Свет
Се урнаа неколку оштетени згради во новиот земјотрес во Турција, татко и ќерка заробени под урнатините
![](https://makfax.com.mk/wp-content/uploads/2023/02/turcija-zemjotres-4.jpg)
Земјотрес со јачина од 5,6 степени според Рихтеровата скала ја погоди денеска јужна Турција, три недели откога катастрофалниот земјотрес ја опустоши областа предизвикувајќи уривање на некои веќе оштетени згради, изјави официјален претставник.
Центарот на денешниот земјотрес е во градот Јесиљурт во провинцијата Малатија, соопшти турската агенција за управување со катастрофи.
Градоначалникот на Јесиљурт, Мехмет Џинар, за „ТВ Хабер Турк“ изјави дека се урнале неколку згради во градот, вклучително и четирикатница, во која се заробени татко и ќерка. Тој рече дека влегле во оштетената зграда за да ги соберат своите работи.
На друго место во Малатија екипите за пребарување и спасување ги пребаруваат урнатините на друга зграда што се урна врз некои паркирани возила, објави телевизијата.
Најмалку едно лице загина, а повредени се 69, објавија турските власти.
Земјотресот се случи во 12.04 часот по локално време, на длабочина од 6,96 километри во подрачјето на Јесиљурт. Потресот бил почувствуван и во соседните области Кахраманмараш, Газијантеп, Адијаман и Шанлиурфа.
Малатија е меѓу 11-те турски провинции погодени од земјотресот со јачина од 7,8 степени според Рихтеровата скала што уништи делови од јужна Турција и северна Сирија на 6 февруари. Во тој земјотрес во двете земји загинаа повеќе од 48.000 луѓе, а во Турција беа уништени или оштетени 173.000 згради.
Турската агенција за управување со катастрофи АФАД соопшти дека во областа се регистрирани речиси 10.000 последователни потреси од земјотресот на 6 февруари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Унгарија ја поддржа кандидатурата на Марк Руте за шеф на НАТО
![](https://makfax.com.mk/wp-content/uploads/2022/06/MARK-RUTE.jpg)
Унгарија се откажа од противењето и му даде зелено светло на холандскиот премиер Марк Руте и неговата кандидатура за генерален секретар на НАТО, објави денеска холандскиот јавен сервис Нос, откако холандскиот премиер во заминување и неговиот унгарски колега Виктор Орбан се сретнаа на маргините на ЕУ лидерска средба во Брисел.
Со цел да го поддржи Руте, Унгарија имаше свои барања, меѓу кои беше и гаранција дека Унгарија нема да мора да обезбеди финансии за Украина или да испраќа свои војници во земјата разурната од војна. Условот што Столтенберг го исполни минатата недела, пренесува Ројтерс.
Оваа година, САД, Велика Британија, Франција и Германија ја поддржаа кандидатурата на Руте да го наследи Столтенберг, кој ќе се повлече од функцијата генерален секретар на НАТО во октомври.
Свет
Неодамна избраниот градоначалник убиен во Мексико
![](https://makfax.com.mk/wp-content/uploads/2024/06/вдгф.jpg)
Неодамна избраниот градоначалник Салвадор Вилалва Флорес е убиен во јужната мексиканска држава Гереро, соопштија локалните власти.
Салвадор Вилалва Флорес победи на локалните избори на 2 јуни и требаше да ја преземе функцијата градоначалник на Копала, град со околу 4.000 жители, во септември.
Тој бил во автобус кога во понеделникот бил смртно застрелан во главата во градот Сан Педро лас Плајас, соопшти државното обвинителство во Гереро, пренесува АП.
Свет
Столтенберг: Ако не престане да ја поддржува Русија, Кина треба да ги сноси последиците
![](https://makfax.com.mk/wp-content/uploads/2024/04/stoltenberg2.jpg)
Генералниот секретар на НАТО Јенс Столтенберг денеска за Би-Би-Си изјави дека Кина, доколку не го промени своето однесување, треба да ги сноси последиците за поддршката на Русија во војната во Украина.
Столтенберг рече дека Пекинг „се обидува да седне на две столчиња“, поддржувајќи ги воените напори на Русија додека ги одржува односите со европските сојузници.
„Ова нема да функционира на долг рок“, изјави Столтенберг за Би-Би-Си за време на посетата на Вашингтон.