Свет
Најмалку десетина загинати-Тргнале по тартуфи но загинале на мините на „ИСИЛ“

Најмалку десет лица загинаа, а уште неколку се ранети денеска во две одвоени експлозии на мини во централна Сирија, кои зад себе ги оставија борците на Исламската држава „ИСИЛ“, објавија медиумите и здружението за човекови права.
Според сириската новинска агенција „САНА“, станува збор за цивили кои загинале во близина на областа Саламија во источната провинција Хама.
„Кога група луѓе тргнаа во потрага по тартуфи во околината на селото Ал-Мустарех, експлодираше мина која зад себе ја оставија терористите на „ИСИЛ“. Во таа експлозија загинаа девет лица, а двајца беа ранети“, пренесува „САНА“. Во втората експлозија на мина, едно лице загина, а десет се ранети. Сириската опсерваторија за човекови права, организација со седиште во Лондон, која ја следи ситуацијата во Сирија од почетокот на војната во 2011 година, соопшти дека најмалку десет лица загинале, а 14 се ранети.
Само годинава во експлозии на остатоци од мини и други експлозивни направи за многу кратко време загинаа 42 лица, меѓу кои 18 деца, а 82 беа ранети. Мини се „посеани“ на голема површина на Сирија, а организациите и локалните власти не успеаја да ги отстранат, пишуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Сестрата на Ким Џонг-ун: Ќе напишеме во уставот дека не сакаме добри односи со Сеул

Севернокорејската функционерка Ким Јо-џонг, сестра на лидерот Ким Џонг-ун, ги отфрли тврдењата на Јужна Кореја дека Пјонгјанг отстранил дел од пропагандните звучници по должината на границата.
„Северна Кореја никогаш не ги отстранила звучниците и нема намера да ги отстрани“, изјави Ким Јо-џонг во изјава објавена денес од државната новинска агенција КЦНА.
„Многу пати јасно ставивме до знаење дека немаме желба да ги подобриме односите со (Јужна Кореја)“, рече таа, додавајќи дека овој став „ќе биде запишан во нашиот устав во иднина“.
Јужнокорејската војска претходно оваа недела соопшти дека Северна Кореја отстранила дел од своите звучници по границата, неколку дена откако Јужна Кореја демонтираше дел од своите.
Ким, заменик-директор на севернокорејскиот оддел за пропаганда, го нарече тврдењето на Сеул „неоснована еднострана претпоставка и димна завеса“.
Покрај пропагандните пораки, јужнокорејските звучници честопати вклучувале и K-pop музика, додека Северна Кореја пуштала вознемирувачки звуци како што е завивање на животни.
Јужнокорејците што живеат во близина на границата се жалеле дека бучавата од двете страни им го нарушува животот, понекогаш дури и среде ноќ.
Пјонгјанг ги смета пропагандните емисии на Сеул за воен чин и во минатото се заканувал дека ќе ги уништи звучниците.
фото: принтскрин
Свет
OpenAI работи на алтернатива на Neuralink на Маск

Спорот меѓу шефот на OpenAI, Сем Алтман, и неговиот најголем ривал, Илон Маск, би можел дополнително да се загрее откако се појави веста дека Алтман планира да влезе во просторот за интерфејси мозок-компјутер (BCI), директно натпреварувајќи се со Neuralink на Маск.
Според Financial Times, Алтман планира да помогне во основањето на Merge Labs, BCI стартап кој се стреми кон вредност од 850 милиони долари со поддршка на инвестицискиот тим на OpenAI и други инвеститори. Проектот би го позиционирал Алтман како ко-креатор на Merge Labs, иако тој лично нема да инвестира свои пари.
Според три добро информирани извори кои сакаа да останат анонимни, Алтман ќе го лансира Merge Labs заедно со Алекс Банија, извршен директор и ко-основач на контроверзниот крипто стартап World, познат по употребата на скенери за ирис.
Иако инвестицијата на OpenAI во проект за чип за мозок може да изгледа необична на почетокот, логиката зад неа е во согласност со целта на Merge: да се користи напредна вештачка интелигенција за развој на подобри BCI системи – што е исто така една од основните амбиции на Neuralink.
Идејата за „спојување на човекот и машината“ не е нова во визијата на Алтман. Во блог од 2017 година, цитиран од Financial Times, Алтман предвидел дека луѓето би можеле „да ги спојат умовите со компјутерите“ уште во 2025 година – очигледно инспирацијата за името на стартапот Merge.
Во истата статија, тој напиша дека три технолошки откритија се неизбежни:
„Ќе се случи суперинтелигентна вештачка интелигенција, ќе се случи генетско подобрување и ќе се случат интерфејси меѓу мозокот и компјутерот“.
Маск го напушти одборот на OpenAI во 2018 година по несогласувањата со Алтман околу насоката на компанијата. Оттогаш тој ја основа xAI, сопствена лабораторија за вештачка интелигенција поврзана со платформата X и повеќе пати ја тужеше OpenAI, обвинувајќи ја за предавство на својата непрофитна мисија – и покрај фактот дека самиот основал комерцијална компанија за вештачка интелигенција.
Neuralink на Маск моментално се проценува на околу 9 милијарди долари, што ја става значително пред Merge Labs, но проектот на Алтман би можел да го засили соперништвото меѓу двата технолошки гиганти.
фото: принтскрин
Европа
Зеленски денес ќе се сретне со Стармер

Украинскиот претседател Володимир Зеленски денес ќе се сретне со британскиот премиер Кир Стармер во Даунинг стрит, соопшти канцеларијата на британскиот премиер, објави „Скај њуз“.
Даунинг стрит не откри многу детали за темите на нивните разговори, но средбата се одржува само еден ден пред американскиот претседател Доналд Трамп да се сретне лице в лице со рускиот претседател Владимир Путин на Алјаска за да разговара за прекин на огнот во Украина.
Зеленски, Стармер и европските лидери вчера имаа заеднички телефонски разговор со американскиот претседател, за време на кој се согласија дека одлуките за Украина не треба да се донесуваат без учество на Украина и дека првиот чекор треба да биде притисок за прекин на огнот.
„Ен-би-си Њуз“ синоќа објави дека Трамп рекол дека нема да разговара за поделба на територијата со Путин. Тој исто така рече дека се надева оти ќе одржи самит меѓу Зеленски и Путин.
фото: принтскрин