Спорт
Манчестер јунајтед вратени во „реалноста“ на „Енфилд“ со неверојатен 7:0 пораз!

Манчестер јунајтед имаа одличен старт на 2023 година, со титула од Лига купот и елиминација на Барселона во Лига Европа, но гостувањето на „Енфилд“ повторно се покажа како кошмар за тимот на Ерик Тен Хаг, губејќи со неверојатни 7:0.
Најголемото англиско дерби започна со наелектризирани први 30 минути, во кои двата тима имаа свои шанси, пред во 43. минута од мечот, Коди Гакпо, Холанѓанецот кого Манчестер јунајтед решија да не го земат да ги казни за 1:0.
Второто полувреме, пак, беше целосно во знакот на тимот на Ерик Тен Хаг. Само што започнаа вторите 45 минути, Дарвин Нуњез постигна гол за 2:0 во 47. минута, за три минути подоцна Гакпо со прекрасен гол да зголеми на 3:0. Ако постоеја некакви надежи за враќање на Јунајтед, тие беа уништени во 66. минута, кога Мохамед Салах продолжи со својата традиција за постигнување голови против лутиот противник со убав гол, за во 75. минута, Нуњез да стави сол на раната на гостите со нов гол за 5:0.
Мохамед Салах во 83. минута го постигна и шестиот гол за да потврди дека е најдобриот стрелец на Ливерпул во Премиерлигата со 134 гола, за потоа и замената Боби Фирмново 88. минута да забие за 7:0.
Манчестер јунајтед останува на третото место на табелата со 49 поени, додека Ливерпул се доближува до топ 4 пласман со 42 поени, три поени зад четвртопласираните Тотенхем.
Графика: Sofascore за Топспорт.мк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нема билети за вечерашниот ракометен меч меѓу Македонија и Литванија

Билетите за вечерашниот ракометен натпревар меѓу Македонија и Литванија во Спортскиот центар „Јане Сандански“ се распродадени. Во пресрет на натпреварот селекторот на Македонија го објави тимот за последниот квалификациски натпревар за Европското првенство 2026 Ќе играат истите играчи кои Талин ја победија Естонија. Голман е биде Мартин Томовски.
Натпреварот почнува во 18 часот.
Спорт
(Видео) Хамбург слави – ХСВ се врати во Бундеслига

Хамбург го слави враќањето на ХСВ во најсилната лига на германскиот фудбал. Седум години по елиминацијата славниот клуб повторно е дел од елитата во која се внедри во голем стил – победа од 6:1 против Улм пред околу 60.000 луѓе на “Фолксарк” стадион.
Тимот од најголемото германско пристаниште остана на прво место, но не го обезбеди. Тоа ќе може да го направи во последното коло против Гројтер Фирт.
Близу до пласман во највисокиот ранг е и Келн, кому му е потребен бод во последните деветдесет минути фудбал за математички да ја обезбеди таа цел.
Десетина илјади навивачи извршија инвазија на теренот во Хамбург откако судијата свирна крај на мечот со Улм.
Спорт
Александар Сорлот даде три гола за 3 минути и 57 секунди и испиша историја на шпанскиот фудбал

Александар Сорлот, напаѓач на Атлетико Мадрид, испиша историја на шпанскиот фудбал. Сорлот постигна четири гола во првите 30 минути од мечот помеѓу Атлетико и Реал Сосиедад.
Првиот гол го постигна во седмата, вториот во десетата, а третиот во 11. минута, со што веќе ги испиша првите страници на историјата на овој натпревар, бидејќи постигна најбрз хет-трик во историјата на Ла Лига.
Три гола за 3 минути и 57 секунди. Оние кои мислеа дека тоа ќе му биде доволно на 29-годишниот Норвеѓанец, се излажаа. Сорлот постигна гол и во 30. минута од мечот, правејќи нешто што никој никогаш не го направил, со четири гола во првите половина час фудбал.
Не помина ни година од последниот меч во кој овој играч постигна четири гола – тоа беше на 19. мај против Реал Мадрид минатата сезона, во дресот на Вилјареал.