Спорт
Ришарлисон: Нашата сезона е едно големо ср..е
Еден гол во два натпревари им беше доволен на фудбалерите на Милан да го елиминираат Тотенхем во осминафиналето, во Лигата на шампионите. Брахим Дијаз погоди во Милано, додека синоќа во Лондон Тотенхем и Милан одиграа 0:0.
Во двата натпревари Тотенхем остави многу лош впечаток против Милан. Најмногу критики по елиминацијата доби менаџерот, Антонио Конте и покрај тоа што неговиот тим е четврти во Премиер лигата.
Менаџерот доби критики и од напаѓачот Ришарлисон.
„Искрено, оваа сезона е ноќна мора. Сакам да играм повеќе, не ги разбирам одлуките на Конте. Не разбирам, играв добро и бев во добра форма. Кога бев во првиот тим, ги победивме Астон Вила и Челзи. Потоа Конте ненадејно ме стави на клупата. Против Вулвс ми даде пет минути, го прашав зошто и не ми кажа ништо“, рече Конте и дополни.
„Навистина ме интересира што ќе каже утре. Не сум идиот, јас сум професионалец, работам секој ден и сакам да играм. Имав мала повреда, но кога сум на теренот го давам животот. Требаше да играм, а сега наместо тоа можам да седнам и да плачам“.
Ричарлисон синоќа против Милан ги одигра последните 20 минути.
Бразилецот, во летниот преоден рок за 58 милини евра од Евертон пристигна во Тотенхем. Засега не ги оправда очекувањата, одигра 25 натпревари постигна само два гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тото Волф го продава својот удел во Мерцедес?
Шефот на Мерцедес во Формула 1, Тото Волф, наводно е подготвен да продаде дел од својот удел од 33 отсто во тимот, кој се проценува на рекордни пет милијарди евра. Се вели дека Волф, кој ќе остане на своите должности како извршен директор и шеф на тимот, е во напредни разговори со неоткриен купувач за продажба на „средно едноцифрен удел“ во неговата компанија, која поседува акции на Мерцедес.
Портпаролот на тимот Мерцедес во Формула 1 не сакаше да ги коментира овие наводи.
„Управувањето со тимот ќе остане непроменето, а сите три партнери (Мерцедес-Бенц, Тото и ИНЕОС) се целосно посветени на успехот на Мерцедес-Бенц во Формула 1“.
Германскиот автомобилски гигант Мерцедес-Бенц, Волф и британската хемиска компанија ИНЕОС моментално поседуваат по 33% удел во тимот, а британскиот милијардер Џим Ратклиф поседува контролен удел.
Во периодот од 2014 до 2021 година, Мерцедес освои осум титули светски шампионски тим, а Луис Хамилтон беше најдобар во пласманот на возачи седум пати, една титула освои и Нико Розберг.
Тимот е на второто место на три трки до крајот на оваа сезона, во која втората последователна титула светски шампион ја обезбеди Мекларен. На последната трка одржана на патеката Интерлагос во Сао Паоло, возачите на Мерцедес го освоија второто (Кими Антонели) и четвртото место (Џорџ Расел).
Спорт
Анчелоти: Му реков на Ендрик да си замине од Реал Мадрид
Селекторот на фудбалската репрезентација на Бразил, Карло Анчелоти, му порача на напаѓачот на реал, Ендрик дека мора сериозно да размисли за својата иднина на „Сантијаго Бернабеу“.
Младиот фудбалер го изгуби местото во ротацијата со доаѓањето на Чаби Алонсо, а откако се рахабилитира од повредата на грбото, има одиграно само 14 минути оваа сезона.
Новинарите беа заинтересирани дали ова ќе влијае врз статусот на Ендрик во националниот тим, особено ако се знае дека летово ќе се игра Светското првенство САД, Канада и Мексико.
„Разговарав со него на почетокот на сезоната. Беше повреден, но сега е добро и мора да размисли со својот тим што е најдобро за него. Нека разговара со клубот и нека види што е најпаметно. Ендрик е млад и ова нема да биде неговото последно Светско првенство. Единственото нешто што е важно е повторно да почне да игра и да покаже што знае“, рече Анчелоти.
Инаку, се погласни се најавите дека Ендрик, во зимскиот преоден рок ќе се преселин на позајмица од Реал во Олимпик Лион.
Спорт
Манчини ќе му биде тренер на Роберто Фирмино
Познатиот италијански тренер Роберто Манчини (60) постигна договор за нова профитабилна работа.
Како што објавува секогаш добро информираниот италијански новинар и инсајдер Фабрицио Романо, неговиот сонародник Роберто Манчини ќе стане нов тренер на Ал Сад, најтрофејниот и најбогат катарски клуб. Двете страни веќе постигнале договор.
„Роберто Манчини утре лета за Доха за да го потпише договорот како нов главен тренер на Ал Сад, договорот е затворен“, објави Фабрицио Романо.
По деветтото коло, Ал Сад е на шестото место на табелата на Катарската лига со 14 бода. Прва ѕвезда на тимот е поранешниот фудбалер на Ливерпул, Бразилецот Роберто Фирмино.
Последниот ангажман на Манчини беше како селектор на Саудиска Арабија, која ја напушти во октомври минатата година.
Пред тоа, тој беше селектор на Италија (ја освои титулата на ЕУРО 2020). За време на неговата богата кариера, тој беше тренер и на Фиорентина, Лацио, Манчестер Сити (им ја донесе првата титула на „Граѓаните“ по 44 години), Галатасарај, Интер и Зенит.

