Свет
Северна Кореја го призна недостигот на храна
![](https://makfax.com.mk/wp-content/uploads/2023/02/205920862463fc70bd07fbf065441633_w640.jpg)
Севернокорејскиот претседател Ким Џонг-ун денеска одржа состанок на владејачката Работничка партија, на кој се разговараше за подобрување на економијата и земјоделството.
Според „Ројтерс“, експерти од многу земји проценуваат дека недостигот на храна во Северна Кореја неодамна се влошил како резултат на санкциите и карантинот поради коронавирусот.
Севернокорејскиот државен медиум КЦНА претходно објави дека состанокот бил „многу важна и итна задача за воспоставување правилна стратегија за развој на земјоделството“.
„Ројтерс“ јавува дека постои можност ситуацијата со снабдувањето со храна во таа земја да се влошила, а ги пренесува зборовите на официјален Сеул дека оваа средба де факто е признание дека во Северна Кореја има сериозен недостиг на храна.
Американскиот портал специјализиран за Северна Кореја, North38, тврди дека „достапноста на храна веројатно паднала под најнискиот минимум во однос на човечките потреби“ и дека недостигот на храна е најлош од големиот глад во 90-тите.
Северна Кореја е под многу строги меѓународни санкции поради нејзините програми за нуклеарно оружје и балистички ракети, а во последните години нејзината ограничена меѓународна трговија се најде под дополнително оптоварување поради карантинот и мерките против ширењето на коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
САД најавија нов пакет воена помош за Украина
![](https://makfax.com.mk/wp-content/uploads/2023/11/amerika-sad-zname.jpg)
Владата на Соединетите Американски Држави најави голем нов пакет одбранбена помош за Украина, кој ќе вклучува ракети за системи ХИМАРС, противвоздушни пресретнувачи, артилериски гранати и друго оружје, соопшти денеска портпаролката на Белата куќа Карин Жан-Пјер.
„Американската администрација најавува доделување на нов значаен пакет помош за Украина во областа на безбедноста. САД продолжуваат да ја поддржуваат одбраната на Украина од инвазијата на Руската Федерација“, рече таа на брифинг со новинарите, пренесува Укринформ.
Портпаролката на Белата куќа не ја прецизираше вкупната вредност на новата транша помош, но нагласи дека тоа е седмиот пакет што САД го доделуваат откако американскиот претседател Џозеф Бајден го потпиша законот со дополнителни средства за потребите на националната безбедност во април.
Свет
Кремљ: Ердоган не може да биде посредник во разговорите меѓу Русија и Украина
![](https://makfax.com.mk/wp-content/uploads/2018/01/kremlj-i-crkva-130579.jpg)
Турскиот претседател Реџеп Таип Ердоган не може да биде посредник во преговорите меѓу Русија и Украина, изјави денеска портпаролот на Кремљ, Дмитриј Песков.
„Не, не е можно“, беше одговорот на Песков на новинарско прашање дали Ердоган може да посредува во разговорите меѓу Москва и Киев, но тој потврди дека на денешната средба меѓу Ердоган и рускиот претседател Владимир Путин „се зборувало за Украина “, пренесува РИА.
Путин и Ердоган разговараа на маргините на самитот на Шангајската организација за соработка во Казахстан.
Регион
На Фејсбук е објавено лажно видео од премиерот Вучевиќ, реагираат надлежните органи
![](https://makfax.com.mk/wp-content/uploads/2024/07/fgd.jpg)
На социјалната мрежа Фејсбук се појави лажен видео клип, или непостоечка изјава на премиерот на Србија Милош Вучевиќ, соопштија од Кабинетот на премиерот.
Како што беше најавено, вештачката интелигенција креирала непостоечка изјава на премиерот Милош Вучевиќ на сметката „Corvus01“ во која е злоупотребена неговата слика, додека со генериран глас се објавуваат податоци за непостоечки владини проекти.
Министерството за внатрешни работи, односно полициските службеници на техничката управа на СБПВТК, контактирале со компанијата Мета за да ги отстранат споменатите објави и да дадат информации за администраторот на сметката.