Македонија
Авионот на „Визер“ слета во Венеција наместо во Охрид заради итна медицинска помош на патник
Авионот на авиокомпанијата „Визер“ кој полета од Дортмунд, Германија, а место во Охрид слета во Венеција, бил пренасочен поради потреба од итна медицинска помош на патник во леталото, пишува германскиот медиум „ва. де“
На патувањето кон Охрид пилотот побарал итно да слета во Венеција, а принудното слетување го регистрира „Флајтрадар“ преку чии апликации во живо се следи авионскиот сообраќај.
„Можеме да потврдиме дека на еден патник му се слошило за време на летот. Авионот мораше итно да слета на аеродромот во Венеција за да му овозможи на патникот веднаш да ја добие потребната медицинска помош“, соопшти портпаролот на аеродромот „Марко Поло“ во Венеција.
По слетувањето се’ уште нема информации за здравствената состојба на патникот, нуту пак, се знае дали станува збор за македонски државјанин. Познато е само дека во моментот лицето е хоспитализирано.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Честитка од министерот Мисајловски по повод Денот на македонската револуционерна борба
Министерот за одбрана Владо Мисајловски упатува искрени честитки до сите припадници на Армијата и сите македонски граѓани по повод 23 Октомври – Денот на македонската револуционерна борба.
„Почитувани граѓани,
Ви го честитам 23 Октомври – Денот на македонската револуционерна борба.
Денеска со почит се сеќаваме и им се поклонуваме на сите револуционери кои со својата визија и пожртвуваност ги поставија темелите на слободна и независна Македонија, затоа што идеалите на македонската револуционерна организација за создавање на македонска држава се нераскинлив дел од нашата колективна свест и нашето постоење.
Стремежите на револуционерите за слободна и просперитетна држава, нè задолжија за навек. Решителни сме сите заедно да го продолжиме делото на Организацијата, да продолжиме да градиме иднина вредна за нивната борба.
Македонија заслужува да биде развиена, прогресивна и безбедна, да биде земја за среќен и хармоничен живот на сите граѓани. Нашата определба ја потврдуваме со максимална заложба, труд и посветеност во остварување на овие цели“, се вели во честитката.
Македонија
Утрото студено време со појава на магла, преку денот сончево
Утрото студено време ќе има со појава на магла по одделни котлини. Преку денот сончево со слаб ветер претежно од северен правец. Минималната температура ќе биде во интервал од -2 до 7, а максималната ќе достигне од 19 до 24 степени.
Во Скопје утрото студено со појава намагла, преку денот сончево и претежно тивко. Минималната температура ќе се спушти до 3, а максималната ќе достигне до 23 степени.
Продолжува периодот на стабилно и претежно тивко време со студени утра и ниски утрински температури, кои наместа ќе се спуштаат под нулата. По одделни котлини ќе има услови за појава на утринска магла или ниска облачност. Дневната температура ќе биде без значителни промени.
Македонија
ЈСП утре ќе вози по неделен возен ред, Жичницата ќе работи вообичаено
Утре поради државниот празник 23 Октомври – Ден на македонската револуционерна борба, автобусите од јавниот превоз ќе сообраќаат по неделен возен ред.
Дежурни ќе бидат билетарниците и центрите за персонализација (кои ќе работат од 8 до 14 часот) на:
– Транспортен центар;
– Ѓорче Петров; и
– Зелен пазар.
Жичницата ќе функционира вообичаено, со работно време од 10-18 часот, при што од 17-17:30 е последното возење од долу кон врвот, а во 17:45 часот е последно возење од врвот надолу.