10-15/1 од 14.05.2024 година на Државната изборна комисија на РСМ, оформен е предмет УРП.бр.89/24;
- Решение бр.УП1 бр.10-17/2 од 14.05.2024 година на Државната изборна комисија на РСМ, оформен е предмет УРП.бр.90/24;
- Решение бр.УП1 бр.10-17/1 од 14.05.2024 година на Државната изборна комисија на РСМ, оформен е предмет УРП.бр.91/24;
- Решение бр.УП1 бр.10-6 од 14.05.2024 година на Државната изборна комисија на РСМ, оформен е предмет УРП.бр.92/24;
- Решение бр.УП1 бр.10-19/1 од 14.05.2024 година на Државната изборна комисија на РСМ, оформен е предмет УРП.бр.93/2
Попладнево Управниот суд одржа јавна седница по тужбата на „Вреди“. Судот одлучи дека постапката се прекинува откако претставникот на коалицијата изјави дека тужбата ја повлекува во целост.
Македонија
Мицкоски: Главен предизвик ќе бидат реформите во Судскиoт совет и Советот на јавни обвинители
Главен предизвик ќе бидат реформите во Судски совет и Советот за јавни обвинители. Наша цел е да ги распуштиме овие кои довербата во правниот систем ја сведоа на едноцифрена бројка проценти, и наместо нив самите судии и обвинители да си ги изберат своите претставници преку тајно гласање, изјави претседателот на ВМРО-ДПМНЕ, Христијан Мицкоски во неговото обраќање на Самитот Македонија 2025.
Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, нити има намера да се мешаме, во овие две тела.
– Исто така наша обврска ќе биде да обезбедиме независен буџет, врзан со проценти од централниот за да бидат целосно автономни, за да не бидат потоа политичарите изговор на некој од тие корумпирани поединци во судство и обвинителство дека тие им правеле притисок. Сами да се изберат и сами да функционираат, а ние ќе правиме оверсајт на таа работа преку собраниска комисија во која ќе има претставници и на власта и на опозицијата, истакна Мицкоски.
Мицкоски нагласи дека целта е комплетна автономија во правниот систем.
Но ако забележиме било какво влијание од поранешни политички елити или други точки на влијание ќе има сериозна кривична одговорност. Немаме намера ниту милиметар да отстапиме, изјави Мицкоски.