Спорт
Брилијантно прво полувреме на Томпсон – Вориорс го победи Феникс

Клеј Томпсон е тема на денот во НБА лигата. Еден од најдобрите шутери во историјата на НБА, ги предводеше Голден стејт Вориорс до победата над Феникс Санс со 123:112.
Томпсон влезе во историјата на лигата. Тој 33 од своите 38 поени постигна во првото полувреме.
Во првото полувреме, за само 18 одиграни минути, Томпсон постигна 33 поени, шутирајќи 12/18 од поле, од кои 8/12 за тројки.
Тоа беше петти натпревар во неговата кариера на кој стигна до 30 поени во едно полувреме и десетти оваа сезона во кој постигна 30 или повеќе. Исто така по трет пат во кариерата во првите две четвртини успеа да постигне 30 поени и осум тројки. Со тоа се израмни со Демијан Лилард, кој беше единствениот играч во последните 25 години на кој тоа му успеа во НБА.
Тој успеа да постигне осум тројки до полувремето по петти пат во кариерата. Ниту еден играч не успеал да го стори тоа барем од сезоната 1996/1997 година, истакнуваат статистичарите. Во натпреварите во кои постигнува најмалку 35 поени, неговите Голден стејт Вориорс имаат биланс од 32 победи и три порази.
Томпсон со својата партија го засени Јанис Адетокумбо, чии Милвоки Бакс славеа во дербито против Сакраменто Кингс со 133:124. Јанис мечот го заврши со 46 поени и 12 скокови. Одличен меч за Бакс одиграа и Крис Мидлтон со 31, односно Брук Лопес со 23 поени.
Кај Сакраменто Кингс најдобар стрелец беше Диарон Фокс, кој постигна 35 поени. Домантас Сабонис одигра одличен натпревар и забележа трипл-дабл со 23 поени, 17 скока и 15 асистенции.
Преку 40 поени, изминатата ноќ, постигна и Џејлен Браун, но неговите Бостон Селтикс не успеаја да победат во дуелот со Хјусотм (109:111). Браун натпреварот го заврши со 43 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Бонифејс дојде во Милан ги заврши лекарските прегледи и се врати во Леверкузен

Нигерискиот напаѓач Виктор Бонифејс барем засега нема да потпише за Милан.
Иако се чинеше дека сè е завршено откако Милан и Баер Леверкузен се договорија за обештетување, а играчот ги доби посакуваните финансиски услови од италијанскиот клуб, росонерите ќе размислат дали а го птопишат напаѓачот.
За време на лекарските прегледи во Миланело, биле забележани неколку неправилности кај Виктор Бонифејс, што го исплаши медицинскиот тим, Масимилијано Алегри и остатокот од спортскиот сектор, па тие решија да го стопираат трансферот.
Бонифејс се врати во Леверкузен каде ќе чека на конечната одлука на Милан. Тие ја разгледуваат ситуацијата. Постои можност сепак да го потпишат, но сега шансите се намалени.
Миланезите ја следат ситуацијата околу напаѓачот на Спортинг Конрад Хардер, кој е наведен како алтернатива.
Спорт
Донарума се договорил со Манчестер сити

Трансфер „бомбата“ што ќе одекне на крајот од преодниот рок ќе биде трансферот на Џанлуиџи Донарума во Манчестер сити. Играчот веќе ги договорил личните услови, двата клуба сè уште треба да се договорат. Во моментот кога Пари Сен Жермен го отпиша италијанскиот голман, беше сосема сигурно дека Донарума ќе се пресели на „Етихад“.
Поранешниот голман на Милан веќе ги договорил личните услови, а останува двата клуба да се договорат за обештетувањето. Пари Сен Жермен сака најмалку 50 милиони евра.
Донарума беше еден од најважните фактори во походот кон титулата во Лигата на шампионите.
Во меѓувреме, Донарума одби да го продолжи договорот кој му истекува наредното лето, откако клубот не сакаше да ги прифати неговите услови.
Пари Сен Жермен практично го отпиша Донарума и двете страни притискаат за трансфер во овој преоден рок.
Пеп Гвардиола одлучи да не ја пропушти оваа можност, иако веќе има тројца голмани во својот состав. Тоа се Едерсон, Ортега и новодојдениот Џејмс Трафорд. Токму тој е стартер на голот на почетокот на сезоната, и не е тајна дека се Сити работи на заминувањата на Едерсон и Ортега.
Спорт
(Видео) Кремонезе го победи Милан

Фудбалерите на Кремонезе направија големо изненадување на стартот на сезоната во Серија А. Кремонезе на Сан Сиро со 2:1 го победи Милан. Во истиот термин Рома со минимален резултат ја победи Болоња.
Повратникот во Серија А, Кремонезе му го расипа дебито на Лука Модриќ во Серија А, прв пат во историјата успеа да го победи Милан на „Сан Сиро“.
Во 28-та минута, стоперот Федерико Баскирото им донесе предност на гостите со удар со глава, а во првата минута од судиското продолжение, Милан израмни на ист начин. Стрелец беше српскиот репрезентативец Страхиња Павловиќ.
Федерико Бонацоли беше најзаслужен за големото славје на тимот од Кремона, во 61-та минута постигна сепктакуларен гол.
Милан во следната рунда ќе игра против на гости против Лече, додека Кремонезе ќе го пречека Сасуоло.
Во дербито на колото, Рома на дебито на новиот тренер Џанпјеро Гасперини ја победи Болоња.
Единствениот гол на натпреварот во 53-тат минута го постигна десниот бек Весли, Бразилец кој пристигна во италијанската престолнина пред помалку од еден месец од Фламенго.
Во втората рунда, Рома ќе гостува во Пиза, додека тимот од „Ренато Далара“ Комо.
Foto/ EPA/MATTEO BAZZI