Спорт
Јовиќ против Нексе ќе дебитира на клупата на Еурофарм Пелистер
Ракометарите на македонскиот вицешампион Еурофарм Пелистер вечерва (18 часот) на домашен терен ќе го пречекаат хрватскиот тим Нексе во натпревар од последното коло од групната фаза во регионалната СЕХА лига.
По промените во стручниот штаб, Александар Јовиќ ќе дебитира на клупата на првиот тим на Еурофарм Пелистер, а советник е Звонко Шундовски.
„Нè чека тежок натпревар со една одлична екипа, која преферира динамична игра. Од овој натпревар на секој натпревар ќе играме на победа. Она што го видовме во овој краток период ни дава до знаење дека имаме добри индивидуалци, кои треба да ги вклопиме во добар тим. За тоа треба и малку време. Од играчите барама лавовска бобреност и да го спроведат тоа што го тренираме овие пет дена. Битола е најракометен град и мислам дека во вторник ќе се покажеме во поинакво светло, со многу борбеност со подобар ангажман и од страна на играчите, и од страна на клупата“, изјави Јовиќ.
Гоце Ојлески очекува една нова енергија во тимот на Еурофарм Пелистер.
„Знаеме дека Нексе е квалитетен противник и квалитетна екипа. Секоја година цели високо и не треба да трошиме зборови за нив. Не сме комплетни, но со нов стручен штаб и со нова енергија ќе се обидеме да дадеме максимум и ќе се обидеме да стигнеме до позитивен резултат“, истакна Ојлески.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Левандовски ќе се пензионира ако Барселона не му понуди нов договор
Еден од најдобрите напаѓачи на 21 век, Роберт Левандовски, се соочува со ненадејно пензионирање, по извештаите дека Барселона не е заинтересирана да го продолжи неговиот договор.
Иако има 37 години и се соочува со повреди, поради што на теренот поминува помалку од предвиденото, искусниот Полјак е најдобар стрелец на Каталонците во Примера оваа сезона со пет гола.
Доцните фудбалски години не го спречуваат сè уште да го прави она што го знае најдобро, безмилосно да ги тресе мрежите.
Неговиот тековен договор со Барса истекува следното лето, а во клубот се судираат две струи. Едната сака да има искусен голгетер во тимот и следната сезона, кој би се согласил на намалена плата, додека другата смета дека е императив да се ослободи неговото место и да се донесе некој многу помлад.
Поранешниот член на Борусија Дортмунд и Баерн Минхен многу брзо би нашол нов работодавач во тој случај, но тоа не го интересира.
Неговата сопруга и тој се воодушевени од животот во Барселона, не сакаат да го напуштат градот заради финансиски попрофитабилна понуда од Блискиот Исток или Соединетите Американски Држави, дознава локалниот „Спорт“.
Фудбалерот нема да има ништо против да остане на „Камп Ноу“ како резервен напаѓач, но јасно е дека одлуката не е во негови раце. Одлуката че ја донесат клупските челници што го остава Роберт со две опции, нов едногодишен договор или пензионирање.
Феноменалниот стрелец е седми на листата на најдобри стрелци во фудбалот. Тој постигна дури 683 гола, а само Јозеф Бикан, Ференц Пушкаш, Ромарио, Пеле, Лионел Меси и Кристијано Роналдо постигнаа повеќе од него.
Спорт
Селекторот на Словенија му е лут на Јунајтед поради Шешко
Селекторот на Словенија, Матјаж Кек, јавно го изрази своето незадоволство од комуникацијата со Манчестер Јунајтед, откако никој од клубот официјално не го информирал за природата на повредата на Бенјамин Шешко.
Младиот напаѓач ќе ги пропушти клучните натпревари во квалификациите за Светското првенство против Косово и Шведска поради проблемот со коленото. Шешко се повреди, во саботата, во ремито против Тотенхем (2:2).
Кек нагласи дека никогаш не би го ризикувал здравјето на играчите, но инсистираше на подобра комуникација и почитување на националниот тим.
„Со должна почит кон голем клуб како Манчестер Јунајтед, официјално сè уште не сме добиле ништо; нема документи, нема документи“, рече Кек, додавајќи:
„Секако би сакале да ги добиеме. Сакаме и нашиот медицински тим да го разгледа тоа. Нашиот лекар е експерт во оваа област. Не можам да коментирам, секако имам одредени информации и, секако, во контакт сум и со Шешко.“
Спорт
Алкараз состави совршен тенисер
Светскиот број еден го „состави“ својот идеален тениски Франкенштајн – форхенд, бекхенд, волеј, менталитет…
Суперталентираниот Шпанец, Карлос Алкараз, се етаблираше како член на водечкото дуо во белиот спорт, заедно со Јаник Синер.
На Завршниот АТП мастерс во Торино, тој се бори со Италијанецот за место на тронот на крајот од сезоната, а слободно време, по победата над Де Минор во првото коло, го искористи за да создаде непобедлив тенисер.
Ги спомена тројцата најголеми во историјата, својот голем ривал и себеси, но посебно внимание посвети Хуан Мартин дел Потро, „добриот џин“ од Тандил, човек кој, поради повреди, не можеше да го реализира својот застрашувачки потенцијал.
Форхенд – Хуан Мартин Дел Потро
Бекхенд – Јаник Синер
Волеј – Роџер Федерер
Работа со нозете – Карлос Алкараз
Селекција на ударите – Новак Ѓоковиќ
Менталитет – Рафаел Надал
Тактика – Надал и Ѓоковиќ
Алкараз во второто коло ќе игра против Тејлор Фриц. Една победа веќе забележа, уште две ќе му го обезбедат првото место на крајот од сезоната и во случај Синер да го освои Торино без пораз.

