Црна хроника
(Фото) Со 220 километри на час возел од Тетово кон Скопје: Полицијата ги објави новите црни рекорди во брзо возење
Денеска во периодот од 10.00 до 18.00 часот на територија на СВР Тетово спроведена е засилена акциска контрола за санкционирање на возачи кои се движат со брзина поголема од пропишаната, при што санкционирани се 286 возачи.
Од нив 55 возила се движеле со брзина над 50 километри на час повеќе од дозволеното, а 10 возила се движеле со дури над 70 километри на час повеќе од дозволената брзина. При тоа 159 ја пречекориле брзината надвор од населено место, а 127 во населено место.
За време на контролата биле санкционирани и 14 други видови на сообраќајни прекршоци.
СВР Тетово продолжува со контролни активности и во наредниот период и апелира до возачите да ги почитуваат сообраќајните правила и прописи, со што ќе придонесат за нивната и за безбедноста на сите учесници во сообраќајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Полицијата правеше претрес во Прилеп, приведе едно лице и најде дрога
Полицијата вчера попладне го лишила од слобода Н.Н.(35) од Прилеп. При претрес во неговиот дом, извршен со судска наредба, биле пронајдени и одземени марихуана, бела прашкаста материја, различни таблети, грутчеста материја и дигитална вага.
Лицето било приведено во полициска станица и по целосно расчистување и документирање на случајот, против него ќе биде поднесена соодветна пријава
Црна хроника
Кај кочанското село Тркање загина пешак
Во тешка сообраќајна несреќа што се случи утринава во 07:50 часот загина пешак на регионалниот пат Штип-Кочани во близина на селото Тркање, а собраќајот се пренасочува по експресниот пат.
Во тек е увид, а повеќе детали во текот на денешниот ден.
Црна хроника
Ученик од основно училиште во Скопје бил полово вознемируван од негов соученик
Триесет и шестгодишна жена скопјанка пријавила дека на 17 септември во основно училиште на подрачјето на Карпош во Скопје, нејзиниот малолетен син бил полово вознемируван од негов соученик.
Се работи на расчистување на случајот.