Спорт
Ањели: Сегашниот систем на УЕФА не нуди иднина за Ајакс, Андерлехт, Црвена звезда…
![](https://makfax.com.mk/wp-content/uploads/2023/02/57275283_1006.jpg)
Поранешниот претседател на Јувентус, Андреа Ањели нема намера да се откаже од фудбалот, ниту од проектот наречен европска Суперлига, кој неодамна беше обновен со одлуката на Високиот суд во Мадрид. Одлуката на Судот им ги врза рацета на УЕФА и ФИФА. кои ќе сторат се за да го блокираат ова натпреварување. Судбината на европската Суперлига ќе биде решена кога конечна пресуда ќе донесе Европскиот суд на правдата.
Во интервју за холандски „Телеграф“, Ањели вели дека Суперлигата е од витално значење за бројни европски клубови, како и дека сегашниот монопол на УЕФА придонесува само за европската куќа на фудбалот.
Според него, неопходно е клубовите да имаат стабилни финансии и да имаат гаранции дека нема да доживеат колапс доколку не се пласираат во европските натпреварувања.
„Тоа е проблем за секој клуб. Со таква неизвесност не е можно да се носат одржливи, здрави и долгорочни одлуки. Затоа сум за лигашки систем во врвниот европски фудбал, со поголеми финансиски и спортски можности. за секој клуб“, изјави Ањели за „Телеграф“.
Поранешниот први човек на „Старата дама“ од Торино вели дека во 2019 година имал договор со Александар Чеферин и членовите на Асоцијацијата на европски професионални клубови (ЕЦА) за нов формат, но дека првиот човек на УЕФА потоа се откажал.
„Помалите клубови, челнициците на големите лиги и некои национални асоцијации го гледаа новиот формат како закана и затоа Чеферин се повлече. Кога УЕФА одлучи да го блокира проектот, беа направени проекти надвор од УЕФА за организирање на ново натпреварување со сите клубови на ЕЦА. Можноста проектот да биде реализиран ќе зависи од Европскиот суд на правдата… Зошто не се борев за промени додека бев внатре? Таа војна внатре не можев да ја добијам. Дури и знаејќи дека сегашниот систем не му нуди иднина на Ајакс, Андерлехт, Селтик, Бенфика, Панатинаикос, Црвена Звезда и многу други. Сега не стоиме во место, туку одиме по различни патишта за да стигнеме таму каде што сакаме со европскиот клупски фудбал. Покрај недостатокот на финансиска стабилност, во многу натпреварувања, домашни и меѓународни, победниците се однапред познати. Главно поради приходите што клубовите ги заработуваат од домашните пазари. Англија води во овој поглед и можете да видите колку великодушно е претставена Премиер лигата во последните фази од европските натпреварувања. Шпанија е блиску, а тука се и Пари Сен Жермен и Баерн“.
Организацијата на европски професионални клубови (ЕЦА) засега нема слух за овој потфат.
„Имам многу контакти со клубовите и тие се за поинаков фудбалски пејзаж. Но, ако разговарате со мене, се согласувате со мене или ме поддржувате, УЕФА ќе ве забрани. Клубовите не сакаат отворено да се изјаснат дали сакаат подобар и поправеден модел на Лига Европа.Така клубовите ја бранат својата позиција и се прилагодуваат на УЕФА. Мојот наследник во ЕЦА е Насер Ал Келаифи, претседател на Пари Сен Жермен. Добар дечко, не ја следеше Суперлигата. Ја поддржуваше УЕФА затоа што друго првенство не е во нивен интерес. Од него не можете да очекувате промени, но на подолните нивоа има доволно ентузијазам за нови лигашки иницијативи кај многу клубови, но и играчи, јавноста, радиодифузери, инвеститори. Проблем е што УЕФА има монопол и блокира се, се додека тоа го дозволува Европскиот суд на правдата. Пресудата се очекува на пролет, многу ме интересира дали Судот ќе ја потврди монополската позиција на УЕФА на слободниот европски пазар. Дали Судот ќе ја почитува или не фудбалската индустрија, со годишен обрт од околу 50.000.000.000 евра и 700.000 ра ниски места, како економска активност, но како мала игра базирана на волонтери кои играат фудбал со скратено работно време“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
И Аврамовиќ замина од Партизан
![](https://makfax.com.mk/wp-content/uploads/2024/06/58539_avramovic1_f.jpg)
По Кевин Пантер, Зек Лидеј, Френк Камински, Пи-Џеј Дожер и Алекса Аврамовиќ го напушти кошаркарскиот клуб Партизан.
