Свет
Кинескиот лидер доаѓа во Русија на покана на Путин
![](https://makfax.com.mk/wp-content/uploads/2023/03/si-putin.jpg)
Кинескиот претседател, Шји Џјинпинг, од 20 до 22 март ќе престојува во официјална посета на Русија, што треба да ги зајакне меѓусебната доверба и разбирањето меѓу Пекинг и Москва, потврди кинеското Министерство за надворешни работи.
За време на посетата, Шји ќе размени мислења за важни меѓународни и регионални прашања со рускиот претседател Владимир Путин, соопшти кинеското Министерство, пренесува „РИА новости“.
Претстојната официјална посета на кинескиот претседател на Русија дополнително ќе ги зајакне меѓусебната доверба и разбирањето меѓу Пекинг и Москва, изјави на прес-конференција портпаролот на кинеското Министерство за надворешни работи, Ванг Венбин.
Ванг истакна дека посетата ќе ја зајакне и политичката основа на пријателството меѓу двата народа, кое се пренесува од генерација на генерација.
За време на посетата на Русија, Шји Џјинпинг ќе има детаљна размена на мислења со Путин за билатералните односи и за меѓународните и регионалните прашања од заеднички интерес, рече дипломатот.
Кремљ денеска соопшти дека кинескиот претседател Шји Џјинпинг на 20 март ќе престојува во државна посета на Русија на покана на рускиот претседател, Владимир Путин.
Како резултат на разговорите меѓу двајцата претседатели ќе бидат потпишани голем број важни билатерални документи, нагласуваат од Кремљ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Соборен 21 руски дрон, соопшти Украина
![](https://makfax.com.mk/wp-content/uploads/2024/07/tr.jpg)
Украина во текот на ноќта собори 21 руски дрон Шахед, додека руските сили тврдат дека контролираат дел од градот Часов Јар.
Украинската воздушна одбрана собори беспилотни летала во шест региони во северна и централна Украина, соопшти денеска Военото воздухопловство, пренесува Ројтерс.
Гувернерот на северниот регион Чернихив изјави дека повеќе од 5.000 домаќинства во регионот се без струја.
Свет
Кинеските метеоролози предупредуваат на екстремни горештини втора година по ред
![](https://makfax.com.mk/wp-content/uploads/2024/07/гггг.jpg)
Кинеската метеоролошка управа денеска соопшти дека очекува температурите да бидат релативно високи во повеќето области низ земјата во текот на следните неколку месеци.
Земјата има невообичаено топло време во поголемиот дел од годината, со просечни температури од март до мај на највисоките нивоа од почетокот на евиденцијата во 1961 година, пренесува Ројтерс.
Метеоролозите предупредија дека ова ќе биде второ лето по ред на екстремни горештини, кои, според нив, се предизвикани од климатските промени.
Регион
Вучиќ: На 5.800 метри забележавме албански дронови, ги извидувале позициите на српската војска
![](https://makfax.com.mk/wp-content/uploads/2020/03/vucik.png)
Српскиот претседател Александар Вучиќ вчера се обрати пред медиумите во касарната Бањица 2 во Белград по завршувањето на седницата на проширениот колегиум на началникот на Генералштабот.
Тој предупреди дека „буквално од сите правци“ се засилени воздушните извидувачки операции кон Србија.
Но, тој изјави дека границата не е помината. Кажа дека на 5 и 20 јуни биле забележани албански беспилотни летала „Бајрактар“ како полетуваат од Ѓаковица, град во западно Косово.
Тој, како што пренесуваат медиумите во регионот, додал дека Бајрактарите достигнале височина од околу 5.800 метри „со намера да ги извидат позициите на српската војска“.
Коментирајќи ги заклучоците од седницата, тој рече дека се „модернизира и зголемува опремата и оружјето“, пренесува „Нова.рс“.
Тој призна дека не е задоволен од пополнувањето на единиците на српската армија „на северот на Србија, особено во Белград и Војводина“.
„Имаме многу предизвици. Во регионот се собрани големи сили, од значајни сили во земјите од регионот до огромен број членки на НАТО за кои сме убедени дека нема да бидат искористени против српскиот народ или Србија на кој било начин“, кажа тој. Заклучи дека Србија мора да биде „многу појасна“ во својата порака за одвраќање на секој потенцијален агресор.