Македонија
„Се немаше сенс и се остана на лицемерен став“, реагираат адвокатите за пратениците кои беа против амнестија на осудените за 27 април
Законот за амнестија на осудените за настаните од 27ми април, не помина во собранието.
Подносителите, адвокатите Митровски и Пешевски преку статуси на социјалните мрежи го изразија своето незадоволство.
Пешевски во својата објава пишува дека нема да се откажат.
,,Законот кој што го предложивме за амнестија на осудените за настаните од 27ми април во собранието, глатко не помина. Повторно политиката немаше слух за обичниот народ како ни желба за исправање на историска неправда сторена со претходниот закон за амнестија и со пресудата на Основен Кривичен Суд потврдена со пресудата на Апелација…
Откажување нема!!! На ред е врховен во резерва стои Стразбур а и по 90 дена на кондиција ке ги фатиме.”
Адвокатот Јанаки Митровски во својата објава на социјалните мрежи наведе дека селективна амнестија е селективна правда, а тоа е најголемата неправда.
,,Предлог Законот за амнестија на осудените со гласање 41 ЗА 58 ПРОТИВ и 1 ВОЗДРЖАН за жал НЕ ПОМИНА и тука завршува постапката. Се немаше сенс и се остана на лицемерен став иако веќе еднаш се гласаше за амнестија на дел од овие луѓе, но останативе очигледно немаат употребна вредност. Селективна амнестија е селективна правда а тоа е најголемата неправда!!!!! Крсто Муковски си троши милионите како “ненасилен”!!!!”
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатен ќе биде јавниот градски превоз денес по 18 часот
ЈСП Скопје ги информира граѓаните дека поради oвогодинешното издание на „Бела ноќ“, кое денеска (сабота, 5 октомври 2024) ќе се одржи на повеќе централни локации низ градот Скопје, во периодот од 18:00 часот од 2:00 по полноќ превозот на патниците во јавниот градски превоз ќе биде бесплатен.
Македонија
Бебе почина на Клиниката за детски болести во Скопје
Рано утринава на Клиниката за детски болести во Клиничкиот центар „Мајка Тереза“ во Скопје, почина 14-месечно девојче. Околу 04.50 часот на Детската клиника во Клинички центар „Мајка Тереза“, (В.С.) 29-годишен маж од село Гошинце и неговиот брат, оштетиле инвентар во болницата откако починало детето на В.С., информира МВР.
Бебето било донесено со Итна медицинска помош во болницата околу 03.45 часот, а причините за смртта дополнително ќе се утврдуваат.
„Денеска (05.10.2024) во СВР Скопје е пријавено дека околу 04.50 часот на Детската клиника во Клинички центар ‘Мајка Тереза’ В.С. (29) од с. Гошинце и неговиот брат Б.С. (35) од с. Гошинце оштетиле инвентар во болницата откако починала едногодишната ќерка на В.С., која, според пријавеното, била донесена со Итна медицинска помош во болницата околу 03.45 часот. Се преземаат мерки за расчистување на настанот“, велат од МВР.
Македонија
Поплави во Тетово, над 20 повици за помош добиле пожарникарите
Над 20 повици добиле ноќеска пожарникарите од Тетово за интервенци и испумпување на вода од поплавени куќи, дворови, подруми и улици. Најголем дел од поплавените куќи се во селата Мала Речица и Голема Речица. Интензивниот дожд траеше повеќе часа, а претпладнево нема врнежи.
Силниот и интензивен дожд што вчера попладнево и вечерва ја зафати Општина Тетово е причина за зголемување на бројот на повици до пожарникарите од страна на луѓе кои имаат потреба од нивна интервенција. Пожарникарите во текот на вчерашниот ден извлекуваа и неколку возила кои заглавиле кај поплавените подвозници.
Пред две недели, на 20 септември, силен дожд предизвика делумно поплавување на улици, дворови и куќи во градот како и во Мала Речица.