Возачите на Формула 1, во недела, ќе ја започнат новата, 74. сезона од шампионатот со Големата награда на Бахреин во недела.

Прв фаворит за освојување на титулата е двократниот последователен светски шампион Холанѓанецот Макс Верстапен од Ред Бул. Негов колега и оваа сезона ќе биде Мексиканецот Серхио Перез.

Верстапен смета дека оваа сезона има подобар болид од претходната.

Главни конкуренти на дуото од Ред Бул ќе бидат возачите на Ферари, Шарл Леклер и Карлос Саинц и возачите на Мерцедес, Луис Хамилтон и Џорџ Расел.

Ферари во новата сезона влегуува со нов шеф на тимот. На местото на Матија Биното дојде Фредерик Васер од Алфа Ромео.

Последната возачка титула за Ферари ја освои Кими Раиконен во 2007 година, а една година подоцна италијанскиот тим ја освои последната конструкторска титула.

Својата шанса ќе ја бараат и возачите на Мерцедес. Хамилтон, седумкратниот светски шампион, лани не забележа ниту една победа, што му се случи прв пат во кариерата.

Тој е рекордер во Формула 1 со 103 победи.

Единствената победа за Мерцедес лани ја забележе Џорџ Расел. Колегата на Хамилтон, во Барзил ја запиша првата победа во кариерата. На крајот во вкупниот пласман тој беше пред славниот сонародник.

Според сите прогнози, најблиску до Ред Бул, Ферари и Мерцедес ќе биде Астон Мартн. Во тимот, шпто е и логично остана Ленс Строл, синот на газдата на тимот, а негов колега ќе биде поранешниот светски првак Фернандо Алонсо. Шпанецот дојде на местото на Себастијан Фетел кој замина во пензија.

Алпнин во новата сезона ќе има француска постава. Пјер Гасли му се придружи на сонародникот Естебан Окон.

Во Мекларен наместо Австралиецот Даниел Рикиардо ќе вози неговиот сонародник Оскар Пјастри, додека во тимот остана Британецот Ландо Норис.

Алфа Ромео ги задржа возачите од минатата сезона. За овој тим ќе возат Финецот Валтери Ботас и Кинезот Џоу Гуангжу.

Хас го задржаа Кевин Магнусен и го ангажираа искусниот Германец Нико Хулкенберг. Мик Шумахер замина од Хас во Мерцедес каде ќе биде резервен возач.

Формула 1 доби и уште еден Холанѓанец, бидејќи Ник де Вриј ќе биде нов член на Алфа Таури, а во шампионатот ќе настапи и Американецот Логан Сарџент, кој ќе вози за Вилијамс и ќе стане првиот претставник на својата земја во Формула 1 по Александар. Роси (Марусија, 2015 година).

Оваа сезона ќе се одржат рекордни 23 трки, а бројот на спринтерски натпревари е двојно зголемен.

Поени во саботните спринтерски трки ќе им бидат доделени на осумте најдобри возачи, а овој формат ќе се одржи во Азербејџан (29. април), Австрија (1. јули), Белгија (29. јули), Катар (7. октомври), Остин (21. октомври). ) и Бразил (4. ноември).

Спринт трките ќе ги одредат стартните позиции за главната трка во недела, а пол-позицијата ќе ја запише најбрзиот квалификант во петок пред спринтот.

На американска почва ќе се одржат три трки, бидејќи, покрај Остин и Мајами, трка доби и Лас Вегас (18 ноември), а катарската патека „Лусаил“ се враќа во календарот по нејзиното деби во 2021 година.

Возачите изминатиот викенд извршија претсезонски тестови на патеката „Сакир“, а новата сезона ќе ја започнат утре со првиот слободен тренинг од 12:30 часот.

Вториот слободен тренинг утре на програмата е од 16.00 часот, додека третиот тренинг ќе се одржи во сабота од 12.30 часот.

Квалификациите на програмата ќе бидат во сабота од 16:00 часот, додека трката е закажана за недела на 5. март во истиот термин.