Како што пренесува „Меридијан спорт“, дефинитивно завршува соработката помеѓу Партизан и Алекса Аврамовиќ, српскиот репрезентативец кариерата ќе ја продолжи во друг клуб.
Дел од српските медиуми тврдат дека Аврамовиќ ќе се пресели во редовите на новиот евролигаш, Париз, каде тренер наскоро во нов тренер треба да биде промовиран поранешниот капитен на Партизан, Петар Божиќ.
Аврамовиќ дојде во Партизан од шпански Естудијантес во 2021 година, ја освои АБА лигата во 2023 година.
Спорт
(Видео) Погба: Пол Погба повеќе не постои
![](https://makfax.com.mk/wp-content/uploads/2024/06/paul-pogba-juventus-2023-2324-1693319423-115307.jpg)
Пол Погба (31), играчот од средниот ред на Јувентус и светски шампион со Франција во 2018 година, пред четири месеци, беше суспендиран на четири години поради допинг. Казната ја одерди италијанското обвинителство за борба против допингот.
Погба е суспендиран затоа што тестот на кој бил подложен по натпреварот меѓу Удинезе и Јувентус на 20 август 2023 година покажал дека има вишок тестостерон.
Деновиве на социјалните мрежи кружи видео на кое Погба настапува со депресивен тон:
„Завршив. Мртв сум. Пол Погба повеќе не постои“, беше објавено во кратко видео.
Погба целата своја професионална кариера ја помина во два клуба, а иако е Французин, ниту еден од нив не е од неговата татковина.
Во академијата на Манчестер јунајтед пристигна на 16-годишна возарст од ле Авр, во 2009 година. Три години подоцна тој се пресели во Јувентус без обештетување. По четири години, летото 2016 година, тој се врати во Јунајтед со отштета од 105 милиони евра.
После шест години, Погба повторно се врати во Јувентус и повторно го напушти „Олд Трафорд“ како слободен играч.
Но во втората сезона таму поради повреди и споменатата суспензија поради допинг одигра само 12 натпревари.
Погба освои четири шампионски титули и два купа со Јувентус, сите во неговиот прв мандат во клубот. Како играч на Манчестер јунајтед ги освои Лига Купот и Лига Европа.
"I’m over, I’m dead. Paul Pogba doesn’t exist anymore." 😞💔
— CentreGoals. (@centregoals) June 23, 2024
Спорт
(Видео) Кошаркарски експерти: Синот на Леброн не е за во НБА лигата
![](https://makfax.com.mk/wp-content/uploads/2024/06/17145020292132.jpg)
Американските кошаркарски стручњаци, му дадоа лоша оценка на синот на Леброн, Брони Џејмс пред НБА драфтот. Драфтот ќе се одржи на 26 јуни во Њујорк.
Американските медиуми често пишуваа за Брони Џејмс, синот на Леброн Џејмс, кој од УСЦ Универзитетот бара шанса во НБА. Медиумите долго шпекулураа дека тимот што ќе го добие Брони на драфтот, во пакет со него ќе го добие и неговиот славен татко Леброн.
Сепак, кошаркарските стручњаци оваа година го рангираа Брони Џејмс на 72-то место, што генерално се смета за едно од најлошите во последните многу години.
Да потсетиме, НБА драфтот има 60 позиции, а Брони Џејмс е рангиран 12 места подолу од последниот пик…
„Мораме да бидеме искрени. Никој не би го погледнал Брони Џејмс како НБА перспектива, доколку неговиот татко не е Леброн Џејмс. Тој не е за НБА. Не е подготвен. Му требаат уште најмалку две години работа на пониско ниво за да се развие и за тоа му треба топката во раце и многу минути што би значело најмалку две години во развојната лига, ако ме прашате мене, не вреди да се инвестира во него, затоа што може да добиете 3&Д играч (путира тројки и игра одбрана). Не можам да го рангирам надвор од најдобрите 75 на драфтот бидејќи е интелигентен и има сјајни атлетски предизпозиции. Сепак, тој не е близок до најдобрите играчи на овој драфт, најдобро би било за него да се врати на универзитетот и да се обиде да направи се што е мжно да стане подобар играч“, напиша Сем Весини, НБА драфт експерт за порталот Атлетик.