Македонија
Поцкова до Манолева: Дали со министерот ќе се борите да се врати достоинството на белиот мантил во Македонија?
![](https://makfax.com.mk/wp-content/uploads/2023/03/thumbnail_Јадранка-Поцкова.jpg)
„Денес, дебатираме за изборот за заменик-министри во Владата на Република Македонија. Ќе почнам со доктор Маја Манолева, потпретседател на Лекарската комора и директор на Јавната здравствена установа – Завод за физикална медицина – Скопје. И исто така сопственик на приватната здравствена установа „Физиоплус – д-р Манолева“ поради што беше директно прозвана од Државната комисија за спречување на корупцијата. Дали доктор Маја Манолева ќе ги реши горливите проблеми во здравството заедно со министерот Фатмир Меџити?“, запраша Јадранка Поцкова,пратеничка од редовите на ВМРО-ДПМНЕ на денешната собраниска седница.
Поцкова исто така во текот на својот говор ја запраша Манолева дали заедно со министерот ќе се бораи болните со ретки болести да ги добијат своите лекови.
„Дали ќе ги подобри условите за работа во јавното здравство, тука мислам на реконструкција на здравствените установи, изградба на нов клинички центар во Скопје, продолжување со изградбата на Клиничкиот центар во Штип и набавка на апаратура? Дали министерот и заменичката ќе ги земат на одговорност директорите на Фондот за здравствено осигурување? Дали ќе се прошири позитивната листа? Дали ќе се борат и ќе направат сè за да се врати достоинството на белиот мантил во Македонија и да престане миграцијата кон приватните здравствени установи и надвор од земјата затоа што во последните три години се имаат иселено 2.200 доктори и 5.000 медицински сестри?“, заклучи Поцкова.
Таа посочи дека здравствените политики треба да имаат приоритет бидејќи без здрава нација нема напредок во ниедна сфера во општеството.
„Предизвикот и одговорноста се големи, а времето ќе покаже дали и колку ќе се направи за подобрување и ставање здрави темели на здравството“, заклучи Поцкова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Девет лица приведени за питачење и запуштање и малтретирање на дете
![](https://makfax.com.mk/wp-content/uploads/2018/08/39075688_270258320245616_5860654828702662656_n-1.jpg)
Вчера во времето од 16.00 до 20.00 часот од страна на полициски службеници од СВР Скопје постапено е по план за сузбивање на питачење на подрачјето на Центар и Бит Пазар и притоа се затекнати вкупно 11 лица од кои девет се приведени за сторен прекршок по чл.24 од ЗППЈРМ (питачење), а двајца биле лишени од слобода во полициска станица поради постоење основи на сомнение за сторено кривично дело запуштање и малтретирање на дете по чл.201 од КЗ на РСМ.
По целосно документирање на случајот ќе следува соодветен поднесок
Македонија
За 24 часа низ државава пожарникарите гаснеа 10 пожари на отворено
![](https://makfax.com.mk/wp-content/uploads/2023/09/pozari-gasenje-mkd-3.jpg)
Центарот за управување со кризи (ЦУК) информира дека во последното деноноќие имало вкупно десет пожари на отворено и неколку помали интервенции. Еден се уште се води како активен, во Општина Василево, кај с.Добрашинци, каде гори ниска вегетација, ниска шума и грмушки.
Целосно изгасените се девет пожари на отворено во општините: Гази Баба имало два пожара, кај с.Јурумлери(горело жито) и повторно с.Јурумлери (ѓубре), Карпош, кај с.Злукуќани (ниска вегетација), Кавадарци имало 3 пожари, кајс.Ваташа (ниска вегетација, нискастеблеста шума), покрај ул.Видое Смилевски Бато(ниска вегетација) и покрај ул.Ристо Ѓонев во с.Ваташа(ниска вегетација), Битола, кај училиштето „Тодор Ангелевски“ (ниска вегетација), Охрид, кај месноста „Мауцкер“ (депонија) и во Општина Куманово, кај с.Лопате (горела ниска вегетација).
Центарот за управување со кризи (ЦУК) информира, во последното деноноќие, имало вкупно 2 024 повици на Единствениот повикувачки број за итни случаи 112 во ЦУК. Од нив „реални“ повици биле 58,60%, а 41,40% биле за други потреби на граѓаните што не биле итни. Кон Полиција биле упатени 57,14%, кон Итната медицинска помош 27,73%, а кон пожарникарите 5,04%, од реалните повици кон 112 во ЦУК. Инаку, имало 878 повика за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици (10,08%) и на тие што се именувани како „неитни повици“ (41,40%). Сите тие биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК).
Регионалниот ЦУК Тетово, информира дека Општина Тетово утре (01.07.2024 година понеделник), ќе се врши планираната дератизација на територијата на Град Тетово, за уништување на глодари. Дератизацијата ќе започне од 08:00 часот, ако се поволни временски услови. Се апелира до граѓаните да бидат внимателни и да ги следат упатствата и заштитните мерки дадени од надлежните, од општината.
Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е корисно да се следат препораките и информациите од медиумите за превенција, а и за реагирање при итни случаи.
Македонија
Од утре МОН ќе ја исплаќа неисплатената финансиска поддршка за основци и средношколци
![](https://makfax.com.mk/wp-content/uploads/2018/10/ucenici.jpg)
Министерството за образование и наука (МОН) информира дека од понеделник ќе почнат да се исплаќаат паричните надоместоци по основ на антикризната мерка за поддршка на семејствата на основци и средношколци.
Како што соопштија од МОН, на првиот работен ден од мандатот, министерката за образование и наука Весна Јаневска ги задолжи надлежните сектори да направат детален преглед на нереализираните финансиски обврски по секој еден ученик чие семејство ги исполнува условите и има поднесено апликација за остварување на ова право.
Врз основа на доставениот извештај, се направи план со динамика на исплата којa започнува од утре.
„Наместо краткорочни неквалитетни решенија, учениците и нивните семејства заслужуваат вистинска и континуирана системска поддршка за олеснување на воспитно – образовниот процес и за надминување на предизвиците со кои секојдневно се соочуваат последните неколку години. Со доаѓањето на новата Влада, младите ќе бидат во фокусот на политиките, а квалитетот на образованието и можностите за реализација на личниот потенцијал во границите на својата земја, плански и континуирано ќе се зголемуваат“, велат од МОН.