Спорт
Барса го доби „Ел класико“ со гол во 92. минута, сега имаат +12 пред Реал!
![](https://makfax.com.mk/wp-content/uploads/2023/03/FrnICK1WwAIe9IW.jpg)
Барселона со гол во 92. минута успеа да стигне до 2:1 победа над Реал Мадрид во уште едно „Ел класико“, за да остане огромен фаворит за титулата во шпанската Ла лига, каде што сега имаат 12 поени предност пред „кралевите“.
Почетокот на мечот не беше многу добар за тимот на Чави Ернандез, откако веќе во 9. минута, гостите стигнаа до предност, кога по одличниот пробив на Винисиус Жуниор, Роналд Араухо ја смести топката во сопствената мрежа за негатива на Каталонците.
По ова, рамнотежата во мечот беше воспоставена, за Барса да дојде до израмнувачкиот гол во 45. минута, кога по мешаницата пред голот на Тибо Куртоа, Серхи Роберто ја смести топката во мрежата. По неколку шанси на двете страни, вклучувајќи поништен гол на Марко Асенсио во 81. минута од мечот поради офсајд, во 92. минута, по една опасна ситуација пред голот на Куртоа, Алехандро Балде му асистираше на Френк Кеси, кој го постигна победничкиот гол.
Il più forte centrocampista al mondo Franck Kessié decide il Clasico contro il Real Madrid con un gol all’ultimo minuto
IL PRESIDENTEpic.twitter.com/EFpODvDEUX— Anti Pazzini (@mayoraltitolare) March 19, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Белгија ја запиша првата победа на ЕП
![](https://makfax.com.mk/wp-content/uploads/2024/06/12320148.jpg)
Фудбалската репрезентација на Белгија ја победи Романија во последниот натпревар од деветтиот ден на ЕП. Во Е групата Белгија победи со 2:0 (1:0). По две кола, сите селекции во Е групата имаат по три бода.
Белгија поведе по само 73 секунди игра. Стрелец беше Тилеманс, со најбрзиот гол на Белгија на големите натпреварувања.
Следеа шанси за Белгија, која доминираше, но Ница блескаше на голот на Романија. Свои шанси имаше и Романија, но и Кастелс беше располошен на голот на Белгија.
Романците поагресивно влегоа во вториот дел. Имаа две пристојни шанси во првите десет минути, но не извлекоа ништо корисно од тоа.
Пото Белгија повторно ја презеде контролата. Во еговиот гол го поништи ВАР поради офсајд.
Дилемите околу победникот ги реши Кевин де Брујне во 80.минута.
Гол-разликата ги држи Романците на првото место, а потоа следат Белгија, Словачка и Украина.
Во третото коло од групата Е се среќаваат Словачка и Романија и Украина и Белгија. Тие натпревари се закажани за среда на 26 јуни од 18 часот.
Спорт
Капитенот на Реал се сели во Саудиска Арабија
![](https://makfax.com.mk/wp-content/uploads/2024/06/012735534003.file_.jpg)
Начо Фернандез (34) по 23 години го напушта Реал, кариерата че ја продолжи во Ал Кадсија.
Фабрицио Романо објави дека поранешниот капитен на Реал веќе ги поминал лекарските прегледи и ќе потпише договор за саудискиот клуб на две години.
Начо пристигнал во Реал во 2001 година од АД Комплутенсе на 11-годишна возраст. Како сениор со Реал ги освои сите значајни клупски трофеи, шест пати ја освои Лигата на шампионите.
Спорт
(Фото) Поради селфиња со Роналдо четири пати во прекин беше натпреварот Португалија-Турција
![](https://makfax.com.mk/wp-content/uploads/2024/06/12319756.jpg)
Португалија без проблеми се справи со Турција во второто коло од групата Ф на ЕП. Португалија победи со 3:0 и го обезбеди првото место во Ф групата.
Покрај одличната игра на Португалија, комичниот автогол на Ајкадин, натпреварот во Дортмунд го одбележа и неверојатно лошата организација на службата за обезбедување.
Четири пати во текот на натпреварот, навивачи влегуваа на теренот за да дојдат до Кристијано Роналдо и да направат селфи со него.
Секако, според правилата на УЕФА, секој од тие упади не беа прикажани во ТВ пренос, но според реакциите од трибините, навивачите беа лути поради егзибициите на оние кои во второто полувреме постојано го прекинуваа натпреварот со што го нарушуваа ритамот на натпреварот.
Што се однесува до стјуардите, тие имаа малку трпение во првите три упади, но во последниот применија сила и грубо го изведоа натрапникот надвор од стадионот.