Европа
(Видео) Протести во Франција поради реформите на Макрон: „Ќе ја запалиме земјата, ќе блокираме патишта“
Француската полиција денеска употреби солзавец против демонстрантите на плоштадот Плас де ла Конкорд во Париз, каде се собраа околу 7.000 луѓе на протест против реформите на пензискиот систем.
Како што јави Ројтерс, демонстрантите фрлале со камења кон полицијата, која потоа интервенирала за да ги разбие групите учесници на протестот.
Impressionnant rassemblement à la #Concorde devant l'Assemblée nationale.
Vous ne disperserez pas les Français. Ils vous feront renoncer ou vous feront tomber.#MotiondeCensure #ReformeDesRetraites
— Clémence Guetté (@Clemence_Guette) March 16, 2023
Демонстрантите се собраа во знак на протест откако претходно денеска премиерката Елизабет Борн најави дека нејзината влада ќе ги спроведе пензиските реформи користејќи специјална уставна клаузула откако малцинската влада што таа ја предводи не ја доби потребната поддршка од опозициската Конзервативна Републиканска партија.
Многумина од демонстрантите имаат транспаренти и веат разни синдикални знамиња.
Еден од нив, 18-годишниот Бастијан кој даваше изјава за Би-Би-Си.
Тој вели дека верува оти одлуката на владата е „недемократска“ и рече дека ова е „последната капка“.
-Ќе ја запалиме државата… буквално. Патиштата ќе бидат блокирани, пругите ќе бидат блокирани… Се надевам дека вечерва нема да видиме немири, иако можеше и тоа да се случи, рече тој.
Илјадници демонстранти се собираат преку улицата пред Националното собрание. Локалниот телевизиски канал BFM прикажува толпи луѓе кои се собираат на познатиот плоштад, многу развиорени знамиња и транспаренти.
Меѓу нив се и некои политичари. Екстремно левичарски политичар изјави за БФМ дека законот „нема легитимитет“.
Тој ја опиша одлуката на Макрон да се повика на итни овластувања како „спектакуларен неуспех“.
Еве како парламентот скандираше и ја исмејуваше премиерката Елизабет Борн додека таа се повика на членот 49, став три од францускиот устав за да ги протурка реформите на Макрон без гласање.
#WATCH French MPs booed the PM and sang the French national anthem – La Marseillaise – as PM Élisabeth Borne spoke about the government's controversial pension reforms.
President Macron today has used special power to force through a pension bill without a vote.
Far-right… https://t.co/fBihH39HKs pic.twitter.com/6MVd19ZpFk
— 凤凰欧洲 PhoenixCNE News (@PhoenixCNE_News) March 16, 2023
– Не можеме да ризикуваме да видиме пропаст од 175 часа собраниска дискусија. Не можеме да се коцкаме со иднината на нашите пензии. Неопходна е реформа – рече премиерот,пренесе Блиц.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.