Македонија
Пензионерскиот клуб „Невена Георгиева-Дуња“ во нови подобри простории на барање на пензионерите
![](https://makfax.com.mk/wp-content/uploads/2023/03/thumbnail_PENZ_30.jpg)
Општина Центар по барање на Здружението на пензионерите го премести пензионерскиот клуб „Невена Георгиева-Дуња“ од Трговскиот центар „Беверли Хилс“ поради зголемен интерес за дружба и секојдневни средби на пензионерите. Градоначалникот на општина Центар, Горан Герасимовски, ги посети новите простории, кои се наоѓаат веднаш до Заводот за рехабилитација и ги запозна присутните со проектите за пензионери, кои ги спроведува Општината.
„Поради зголемен интерес на пензионерите не само околу Трговскиот центар ‘Беверли Хилс’ во Капиштец туку и пошироко, решивме пензионерскиот клуб, кој досега функционира во склоп на читалницата ‘Ацо Шопов’, да го преместиме на нова локација. Сега пензионерите и од овој реон, блиску до Заводот за рехабилитација, може да поминуваат квалитетно време во поголеми и покомотни услови. Мене ми е навистина мило што пензионерите од Капиштец ја негуваат дружбата и имаат потреба од поширока социјализација, на овие средби тие разменуваат информации што ги засегаат сите пензионери и зборуваат за новите проекти во општината, така што пензионерите и од овој реон ги поканувам да го посетат клубот, кој работи секој ден од 10 до 14 часот, да се дружат, рекреираат и поминуваат интересно време со своите сограѓани“, изјави Герасимовски.
Инаку, ова е првиот од трите пензионерски клуба што ги отвори градоначалникот Герасимовски, другите два функционираат во Крњево и кај Универзалната сала, а на територијата на општина Центар функционираат вкупно 8 пензионерски клуба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Без вода, делови од Општина Ѓорче Петров
![](https://makfax.com.mk/wp-content/uploads/2024/05/voda-chesma.jpg)
ЈП Водовод и канализација известува дека денеска поради уличен дефект од Ф-400мм на ул.1670 во Ново Село, прекинато водоснабдување од 09,00 часот ќе имаат корисниците од ул.Лука Геров, Ново Село, Стопански двор, Кисела Јабука, Волково, Орман, Никиштани Општина Ѓорче Петров.
Македонија
(Видео) Со два хеликоптера на МВР изгаснат пожарот во Крушевско
![](https://makfax.com.mk/wp-content/uploads/2024/07/Screenshot-2024-07-01-215151.jpg)
Денеска, два хеликоптера од Одделот за воздухопловни единици го изгаснаа шумскиот пожар кој попладнево изби во атарот на крушевското село Пуста Река.
„По добиено барање од ЦУК, на пожарот двата хеликоптера исфрлија над 40 тона вода и во координација со пожарникарите, пожарот е целосно изгаснат“, соопшти МВР..
Македонија
Времена забрана за движење на тешки товарни возила на патиштата во државата
![](https://makfax.com.mk/wp-content/uploads/2018/11/kamiondzija.jpg)
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен.
На ГП Табановце се бележи зголемена фреквенција на возила, времето на чекање за влез во Македонија е околу 20 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево