Свет
Пентагон открива зголемена стапка на рак кај воените пилоти и екипажот
Студијата на Пентагон откри висока стапка на рак кај воените пилоти и за прв пат покажа дека екипажот што ги одржува авионите, исто така, заболуваат од рак.
Овој податок долго време го бараа пензионираните воени авијатичари кои со години укажуваа на колегите за кои знаеле дека имаат рак.
Им беше кажано дека претходните воени студии утврдиле дека тие не се изложени на поголем ризик од општата популација на САД.
Во едногодишното истражување на речиси 900.000 војници кои летале или работеле на воени авиони помеѓу 1992 и 2017 година, Пентагон открил дека членовите на екипажот на летот имале 87 отсто поголема стапка на меланом и 39 отсто поголема стапка на рак на тироидната жлезда.
Мажите имале 16 отсто поголема стапка на рак на простата, а жените имале 16 отсто поголема стапка на рак на дојка.
Севкупно, летачките екипажи имале 24 отсто поголема стапка на сите видови рак, објави АП.
Студијата покажа дека копнените екипи имале 19 отсто поголема стапка на рак на мозокот и нервниот систем, 15 отсто поголема стапка на рак на тироидната жлезда и 9 отсто поголема стапка на рак на бубрезите, додека жените имале седум отсто поголема стапка на рак на дојка.
Вкупната стапка на сите видови на рак меѓу копнените екипи беше три проценти повисока.
Студијата укажа и на некои позитивни детали. Копнената и воздушната екипа имаа далеку пониски стапки на рак на белите дробови, а авионската екипа имаше помали стапки на рак на мочниот меур и дебелото црево.
Оваа анализа ги спореди податоците за воздухопловците со општата популација на САД по прилагодувањето на возраста, полот и расата,пренесуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.