Македонија
Независност и непристрасност на судскиот систем – ЕУ со порака државата да ја гони корупцијата и на високо ниво
Денеска, во Скопје, Советот за стабилизација и асоцијација помеѓу ЕУ и Северна Македонија, го одржа својот 16-тиот состанок. На состанокот претседаваше премиерот Димитар Ковачевски. Во делегацијата беа и Бојан Маричиќ – вицепремиер, и Бујар Османи – министер за надворешни работи. Делегацијата на ЕУ беше предводена од Жосеп Борел Фонтелес, висок претставник на ЕУ за надворешни работи и безбедносна политика, како и Оливер Вархељ, комесар за соседство и проширување, кои ја претставуваа Европската комисија, соопштија владините служби.
„Ова е првпат Советот на СА да одржува состанок во Северна Македонија, со што се потенцира целосната и недвосмислена посветеност на перспективите за членство на Западен Балкан во ЕУ, како и кон процесот на пристапни преговори на Северна Македонија. Состанокот беше можност да се разгледа напредокот што Северна Македонија го постигна во подготовките за членство во ЕУ и во рамките на Спогодбата за стабилизација и асоцијација, како и да се дискутира за натамошната работа која е потребна. Учесниците го поздравија напредниот процес на аналитичко прегледување на законодавството на ЕУ (скринингот), додека со нетрпение го очекуваат завршувањето на скрининг-процесот“, се додава во соопштението.
Учесниците, како што се дополнува, ја поздравија јасната стратешка цел на ЕУ и амбицијата на Северна Македонија да напредува во процесот за пристапни преговори врз основа на континуиран напредок со реформите, истовремено потврдувајќи ја посветеноста на ЕУ за натамошна поддршка на Северна Македонија во нејзините напори за членство во ЕУ. Учесниците исто така ја истакнаа важноста од постојани реформи и натамошно консолидирање на нивната имплементација во интерес на граѓаните на Северна Македонија.
„Имајќи ја предвид новата геополитичка реалност по војната на агресија на Русија врз Украина, ЕУ силно ја истакна важноста од натамошно продлабочување на соработката за прашања од надворешната политика. ЕУ го поздрави и пофали мошне добриот напредок на Северна Македонија со целосното и доследно усогласување со заедничката надворешна и безбедносна политика на ЕУ, вклучително и рестриктивните мерки на ЕУ. Ова е силен израз на стратешкиот избор на Северна Македонија и нејзиното место во заедницата на вредности. ЕУ исто така го поздрави одржувањето на претседателството со ОБСЕ 2023 од страна на Северна Македонија во глобалниот контекст исполнет со предизвици“, дополнуваат од Владата.
Учесниците ја истакнаа важноста од натамошниот севкупен напредок во областите што покриваат поглавјата 23 и 24 (Правосудство и човекови права) и (Правда, слобода и безбедност). Надоврзувајќи се на веќе постигнатиот напредок, потребни се постојани напори за да се обезбедат независност, професионалност, транспарентност и непристрасност на судскиот систем. ЕУ ја охрабри Северна Македонија да продолжи со консолидирањето на достигнувањата во истрагите, гонењето и правосилните пресуди во случаи на корупција, вклучително и на високо ниво.
Советот за СА го поздрави склучувањето на договорот меѓу Република Северна Македонија и Европската унија за оперативните активности што ги врши европската погранична и крајбрежна стража (Фронтекс) во Северна Македонија и со нетрпение го очекува неговото стапување во сила.
ЕУ ги охрабри сите страни во Собранието да продолжат конструктивно да работат заедно и да изградат меѓу-партиски консензус што ќе се фокусира на преземање конкретни чекори во преговарачкиот процес и одржувањето на тековната динамика на реформите.
Во врска со економските случувања, Советот за СА потсети на „заедничките заклучоци на економскиот и финансискиот дијалог меѓу ЕУ и Западен Балкан и Турција“ за програмите за економска реформа, одржан на 24 мај 2022 година, и ја охрабри Владата да се фокусира на нивното спроведување и следење. Ја повика земјата да ги решава преостанатите клучни предизвици и да ги ублажи негативните последици од војната на агресија на Русија против Украина.
Добрососедските односи и регионалната соработка остануваат суштински елементи од процесот на проширување, како и процесот за стабилизација и асоцијација. Постојните билатерални договори, вклучително и договорот од Преспа меѓу Северна Македонија и Грција и договорот за пријателство, добрососедство и соработка меѓу Северна Македонија и Бугарија, треба да бидат спроведени со добра волја.
