Спорт
Во родната Гана, погребан Кристијан Атсу
![](https://makfax.com.mk/wp-content/uploads/2023/03/FrZ-joSXoAENhrV.jpg)
Илјадници жители на Гана се собраа пред парламентот во престолнината Акра во петокот, за да присуствуваат на државниот погреб на фудбалерот Кристијан Атсу, кој загина во катастрофалниот земјотрес во Турција минатиот месец.
Атсу беше исчезнат по земјотресот на 6 февруари, кога се сруши зградата во која живееше во Хатај, а неговото тело беше пронајдено десетина дена подоцна, пред да биде однесено во татковината. На погребот присуствуваше неговата сопруга и неговите деца, како и повеќе членови на семејството. На погребот присуствуваа и поранешни фудбалери како Сали Мунтари и Емануел Адебајор
Атсу требаше да си замине од Турција неколку часа пред земјотресот, но реши да остане со клубот Хатајспор, за да продолжи со тренинзите откако постигна победнички гол на меч на 5 февруари. Тој имаше само 31 година.
Christian Atsu’s wife is here at the funeral grounds.
A very sad feeling 🕊#GTVSports pic.twitter.com/QvEvgM1PGp
— GTV SPORTS+ (@mygtvsports) March 17, 2023
Christian Atsu finally goes home 💔 #RIPChristianAtsu 🙏🏼🕊 pic.twitter.com/EnDzpbYcy7
— Roadgodjnr 🦅♱ (@kojo__lipsy) March 17, 2023
Christian Atsu's body has arrived at his hometown #3Sports #RIPChristianAtsu pic.twitter.com/9VkXZwCu0M
— #3Sports (@3SportsGh) March 17, 2023
Wakaso, Adabayor, Muntari and other top football stars spotted at Christian Atsu's funeral #RIPChristianAtsu pic.twitter.com/L005wvpGOW
— 1957 NETWORK LTD (@the1957news) March 17, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва