Регион
Мицотакис им се извини на семејствата на жртвите во несреќата: Не смееме да се криеме зад човечката грешка
Грчкиот премиер Киријакос Мицотакис денеска им се извини на семејствата на жртвите во железничката несреќа во која загинаа 57 лица.
„Како премиер, им должам на сите, особено на роднините на жртвите, извинување“, напиша Мицотакис во пораката до Грците објавена на Фејсбук.
Тој додаде дека во Грција во 2023 година не е можно два воза да одат во спротивна насока по иста пруга и никој да не го забележи тоа.
„Не можеме, не сакаме и не смееме да се криеме зад човечката грешка“ што му се припишува на шефот на станицата, инсистираше лидерот на конзервативците.
Премиерот зборуваше во неделата наутро, кога во Солун, вториот по големина град во земјата каде што живееја многу жртви во железничката несреќа, беа фрлени молотови коктели врз припадниците на полициските единици за да се потиснат демонстрациите, пренесе грчката агенција „АНА“.
Шефот на станицата во Лариса, призна одговорност за катастрофата.
Тој 59-годишен маж, кого медиумите го претставуваат како неискусен денеска ќе се појави пред суд по евентуално обвинение за „убиство од небрежност“, пренесуваат медиумите.
Демонстрантите, според написите, денеска се судрија со полицијата
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Во Србија се судри автобус со ученици и автомобил, едно лице загина
Едно лице загина во судир на училишен автобус во кој имало деца и автомобил на патот меѓу Нови Сад и Инѓија во Србија. Несреќата се случила околу седум часот утринава.
Автобусот завршил на страна, а возачот на автомобилот починал на местото на настанот.
Нова.рс пишува дека има повредени и дека се пренесени во болница во Нови Сад.
Регион
Дојава за бомба во два трговски центри во Белград
Два трговски центри во Белград денеска добиле дојава за бомба, пишува „Евроњуз Србија“.
Дојавата за подметнати бомби пристигнала во 13 часот во трговскиот центар „Биг“ во Карабурба и во трговскиот центар „Милениум“. Непознати лица нешто по 13 часот пријавиле дека во трговските центри била поставена експлозивна направа.
Во моментот во тек е евакуација на посетителите во овие трговски центри.
Регион
Опозициските политичари во Албанија запалија столчиња пред парламентот во знак на протест поради апсењето на нивниот колега
Албанските опозициски политичари запалија куп дрвени столчиња пред Собранието во знак на протест поради апсењето на нивниот колега.
На почетокот на редовната собраниска седница пратениците од опозицијата ги извадија столчињата од собраниската сала и ги запалија на скалите од зградата.
Припадниците на службата за безбедност брзо го изгаснале пожарот.
Апелациониот суд на Албанија во петокот ја потврди пресудата на понискиот суд со која Ервин Салијани, член на опозициската Демократска партија, беше осуден на една година затвор.
Понискиот суд го прогласи Салијани за виновен за „лажна пријава“ против поранешниот министер за внатрешни работи. Салијани ја негираше вината и рече дека судењето е политички мотивирано.
Претходно овој месец, водачот на Демократската партија Сали Бериша, кој е во домашен притвор од декември, беше обвинет за корупција за дејствија што ги презел додека бил премиер од 2005 до 2013 година. Бериша, исто така, ја негира вината.
Демократската партија повика на голем протест во главниот град Тирана на 7 октомври.