ЕУ ќе продолжи да ја зацврстува и интензивира својата вклученост на сите нивоа за да ја продолжи политичката, економската и социјалната трансформација на Северна Македонија, вклучително и преку непрекината помош врз основа на опипливиот напредок во делот на владеење на правото и социо-економските реформи, како и на придржувањето до вредностите, правилата и стандардите на ЕУ. По усвојувањето на правната рамка за Инструментот за претпристапна помош (ИПА) III, што е главен извор на средства, ЕУ ја истакна потребата од зацврстување на административниот капацитет на ИПА-структурите со цел да се овозможи непречено спроведување на ИПА III-програмите.
ЕУ со нетрпение го очекува целосното спроведување на економскиот и инвестицискиот план и на зелената и дигиталната агенда за Западен Балкан, две важни алатки за надминување на социо-економскиот јаз, подобрување на инфраструктурата и поврзаноста и поддршка на зелената и дигиталната транзиција на регионот истовремено градејќи отпорност и енергетска независност. Во изминатите три години Северна Македонија доби грантови во износ од 276,3 милиони евра и 362,5 милиона евра во заем во рамките на економскиот и инвестицискиот план.
Учесниците исто така потсетија на важноста на пакетот за енергетска поддршка на ЕУ во вредност од 1 милијарда евра за Западен Балкан (500 милиони во грантови и 500 милиони во поволни заеми и гаранции), од кои 80 милиони евра за Северна Македонија се насочени кон заштита на најранливите групи погодени од енергетската криза, особено бизнисите, домаќинствата и малите и средните претпријатија додека истовремено се унапредуваат енергетската транзиција и диверзификацијата. Првата транша од 72 милиона евра веќе беше исплатена.
Советот за стабилизација и асоцијација исто така размени и ставови за настаните во Северна Македонија и за регионалната ситуација на Западен Балкан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ви-фи зони во Чаршијата, обнова на дуќаните со буџетски средства и школи за занаети, вети Шукова
Кандидатката за градоначалничка на Скопје од СДСМ, Каја Шукова на Скопје ќе му ја враќа Чаршија со низа проекти. Ви – фи зони, обнова на дуќаните и отворање школи за занаети и мајсторски работилници се дел од ветувањата.
„Старата скопска чаршија е душата на Скопје. Денес Чаршијата е задушена од нечистотија, административен хаос и институционална негрижа, но таму каде што другите гледаат проблем, јас гледам можност. Нашиот план е јасен, визијата е конкретна – да ја вратиме Чарпијата на скопјани. Имаме решение за Чаршијата – секојдневно чистење, нова урбана опрема, јавно осветлување и ви-фи зони со почит кон автентичниот изглед. Имаме во план поддршка за дуќанџиите и занаетчиите со буџетски средства за реконструкција на дуќани со правна и финансиска помош, со отворени школи за занаетчии и мајсторски работилници. Нашата цел е Чаршијата конечно да добие еден центар за управување под целосна надлежност на Град Скопје без лавиринти меѓу институции туку ефикасна, брз и транспарентна администрација за сите што живеат и работат таму“, рече Шукова.
За културата и уметноста таа најави посебни проекти.
„Културата ќе добие вистински дом. Реновирање на Сули Ан, поддршка за студентите по ликовна уметност, отворање на арт – атељеа и културни програми. Уметноста не смее да живее во распаднати ѕидови. Исто така имаме план за развивање дигитална платформа за туристи и јазични обележја, подобрена пешачка структура и европски културни рути затоа што Чаршијата мора да привлекува туристи, да живее и да расте“, вели Шукова.
Сите проекти што ги наброја кандидатката за градоначалничка на Скопје вели дека не се само уште едно ветување туку визија што ја враќа Чаршијата како живо срце на Скопје.
Македонија
(Видео) Лукровски: Целосна дигитализација на услугите за искоренување на корупцијата и почит кон времето и довербата на секој карпошанец
Најавуваме целосна дигитализација на Општината за искоренување на корупцијата. Најскапиот документ не е оној што се плаќа, туку оној што се чека. Оној за кој не знаеш дали воопшто ќе го добиеш, велинСотир Лукровски, кандидат за градоначалник на општина Карпош од ВМРО-ДПМНЕ.
Во 2025 година, граѓанинот, додава тој, не смее да стои во ред само за печат.
„Да бара врски, во шалтери, да се додворува да заврши работа.
