Свет
Кинеската манекенка ја распарчиле поранешниот сопруг и неговите родители: пронајдена главата, сè уште исчезнати некои делови од телото
![](https://makfax.com.mk/wp-content/uploads/2023/02/abby-choi-2-830x0.jpg)
Сопругот на манекенката од Хонг Конг и неговите родители се обвинети за нејзиното убиство. Тие денеска се појавија пред суд откога полицијата пронашла делови од нејзиното распарчено тело, објави јавната телевизија RTHK.
Нејзиниот поранешен сопруг Алекс Квонг (28), брат му Ентони (31) и татко им Квонг Кау (65) се обвинети за нејзиното убиство. Мајката на Алекс, Џени Ли (63), беше обвинета за попречување на правдата, додаде РТХК.
Ним им беше одбиена кауцијата и допрва треба да поднесат жалба, додава Си-ен-ен.
Инспекторите вчера идентификуваа череп, неколку ребра и коса во голем сад за супа од не’рѓосувачки челик за кои се верува дека се остатоци од манекенката, соопшти полицијата. Други делови од телото, вклучително и нејзиното торзо и рацете, сè уште се водат за исчезнати.
Чои беше пријавена за исчезната во средата по што следуваше полициска истрага. Два дена подоцна делови од нејзиното тело биле пронајдени во куќа во областа Таи По, соопшти полицијата. Во куќата биле пронајдени и ножица за месо, електрична пила и облека, соопшти полицијата.
Нејзиниот поранешен сопруг бил уапсен во саботата на ферибот на еден од островите во градот, соопшти полицијата. Брат му и родителите беа уапсени во петокот.
Во врска со случајот во неделата беше уапсена и петтоосомничената, 47-годишна жена.
Чои, модел и инфлуенсер со повеќе од 100.000 следбеници на „Инстаграм“, неодамна се појави како дигитален модел на насловна страница на луксузниот магазин L’Officiel Monaco и присуствуваше на годинешната Модна недела во Париз.
Судот го одложи случајот до 8 мај за да овозможи понатамошна полициска истрага, објави РТХК.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.