Свет
Русите испратиле подморници на американскиот брег, тврдат странски разузнавачи
Странски набљудувачи и разузнавачи велат дека Москва има нуклеарни подморници веќе во близина на американскиот брег.
„Постојат индикации дека нуклеарните подморници се наоѓаат во близина на брегот на САД и во Средоземното Море и на други места на европската периферија“, изјави Мајкл Петерсон, директор на рускиот поморски истражувачки институт.
Пред само неколку дена рускиот претседател Владимир Путин најави дека Русија ќе изгради уште нуклеарни подморници.
„Да ја гарантираме безбедноста на нашата земја со децении“, ја објасни рускиот претседател својата одлука.
Путин ова го изјави на церемонијата на пуштање во употреба на новата нуклеарна подморница на флотата „Генералисимус Суворов“. Изјавата доаѓа во време кога странските набљудувачи тврдат дека старите советски тактики, во стилот на Студената војна, веќе се во тек.
Уште позагрижувачки, велат некои воени експерти, е неинформираноста на Американците.
САД не го знаат бројот на руските подморници онаму каде што веруваат дека се поставени. Денес, руските подморници се насекаде, а тоа ги загрижува и НАТО и САД.
„Минатата година подморницата ‘Северодвинск’ беше распоредена во Тихиот Океан. Во исто време, друга подморница од истата класа беше распоредена во Средоземното Море. Повторно, во исто време, трета подморница беше на пат за распоредување во Атлантскиот Океан“, изјави генералот на американските воздухопловни сили, Глен ван Херк.
Според контраадмиралот Мајкл Студман, следењето на руските подморници е тешка задача. Воениот тактичар вели дека причина за тоа е патролирањето што го прават руските подморници во Атлантскиот Океан, т.е. уште еден доказ дека руските подморници се насекаде и во постојано движење.
Токму поради оваа причина, анализираат руските експерти, подморниците се дел од планот на Москва. Поголемо производство на нуклеарни подморници за да се одврати потенцијалната американска агресија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.