Регион
(Видео) Шефот на вселенската агенција: Ги видов како работат на оружје кое предизвикува земјотреси, тоа е незапирливо
Шефот на турската вселенска агенција Сердар Хусеин Јилдирим изнесе шокантно тврдење за оружје способно да предизвика земјотреси.
Тoj на јавен состанок рече дека постојат системи за оружје кои работат на принцип на лансирање долги метални столбови од вселената, кои потоа се забиваат длабоко во земјата и предизвикуваат земјотреси.
'There are no weapons here, no explosives, no bombs, nothing like that. A simple stick.' In Türkiye, there is talk that the catastrophe in their country occurred as a result of the use of a new type of weapon. So the head of the Turkish Space Agency Serdar Hussein Yildirim spoke pic.twitter.com/dWRw4lRzcE
— Ignorance, the root and stem of all evil (@ivan_8848) February 21, 2023
„ Не можете да направите ништо во просторот од вселената до Земјата. Особено во земји како нас. Ништо! Дозволете ми да ви дадам пример. Ова го велам затоа што сум ги видел како работат на таков систем на оружје, и тоа е многу едноставно. Ги знаете тие улични столбови, улични светла. Тие се слични на овие столбови, високи околу 8-10 метри. Ги ставаат во сателитот. Извесна количина. А потоа ги таргетираат и ги лансираат на Земјата“, рече Јилдирим.
„ Тоа е како колец, остра точка. На пример, не дај Боже, некаде паѓа, сега нема да именуваме сценарио за катастрофа, но штом ќе удри во земјата продира до 5 километри длабоко во земјата. Се случува многу брзо и создава земјотрес со јачина од 7-8 степени по Рихтер. По ударот, се ќе биде уништено. Гледате, нема оружје, нема експлозиви, нема бомби, ништо слично. Но постои таква сила која доаѓа од вселената и немате шанса да ја видите, да ја спречите или да се браните“, рече Јилдирим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Рама: Планирам да се кандидирам за четврти мандат, има уште работа
Албанскиот премиер Еди Рама изјави дека планира да се кандидира за четврти мандат, бидејќи, како што рече, „има уште работа“, пренесува А2.
„Планот е да се кандидирам за функцијата. Но, дотогаш има уште време. Верувам дека морам да се кандидирам, бидејќи има уште работа“, рече Рама и додаде дека во текот на неговите три мандати како шеф на албанската влада се направени големи работи, пренесува „Косово онлајн“.
Според него, Албанија не била ниту на картата, а земјата се спомнувала во лош контекст.
„Ја надминавме бројката од 10 милиони туристи во земја во која туризмот беше идеја и сон, но не и реалност. Има борба против корупцијата која мора да стане неповратна. А, со цел да се вее нашето знаме во Брисел во текот на оваа деценија, вреди да се кандидираме за уште еден мандат. Тогаш граѓаните ќе одлучат“, рече Рама.
Регион
Шолц за Берлинскиот процес: Соработката во Западен Балкан е важна затоа што тие можат само заедно да влезат во ЕУ
По денешниот самит за Берлинскиот процес, германскиот канцелар Олаф Шолц ја истакна важноста на соработката во регионот на Западен Балкан, кој, како што рече, се уште е оптоварен со проблеми од минатото, пишуваат медиумите во регионот.
„Берлинскиот процес помага да се надминат границите меѓу земјите. Ова е важно бидејќи конфликтите од минатото и денес влијаат на соработката, за жал, и разговаравме за тоа. Дијалогот за нормализација на односите меѓу Србија и Косово не оди во задоволителна насока“, изјави тој за новинарите.
Тој ги повика властите на Србија и на Косово да ги исполнат своите обврски, бидејќи тоа е важно за граѓаните и нивната иднина во ЕУ.
Шолц истакна дека сè уште постои националистичка реторика која предизвикува поделеност и претставува опасност за растот и заедничкиот живот во мир и просперитет.
Тој додаде дека е јасно оти земјите од Западен Балкан само заедно ќе можат да влезат во Европската унија, што ја прави регионалната иницијатива за добрососедски односи уште поважна.
Тој, според написите, го пофали Косово бидејќи административните премини се отворени за стока од Србија.
Шолц посочи дека билатералните проблеми на земјите-кандидатки треба да останат билатерални и да не влијаат на европската интеграција која се заснова на заслуги.
Тој рече и дека е договорен акциски план за борба против пластичниот отпад, побрзо спроведување на зелената агенда за Западен Балкан до 2030 година, кој Германија го поддржува и во оваа смисла планираните 1,5 милијарди евра ќе бидат исплатени до крајот на годината.
Лидерите од Западен Балкан денеска на самитот на Берлинскиот процес ја потпишаа новата фаза од Акцискиот план за заедничкиот регионален пазар од 2025 до 2028 година.
На самитот беше одбележана 10-годишнината од Берлинскиот процес.
Лидерите го потпишаа и Договорот за пристап до високото образование и прием на студии во Западен Балкан и ја усвоија Декларацијата за пристап и соработка во инфраструктурата за истражување и иновации и Декларацијата за регионални стандарди за проверка на директните странски инвестиции.
Лидерите на Берлинскиот процес ги истакнаа резултатите постигнати во рамките на Заедничкиот регионален пазар 2021-2024 година, вклучувајќи слобода на движење со лична карта, меѓусебно признавање на високото образование и професионални квалификации во регионот, целосно функционален режим на роаминг како во Западен Балкан, намалување на трошоците за роаминг на податоци помеѓу ЕУ и шесте земји од Западен Балкан, напредок кон членство во Единствениот европлатен простор (SEPA), воспоставување зелени коридори и намалување на времето на чекање и ги поздрави напорите направени за зајакнување регионална соработка, пишуваат медиумите.
Регион
Дојде време интеграцијата на Западен Балкан во ЕУ да стане реалност: Лајчак од самитот на Берлинскиот процес
Специјалниот пратеник на ЕУ за дијалогот меѓу Белград и Приштина, Мирослав Лајчак, кој учествуваше на денешниот самит на Берлинскиот процес, изјави дека е дојдено време интеграцијата на Западен Балкан во ЕУ да стане реалност.
Лајчак на социјалната мрежа „Х“ оцени дека во рамките на Берлинскиот процес биле направени многу корисни работи за луѓето од регионот.
„На 10-годишнината пораките беа многу јасни: многу е постигнато за луѓето од регионот, но дојде време интеграцијата на Западен Балкан во ЕУ да стане реалност“, рече Лајчак.
Тој додаде дека на денешниот самит на Берлинскиот процес учествувал на покана на германскиот канцелар Олаф Шолц.