Шпанскиот тенисер Карлос Алкараз ги коментираше условите во „Берси“, откако беше елиминиран во осминафиналето од Уго Имбер.

Неколкумина веќе кажаа дека подлогата во „Берси“ е исклучително брза, што го забележа и Алкараз.

„Овој терен… Мислам, не сакам да кажам нешто што ќе звучи како изговор. Уго заслужи да победи. Кога играм, на пример, на затворен терен во Дејвис купот, теренот е многу побавен. Кога го одиграв првиот меч, статистика беше дека ова е најбрзиот терен на Мастерс турнирите, веројатно и на АТП турот, ова е веројатно најбрзата подлога во последните 10 години“, рече Карлос Алкарас.

„Не знам зошто го прават тоа. Не знам зошто го сменија теренот. Ме изненади, дојдов тука без премногу денови за подготовка. Веројатно требаше да дојдам порано за да се навикнам на условите. Можам само да кажам е дека не разбирам зошто го направија тоа“.

Алкараз сега ќе се подготвува за завршниот Мастерс во Торино, каде минатата година беше елиминиран во полуфиналето.

Мемфис победи на домашен терен против Милвоки, а Феникс, Сан Антонио и Хјустон славеа како гости кај ЛА Клиперс, Јута и Далас.

Кошаркарите на Сан Антонио ја совладаа Јута (106:88), благодарение на одличната партија на Виктор Вембањама.

Французинот имаше учинок од 25 поени, девет скока, седум асистенции, пет блокади и пет украдени топки.

Вембањама на тој начин стана третиот играч во историјата, по Хаким Олајџувон и Андреј Кириленко, кои остварија учинок „5х5“ во повеќе натпревари во НБА. Натпревар „5×5“ е кога играчот има најмалку пет поени, скокови, асистенции, блокади и украдени топки, што е многу ретко. Тој исто така стана играч со најмногу погодени тројки (4) во еден натпревар „5×5“.

Вембањама го следеше ветеранот Крис Пол со 19 поени, 10 скока и седум асистенции.

На другата страна се истакнаа Колин Секстон со 16, Кијонте Џорџ со 15 и Џон Колинс со 14 поени и 11 скока.

Кошаркарите на Далас загубија од Хјустон, во дербито на Тексас (108:102), а сега двата тима имаат скор од 3-2 во НБА лигата.

Лука Дончиќ и Кајри Ирвинг беа најефикасните играчи на натпреварот, но Далас не успеа да победи.

Дончиќ постигна 29 поени (12/25 од поле), имаше уште пет скока, а Ирвинг запиша 28 поени, осум скока и седум асистенции.

За Рокетс, Џејлен Грин беше најдобар со 23 поени и 12 скока, Дилон Брукс додаде 17, исто како и Алперен Шенгун, кој имаше и 12 скока.

Хјустон подобро влезе во мечот и имаше двоцифрена предност на крајот од првата четвртина.

Предноста на Рокетс растеше и разликата во еден момент беше +23, а се што можеше Далас да направи е да ја спушти на -4.

Следниот меч Хјустон го игра со Голден Стејт, додека Далас ќе се сретне со Орландо.

Предводени од Девин Букер, Феникс по голем пресврт ги победи ЛА Клиперс со 125:119.

Клиперси на полувремето имаа голема предност од 70:52, па на почетокот на третата четвртина водеа со 74:53, но и тоа не им беше доволно да победат. На крајот Букер постигна 40 поени со пет скока и осум асистенции, Ројс О’Нил имаше 21 со седум скока и една асистенција.

Кевин Дурент додаде 18, Рајан Дан 16, а Јусуф Нуркиќ постигна 11 поени со три скока и две асистенции за 23 минути.

Во тимот на Клиперс најефикасен беше Џејмс Харден, кој забележа трипл-дабл од 25 поени, 10 скока и 13 асистенции. Норман Пауел додаде 23, а одличен беше и Ивица Зубац со 22 поени со 12 скока.

Критиките на Јанис Адетокумбо од почетокот на сезоната, дека тимот не игра доволно добро, се остварија уште еднаш, овој пат на гостувањето кај Мемфис.

Гризлис победија со 122:109. Домашните во текот на целиот меч имаа предност која во еден момент изнесуваше дури 31 поен.

На Бакс не им помогна тоа што Адетокумбо го влечеше тимот, на крајот мечот го заврши како најефикасен актер со 37 поени, 11 скока и четири асистенции.

Имаше 17/22 од поле, но немаше поддршка од соиграчите, Брук Лопез постигна само 12, а Боби Портис 11 поени.

Во тимот на Мемфис Џа Морант постигна 26 поени, Санти Алдама додаде 19, а Џејлен Велс и Скоти Пипен Јуниор по 16.

Клубовите од Рим, Рома и Лацио забележаа победи во последните два натпревари одиграни во рамките на 10.коло. Рома го победи Торино со 1:0, а Лацио славеше во Комо со 5:1

Рома на „Олимпико“ славеше минимален триумф против Торино. Единствениот гол на натпреварот го постигна Аргентинецот Паоло Дибала во 20.минута.

Торино во текот на целиот меч не успеа посериозно да му се закани на Миле Свилар, а избраниците на Игор Јуриќ рутински го приведоа мечот кон крајот и освоија три бода.

Рома сега е на 10. место со 13 бодови, а Торино е на деветтата позиција со бод повеќе.

Градскиот ривал на Рома, Лацио, беше убедлив на гостувањето кај Комо каде триумфираше со дури 5:1 (2:1).

Лацио во рок од три минути постигна два гола преку Кастеланос и Педро, а на почетокот на вториот дел таа негатива ја преполови Мацители.

Сепак, „небесносините“ постигнаа уште три гола во преостанатиот дел од мечот, преку Патрик во 72., Кастељасос во 81. и Чауна во петтата минута од судиското надополнување.

Лацио е петти со 19 бодови, а Комо е 15. со девет бодови.