Регион
Бројот на загинати во железничката несреќа во Грција се искачи на 47: „Најдовме згмечени луѓе во вагоните“
Трагичниот биланс на загинатите од кобната несреќа на судир на возови во Лариса постојано расте бидејќи според најновото ажурирање на Цивилната заштита, лицата што ги загубиле животите во Темпи изнесува 47.
Според последните информации, рано утрово спасувачите пронашле уште три тела во третиот вагон, но истрагата сè уште не е завршена.
Портпаролот на Противпожарната бригада, Епипирагос Јоанис Артофиос, денеска за ЕРТ зборуваше за напредокот на истрагите и каде тие сега се фокусираат.
Акцијата за пребарување и извлекување во областа беше во текот на целата ноќ, а таа продолжува и утрово кога спасувачките екипи ќе продолжат со акцијата меѓу вториот и третиот вагон на возот.
Она што го опиша портпаролот на противпожарната служба беше шокантно. „Има луѓе во многу лоша состојба поради судирот и згмечувањето на двата вагона. Веќе ставивме во вреќи две тела“.
Тој додаде дека „оваа операција ќе продолжи сè додека телата на загинатите не бидат дадени на нивните семејства. Засега не може да се каже колку луѓе има таму. Портпаролот наведе дека повеќето од патниците биле најдени згмечени во вагоните.
Додека во Темпи продолжува потрагата на спасувачките екипи, на местото на трагедијата има и луѓе што чекаат чудо и се надеваат дека нивните најблиски ќе бидат пронајдени живи.
Околу местото на несреќата се подигнати шатори за подобро организирање на операцијата, пренесуваат грчките медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик: БИХ е последната колонија во Европа
Претседателот на Република Српска, Милорад Додик, изјави дека во Босна и Херцеговина постои криза која трае веќе 26 години, во која правата им беа дадени на Србите, а потоа одземени во корист на муслиманите, како и дека Босна и Херцеговина е последната колонија во Европа.
„БиХ е последната колонија во Европа каде што луѓето кои дојдоа однадвор го презедоа раководството, кое никој не го избра на избори. Ние, локалните политичари, само одиме на избори, победуваме или губиме, но оние кои не се од БиХ Тие всушност играат водечка улога“, рече Додик во интервју за Џерусалим пост.
Тој посочи дека дури и Хрватите не се задоволни од ситуацијата во БиХ, но дека муслиманите не сакаат дијалог, туку ги обвинуваат Србите дека повикуваат на конфликт, што не е точно.
Регион
Татко во алкохолизирана состојба ја избол ќерката во Призрен: лекарите се борат за нејзиниот живот
Синоќа, нешто по полноќ, во Призрен е уапсен татко, кој во алкохолизирана состојба со нож ја нападнал својата ќерка (21) и ѝ нанел повреди опасни за животот.
Регионалниот полициски центар во Призрен потврди дека А. Ш. (44) со нож ја нападнал ќерката Е. Ш. по расправија под дејство на алкохол нанесувајќи ѝ повреди на грбот.
Таа е во критична состојба и лекарите во болницата во Призрен се борат за нејзиниот живот.
Случајот е карактеризиран како обид за убиство.
Како што истакнаа, таткото бил во алкохолизирана состојба и по наредба на надлежен обвинител, одредена му е мерка притвор до 48 часа.
Регион
82-годишен маж од Чешка со камера снимал деца без облека на Истра
82-годишен Чех снимал деца без облека во туристички објект во Истра, а го забележал обезбедувач кој повикал полиција, јавуваат локални медиуми.
Полициски службеници ја завршија кривичната истрага за 82-годишен чешки државјанин и утврдија сомнение дека сторил кривично дело искористување деца за порнографија.
Чешкиот државјанин е осомничен дека на 12 јуни околу 13 часот и 50 минути во туристички објект на територијата на ПУ на Истра снимал деца без облека, што го забележало обезбедувањето и повикало полиција. Мажот е приведен во полициска станица. По наредба на надлежниот суд извршен е претрес на камерата и пронајдени снимки со инкриминирачка содржина.
Осомничениот вчера попладнето бил приведен во притвор на ПУ на Истра, информира полицијата.