Општината повеќе не смее да биде зграда во која влегуваш со нервоза, а излегуваш со даден поткуп.
Таа пракса, драги мои карпошани ќе заврши.
Од првиот ден на моето управување ќе го искоренам чекањето, провизиите и рушветот, преку целосна дигитализација на сите општински процеси.
Општината мора да стане услуга до која ќе стигнеш од еден телефон, во било кое време и од било кое место. Нема повеќе враќање на шалтер, нема повеќе не е ова наша работа.
Јас нема да барам граѓаните да доаѓаат кај мене, туку општината да оди кај нив преку технологијата.
Ќе воведам апликација, каква што има секоја нормална, европска општина преку која ќе можеш со два клика, со матичен број и адреса, да поднесеш барање, да добиеш број и во секое време да го следиш статусот на решавање“.
Тоа, како што појасни одамна постои во светот, но кај нас не се воведува од добро познати причини.
„Затоа што кога има ред нема простор за корупција.
Ќе воспоставам прозорец за брзи услуги преку кој граѓаните веднаш ќе ги добиваат своите документи без зависност од расположението, или волјата на шалтерскиот работник.
Процесот ќе биде автоматизиран и целосно транспарентен.
Мојата цел е едноставна, една апликација за сите општински услуги.
Но дигитализацијата не е само екран и апликации, таа мора да донесе внатрешна дисциплина и одговорност.
Ќе воведам следење на секое барање. Кој службеник го примил, кој го одработил и за колку време го обработил.
Секој што ќе ја заврши работата навреме, или пред дадениот рок ќе биде награден, а оној што ја кочи постапката ќе мора да биде санкциониран.
Граѓанинот и јас ќе добиваме аларм кога предметот стои предолго“.
Според него, нема повеќе скриена одговорност.
„Се ќе биде видливо, мерливо и транспарентно.
Така функционира реалниот сектор од каде доаѓам.
Така ќе функционира и општина Карпош.
За оние што немаат пристап до технологија, ќе воведам дигитални советници во општината. Обучени лица што ќе им помогнат на граѓаните да ги поднесат граѓаните. Никој нема да биде исклучен.
Мојата визија е Карпош да остане општина без изговори и без поткуп. Кога граѓанинот ќе може да реши проблем со два клика, тогаш ќе знаеме дека живееме во модерна општина, со чесна управа.
Македонија
Српски државјани добија забрана за влез во земјата и парична казна од 4.000 евра за шверц на цигари, биле уапсени во Скопје
Основниот кривичен суд Скопје донесе пресуда врз основа на спогодба од Основното јавно обвинителство Скопје против двајца државјани на Република Србија за криумчарење цигари.
Двајцата осомничени, на 1 октомври, преку граничниот премин „Блаце“ влегле во земјава, избегнувајќи ја царинската контрола и пренеле непријавена акцизна стока – вкупно 2300 штеки од по 10 кутии цигари со косовски бандероли во вкупна вредност од 3.220.000 денари.
Цигарите ги пренеле во товарно возило во сопственост на правно лице од Србија, скриени во импровизирани бункери во приколката и ја избегнале царинската контрола. Цигарите биле откриени од полициски службеници кои го забележале камионот и го контролирале на улицата „Христијан Тодоровски Карпош“ во Скопје, додека во истото возило биле товарани цигари со македонски бандероли.
Согласно постигнатата спогодба која е потврдена од Судот, на обвинетите им е изречена парична казна од по 4.000 евра за секој, која се задолжени да ја платат веднаш и им е изречена казна протерување од земјата во времетраење од пет години.
Дополнително се одземени сите криумчарени цигари, камионот со приколка, 1.300 евра кои ги имале кај нив во моментот на сторување на делото и два мобилни телефони.
Српски државјани добија забрана за влез во земјата и парична казна од 4.000 евра за шверц на цигари, биле уапсени во Скопје
Основниот кривичен суд Скопје донесе пресуда врз основа на спогодба од Основното јавно обвинителство Скопје против двајца државјани на Република...
Поликлиника во Расадник со пари од унгарскиот кредит најавија Ѓорѓиевски и Стаменкоска-Трајкоска
По триесет години празни ветувања, поликлиниката во Расадник станува реалност, кажаа денес актуелниот градоначалник на Кисела Вода и кандидат за...
Нобеловата награда за мир ѝ е доделена на Марија Корина Мачадо од Венецуела
Нобеловата награда за мир ѝ е доделена на Марија Корина Мачадо од Венецуела. Норвешкиот Нобелов комитет соопшти дека таа ја...
