Македонија
Мицевски: Мнозинството нема доволно пратеници за гласање на министрите па затоа опструира со паузи
После 3 недели дискусии, разговори и убедувања очигледно е дека за различни работи разговараме, истакна координаторот на пратеничката група на ВМРО-ДПМНЕ Никола Мицевски при неговото процедурално обраќање на денешната собраниска седница.
„Не слушнавме ниту во експозето на премиерот за министрите кои планира да ги постави која е целта и кои се нивните квалитети. Не слушнавме ниту од колегите пратеници да застанат во заштита и обрана за оние кандидати за министри кои планираат да дадат поддршка и зошто ќе ги поддржат“, рече Мицевски.
Мицевски посочи дека пред само една година беше обидот за формирање на Влада, а сега имаме нова Влада во која излезени се дел од партиите кои беа тогаш кога не убедуваа дека тоа е проевропската Влада и се наоѓаме на самиот почеток
„Очигледно разговарајќи за различни работи на една страна пратениците од СДС и ДУИ, владејачкото мнозинство и Владата на друга страна пратениците од опозицијата и анкетите за јавно мислење на граѓаните“, дециден е Мицевски.
Тој додаде дека доволен број аргументи се кажаа денеска и бидејќи нема што да опструира власта сега ќе пробува со паузи да се соберат и да се убедуваат за мнозинството кое треба да го имаат.
Мицевски потенцираше дека срамота е и недолично е на 10 минути пред завршување на седница власта не може да ги собере пратениците потребни за седница , па затоа тука сме дајте заедно да го ставиме на гласање и да го изгласаме ова. Во спротивно тоа значи дека продолжуваат преговорите за владино мнозинство и уцени.
„Бидејќи во моментов имаме доволен број на пратеници во салата потребно за одлучување по однос на владата. Ве повикувам вас и владејачкото мнозинство бидејќи ја обвинувате опозицијата дека го кочи донесувањето на Владата и владините седници кои треба да се случат, како и министерските места кои вие ги оставивте и без министри и без заменик министер, барам да ја ставите точката сега на гласање и да се изјасниме по однос на Владата“, вели Мицевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пуштени во употреба новото детско и кошаркарско игралиште во Бучинци
Општина Илинден со засилено темпо работи на изградба и реконструкција на спортските терени во повеќе населени места. Деновиве беше пуштено во употреба новото детско и кошаркарско игралиште во населено место Бучинци. Во рамки на детското игралиште поставени детски реквизити, лулашка, лизгалка, клацкалка, клупи, канти за отпадоци за почиста и поубава средина, партерно уреден простор со павер елементи.
Дополнително во рамки на детското игралиште изградено е кошаркарско игралиште со бетонска подлога, кош и партерно уреден простор.
Градоначалникот на Општина Илинден, Александар Георгиевски, истакна дека децата и младите од Бучинци добија ново катче каде можат да го поминуваат слоборното време во игра, забава и спортски дух.
Новото детско и кошаркарско игралиште претставува континуитет на успешните проекти на општина Илинден, нов уреден простор за рекреација и забава на најмладите во општината. Во наредниот период ќе бидат изградени нови и реконструирани постојните игралишта и во останатите населени места, велат од општината.
Македонија
Мицкоски: За една година од мандатот инвестираме 21 милијарда денари во капитални проекти во општините
Можам да кажам дека повторно Македонија се гради после долгогодишен застој, конечно почнуваме да го надополнуваме тоа коешто годините позади нас беше запустено, заборавено, а ветувано, неисполнето. За разлика од минатото можам да кажам дека градоначалникот овде во Општина Ѓорче Петров заедно со дел од советниците коишто ја поддржуваат работата на градоначалникот, администрацијата, заедно со пратениците во Парламентот, со пратеникот тука од Општина Ѓорче Петров, заедно со Министерството за образование и наука, во периодот којшто следи ќе имаат голем број инвестиции овде, но и оваа инвестиција денеска овде којашто е од буџетот на Општината, покажува дека Македонија се гради и дека граѓаните ќе ги добијат оние услови коишто се потребни за поголем квалитет во нивниот живот, рече премиерот на Македонија, Христијан Мицкоски.
„Јас само честитам за ваков тип на проекти, како Влада продолжуваме сето ова да го поддржуваме и во периодот којшто следи. Завршен е оној повик за аплицирање на проекти коишто ќе бидат финансирани од централниот буџет. Општина Ѓорче Петров достави такви проекти до Министерството за локална самоуправа. Очекувам веќе во следната недела да имаме список на проекти коишто ќе бидат финансирани и процесот сам по себе да започне некаде од првата недела или би рекол првата половина на октомври месец. До крајот на октомври да бидат завршени тендерските процедури и веќе првата половина на ноември месец офанзивата да продолжи. Доколку временските услови дозволат, во текот на зимата да имаме навистина огромна теренска активност и градба на нови проекти и веќе следната година дел од нив и да ги завршуваме и да ги пуштаме во употреба.
А на почетокот на следната година ќе ве потсетам, повторно ќе имаме таков повик. Во првичната верзија од Буџетот којашто се прави за 2025 година предвидени се 15 милијарди денари за ваков тип на проекти и веќе општините ќе можат уште еднашка да аплицираат со проекти коишто ќе значат поквалитетен живот на нашите сограѓани“, додаде Мицкоски.
Како што посочи, оваа активност првпат се случува, досега никогаш во независна Македонија ова не се случило.
„Само за една година ќе имаме повеќе 20-21 милијарда денари коишто ќе бидат инвестирани од централниот буџет за општините. Уште еднаш дозволете ми на крај да го изразам моето задоволство, прво на поканата, а второ и на реализацијата на ваков тип на проекти. Да му честитам на градоначалникот, на администрацијата, на советниците, пратениците, на Министерката и сите останати кои што придонесуваат во работата на оваа општинска администрација и да им посакам уште многу вакви проекти да бидат реализирани во периодот којшто следи“, заврши Мицкоски.
Македонија
Филков-Џанел: Холандија ги поддржува реформите во правосудството
Министерот за правда Игор Филков денеска оствари средба со амбасадорката на Кралството Холандија во нашата земја Н.Е Узлем Џанел. Разговараа за можностите за продлабочување на соработката, за меѓусебната поддршка во клучните процеси, како и за активностите кои ќе ги преземе Министерството за правда во наредниот период а се однесуваат на реформи во правосудството со цел да се зголеми довербата на граѓаните и да се изгради поцврст правен систем.
Министерот Филков и се заблагодари на амбасадорката за нивната посветеност за европската реформска агенда како и помошта која е дадена преку проектите кои се финансирани од Холандија, а се однесуваат на квалитетот и отчетноста на македонскиот правосуден систем, зајакнување на отчетноста, ефикасноста и транспрентноста на Судскиот совет, поддршка на Академијата на судии и јавни обвинители, владеење на правото.
Амбасадорката Џанел му посака на министерот Филков успех во извршувањето на функцијата министер и порача дека Холандија и во иднина ќе реализира проекти во областа на правосудството давајќи поддршка на затворскиот систем.