Македонија
Средба Грковска – Фати Вали: Северна Македонија е лидер во регионот во реализација на проектите на ООН
![](https://makfax.com.mk/wp-content/uploads/2023/03/08032023_VRSM_GRKOVSKA_SREDBA-3.jpeg)
Заменичката на претседателот на Владата задолжена за политики за добро владеење, Славица Грковска, денеска оствари средба со Гаџа Фати Вали, извршна директорка на Канцеларијата на Обединетите нации во Виена, како и на Канцеларијата на Обединетите нации за дрога и криминал (УНОДЦ).
Вицепремиерката Грковска изрази благодарност за поддршката што агенциите на Организацијата на Обединетите нации (ООН) ги даваат на нашата држави и тоа за процеси што се од клучно значење за економскиот и општествениот напредок.
Таа информира дека нејзиниот Кабинет има одлична соработка со UNWOMAN и UNDP, а UNODC е наш многу важен партнер, особено во однос на имплементацијата на националната стратегија за јакнење на капацитетите за водење финансиска истрага и конфискација на имот, со акциски план 2021-2023.
Извршната директорка Фати Вали изрази задоволство од добрата соработка што нашата држава ја има со Обединетите нации и нагласи дека Северна Македонија успешно се справува со предизвиците со кои се соочува и во таа насока ООН се секогаш тука за поддршка и соработка.
Таа истакна дека проектите што ООН ги поддржува се значајни не само за Северна Македонија туку и за целиот регион и нагласи дека нашата држава е лидер во регионот во реализација на проектите.
Двете соговорнички разговараа за проектите што се во тек, но и за идните планови, со цел уште повеќе да се продлабочи соработката меѓу ООН и Северна Македонија.
Грковска информира за нејзината иницијатива за форум на Југоисточна Европа на жени лидери за добро владеење и антикорупција, што ја реализира со поддршка на UNWOMAN, RAI и UNODC, кој ќе се одржи на 23 март 2023 година во Скопје.
Извршната директорка Фати Вали ја поздрави оваа иницијатива и изрази надеж дека таа ќе се унапреди уште повеќе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
ВМРО-ДПМНЕ: Жива срамота е СДС да говори за клановски пресметки, бидејќи тие се творците
![](https://makfax.com.mk/wp-content/uploads/2023/02/vmro-dpmne-zgrada.jpg)
На прес-конференцијата на СДСМ, реагираше владејачката ВМРО-ДПМНЕ.
„Грдото лице на власта на СДС и ДУИ значеше и бруталната пресметка на клановите Дуќанџик и Арачиново. Оваа клановска борба својот врв го достигна во време на Оливер Спасовски, кога лица тесно поврзани со мафијашките структури беа дел од неговиот кабинет, а полициски службеници заедно со криминалците учествуваа во директните пресметки, како што беше таа во хотелот Александар Палас. Владеењето на СДС и ДУИ беше симболот на беззаконието и јакнењето на подземјето.
Разузданите банди и мафијашките пресметки низ Скопје и други места се директно дело на поранешната власт, затоа што истите ги користеа за избори, а после им се оддолжуваа со тоа што им ги отвораа улиците за трговија со дрога. Жива срамота е СДС да се дрзне да говори за вакви пресметки, бидејќи тие се творците на клановите и клановските пресметки по угостителски локали, трговски центри и по улици. СДС нека се покрие од срам, затоа што ги охрабруваа членовите на подземјето да дивеат, им даваа заштита и поддршка, а не изостануваа и фотографии на мафијаши со функционери од власта на СДС и ДУИ“, велат од ВМРО-ДПМНЕ.
Претходно, портпаролката на СДСМ, Богданка Кузеска, обвини дека Македонија се претворила во Див Запад откако Панче Тошковски е министер за внатрешни работи.
Македонија
(Видео) Лефков: Фрчковски е грдото лице на власта на СДСМ и ДУИ – секој треба да биде повикан на одговорност
![](https://makfax.com.mk/wp-content/uploads/2024/07/Screenshot-2024-07-07-122220.jpg)
На денешната прес конференција пратеникот Миле Лефков од медиумите беше запрашан како го коментира отповикувањето на Фрчковски од страна на МНР.
„Фрчковски е грдото лице на владеењето на претходната власт на СДСМ и ДУИ. Од тоа што можевме во јавноста да го видиме, гледаме дека како амбасадор на Македонија уживал во удопствата кои му ги обезбедил Зоран Заев со именувањето, а во исто време нема отчет како се трошеле народните пари, односно парите биле трошени на непознат начин“, истакна Лефков.
Лефков посочи дека секој треба да биде повикан на одговорност за тоа како ја извршувал својата должност без разлика за кој човек се работи или на која функција бил.
Македонија
Премиерот и министрите со набиена агенда: почнува официјалната посета на САД
![](https://makfax.com.mk/wp-content/uploads/2024/07/Screenshot-2024-07-07-115952.jpg)
Претседателот на Владата Христијан Мицкоски, заедно со делегација од Владата во чиј состав се министерот за одбрана Владо Мисајловски, министерот за надворешни работи и трговија Тимчо Муцунски како и министерот за внатрешни работи Панче Тошковски ја започнува официјалната посета на САД, каде што ќе учествува на Самитот на НАТО и ќе оствари бројни билатерални средби со високи американски и меѓународни лидери.
Премиерот Мицкоски ќе одржи говор на реномираниот Johns Hopkins University- School of Advanced International Studies, по што ќе следуваат средби со претставници од бизнис заедницата во САД.Премиерот ќе има и средби со високи претставници на IRI, конгресмени и сенатори, односно Брендон Бојл и сенаторката Џин Шахин – копретседавачи на Македонската група за пријателство во Конгресот на САД. Во вечерните часови, пак, тој ќе учествува на свечениот настан по повод 75-годишнината на НАТО, што ќе се одржи во Andrew W. Mellon Auditorium.
Македонската делегација исто така ќе учествува и на отворањето на НАТО форумот и ќе присуствува на состаноците на Северно – атлантскиот совет, каде што Мицкоски ќе има прилика за средби со други лидери и изјави за медиуми.
Мицкоски ќе присуствува и на вечерата во Белата куќа организирана за лидерите, а министерот за надворешни работи и надворешна трговија Тимчо Муцунски и министерот за одбрана Владо Мисајловски ќе присуствуваат на специјални вечери организирани од државниот секретар Етони Блинкен и секретарот за одбрана Лојд Остин.
Посетата на премиерот Мицкоски има за цел да ги зајакне билатералните односи со САД, да ја афирмира Македонија како стабилен партнер и да ги промовира економските можности на нашата земја пред американските инвеститори.