Американскиот претседател Доналд Трамп синоќа објави дека во петок ќе го има својот годишен преглед во медицинскиот центар Волтер Рид во Мериленд.

„Никогаш не сум се чувствувал подобро, но сепак, мора да се направи!“, напиша 78-годишниот Трамп во објава на платформата Truth Social.

Нов Зеланд нема да ги ревидира своите економски и фискални планови и покрај превирањата на глобалните финансиски пазари предизвикани од тарифните планови на американскиот претседател Доналд Трамп, изјави денеска министерката за финансии Никола Вилис.

Глобалната трговска војна, предизвикана од огромните царини на Трамп, дополнително ескалира вчера – откако тој се закани дека ќе ги зголеми царините за Кина, а Европската унија предложи свои контрацарини – бришејќи трилиони долари во вредност на берзите.

Трамп воведе еднострана царина од 10 отсто за Нов Зеланд, што е најниско ниво на неговите реципрочни царини за целиот увоз во САД. Нов Зеланд рече дека нема да возврати.

Иако трговските политики на Трамп претставуваат ризици, Вилис рече дека нејзината влада презела мерки за ефикасно да се движи во период на несигурност на глобалните финансиски пазари.

„Иако се непожелни, овие ефекти веројатно ќе бидат скромни во споредба со влијанието врз многу други земји“, им рече Вилис на новинарите.

„Имаме доволно отпорност да го издржиме ова и сме во… среќна позиција во однос на другите што можеме да се држиме до нашата економска и фискална стратегија“, додаде таа.

САД се вториот најголем пазар во Нов Зеланд по Кина. Минатата година, оваа пацифичка земја испрати околу 12 отсто од својот вкупен извоз во САД, покажуваат официјалните податоци.

Стоките што Нов Зеланд најмногу ги извезува во САД, како што се млечните производи, месото и овошјето, се меѓу најтргуваните стоки во светот, што дава поголема предност за диверзификација на извозните пазари, рече Вилис.

Беверли Ајкинс, мајка на американскиот потпретседател Џеј Ди Венс, ја одбележа 10-годишнината од прекинот на употребата на алкохол и дрога на церемонија во Белата куќа. Опкружена со пријатели и семејство, таа го доби медалјонот.

Нејзината борба со зависноста од дрога и алкохол беше откриена во мемоарите на Венс и за време на потпретседателската дебата минатиот октомври. „Пораснав во работничко семејство. Воглавно ме одгледа баба ми бидејќи мајка ми се бореше со зависноста“, призна тогаш Венс.

Ајкинс пораснала во насилно домаќинство. Нејзините проблеми со зависноста започнале кога додека работела како медицинска сестра, земала лекови против болки за да ги ублажи главоболките. Подоцна почнала да зема хероин.

Нејзиното закрепнување започна во 2015 година. Откако извесно време живеела во нејзиниот автомобил, таа се преселила во клиника за рехабилитација.

Кога Венс ја прифати номинацијата за потпретседател, во својот говор рече: „Горд сум што можам да кажам дека вечерва мајка ми е тука, 10 години чиста и трезна. Те сакам, мамо. И знаеш, мамо, размислував. Официјално ќе бидат 10 години во јануари 2025 година, и ако претседателот Трамп се согласува, ќе организираме прослава во Белата куќа“.

Ајкинс моментално работи како медицинска сестра во центар за рехабилитација од дрога во Синсинати. Помладиот брат на Трамп, Фред Трамп, се бореше со алкохолизам пред неговата смрт на 42-годишна возраст. Трамп постојано нагласуваше дека цел живот избегнувал алкохол.