(Фото) Општина Центар испрати протестна нота до австриската амбасада поради паркирано возило во пешачка зона
Општина Центар – Скопје испрати протестна нота до Амбасадата на Република Австрија поради непрописно паркирање и загрозување на безбедноста на...
Русија ѝ се заблагодарува на Србија за донацијата од речиси 6 милиони долари: „Посебна симболика“
Според соопштението на руското Министерство за надворешни работи, Србија обезбедила „финансиска хуманитарна помош во вредност од 472 милиони рубли (околу...
Филипче вика судството било професионално, а Марковски за криминал од 100 милиони добива само куќен притвор, велат од ВМРО-ДПМНЕ
Криминалот на СДС и договорените тендери со компанијата Марковски излегоа дека се вистинити. Фирмата Марковски која во период од 2...
(Видео) Силен земјотрес со јачина од 7,6 степени ги погоди Филипините, цунами се заканува и на Индонезија
Земјотрес со јачина од 7,6 степени ги погоди јужните Филипини, соопшти Филипинската сеизмолошка агенција, издавајќи предупредување за цунами кое беше...
(Видео) Руски ракети и беспилотни летала го погодија Киев, гореше облакодер во центарот на градот
Масивни руски напади запалија облакодер во центарот на Киев и ги таргетираа енергетските објекти, соопштија официјални лица. Украинската министерка за...
Судиите мора да судат според законот а не според партиски влијанија, време е за ресет на системот, порача Мицкоски
Христијан Мицкоски, претседателот на ВМРО-ДПМНЕ, имаше свое обраќање на денешниот народен митинг одржан во општина Илинден, во рамки на изборната...
(Видео) Трамп: Ја завршивме војната во Газа
Претседателот на САД, Доналд Трамп, на состанок на кабинетот во Белата куќа изјави дека синоќа на Блискиот Исток е постигнат...
Владата усвои измени: Се укинува ослободувањето од ДДВ за онлајн пратки во вредност до 22 евра
Со цел зајакнување на домашната економија, поддршка на локалните компании и создавање нови работни места, Владата усвои измени и дополнувања...
(Фото) Реализирано првото гаѓање со новата артилериска опрема ,,Боран’’ на АП Криволак
Денеска министерот за одбрана, Владо Мисајловски присуствуваше на армискиот полигон „Криволак“ каде беше извршено првото артилериското гаѓање со новите системи...
Нова истрага за злоупотреби во РЕК Битола против осум физички и едно правно лице
Основното јавно обвинителство Битола донесе Наредба за спроведување истражна постапка против осум физички и едно правно лице за продолжени кривични...
(Видео) „Избери време и место, избери и новинари, донеси и публика, излези да се соочиме, јас ќе дојдам сам“, му порача Максим Димитриевски на Филипче
Лидерот на Движењето ЗНАМ – за наша Македонија Максим Димитриевски денеска возврати на синоќешната изјава на лидерот на опозицијата Венко...
(Фото) Кривична пријава против две лица за криумчарење мобилни телефони „Ајфон“, случајот откриен на Ново Село
Поднесена кривична пријава против две лица за сторено кривично дело „криумчарење“ мобилни телефони „Ајфон“ во вредност од 355 илјади денари....
Ѓорѓиевски ја вети подземната кај „Лимак“ што ја ветуваа и Арсовска, Шилегов и Трајановски: Ќе ја смени сообраќајната иднина на градот
Проектот за подземната сообраќајница кај„Лимак“ не е само дел од мојата програма туку е вистински пресврт за централното градско подрачје,...
М-НАВ: Македонското небо не смее да се „затвори’“
Менаџерскиот тим на М-НАВ во денешното соопштение до јавноста реагира околу најавите за штрајк и „затворањето на небото“ на 20...
Искршен штаб на СДСМ во Градско, партијата бара Тошковски веднаш да постапи
Синоќа се искршени стаклата на изборниот штаб на СДСМ во Градско. Според партијата, овој насилнички и вандалски чин го покажува...
Едно лице избодено со нож пред стоковна куќа „Мост“ во Скопје, напаѓачот е уапсен
Едно лице е избодено со нож пред поранешната стоковна куќа „Мост“ во Скопје, а полицијата го уапси напаѓачот. Според информациите...
Трамп за договорот за војната во Газа: Неверојатно е, целиот свет се обедини
Претседателот на САД, Доналд Трамп, изјави дека Иран би можел да биде дел од поширок мировен договор на Блискиот Исток...
