Спорт
Андриќ објави долго писмо за Адеми: Од почит повлечете го бројот 5
Меѓу бројните фудбалери кои му оддадоа почит на Аријан Адеми и се што направи за Динамо, еднo од најемотивните обраќања имаше Комнен Андриќ (27). Поранешниот напаѓач на Динамо и српската репрезентација до 21 година, кој минатото лето се пресели во Клермон, на Инстаграм ја објави својата посвета за Адеми. Потенцира дека никогаш во кариерата не сретнал играч како него.
Отвореното писмо на Андриќ го пренесуваме во целост.
„Пензионирајте го бројот 5 од почит!!! 21 трофеј!!! Размислувам како да започнам… Легенда на клубот!
Чесен, лут, непопустлив, авторитетен, борбен до последен атом, брат, пријател, советник се само дел од квалитетите кои се дел од твојот идентитет. Сум играл со толку многу фудбалери, многу од нив се неверојатни и денес играат во најдобрите клубови во светот, но никогаш во кариерата не сум сретнал некој како тебе!
Твоето присуство на теренот беше неизмерно, доволно целиот тим да се чувствува подобро, ти беше срцето и душата на тимот! Сите млади фудбалери кои поминаа низ Динамо за време на мојот престој пораснаа, созреваа и учеа од тебе на најдобар можен начин!
Научија како да работат, како да почитуваат и што значи правилниот однос кон фудбалот и што нуди фудбалот.
Секогаш беше „гладен ѕвер“ на секој тренинг, на секој натпревар. Пораз за тебе не постои, само школо и лекции! Сè уште се прашувам како е можно некој да биде на 110% на секој тренинг, на секоја топка, на секој дуел и на секоја секунда на теренот. Веројатно долго ќе се прашувам, бидејќи тоа го видов само кај тебе.
Моето место во соблекувалната беше веднаш до тебе, лево. Додека сум жив, никогаш нема да заборавам кога пред важен натпревар од Лигата на шампионите дојде и седна со наведната глава кон подот и остана така речиси една минута. Како јас, кој забележувам и следам се, сфатив дека нешто не е во ред, погледнав малку поблиску и видов дека твоите очи се полни со солзи. Тогаш разбрав и видов што се случува. Крваво стапало од многу инјекции, пукната коска во стапалото, а ти земаш инјекции против болка (блокада), стегаш заби и излегуваш на теренот како ранет ѕвер да умреш за клубот и соиграчите. Тоа си ти!
Денес нема многу такви. За тебе нема линија на помал отпор, има само искреност и чесност, дури и по цена тоа да ти предизвика најголема штета, таков си! Затоа сите те ценат толку многу, не само во нашиот клуб и меѓу нашите навивачи, туку и во клубовите на најголемите ривали и меѓу луѓето. Толку многу трофеи, толку многу успеси, признанија, а сепак секогаш мирен, самостоен, претпазливи и гладен за успех!
Ти благодарам, капитену за се, ми беше големо задоволство да бидам воин на твојата војска и со среќа во твоите нови предизвици!
Еден е капетанот Аки!“, напиша тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Ливерпул, Барса, Баерн и Јуве сигурни, Челзи едвај го скрши Пафос
Комплетирано е претпоследното, седмо коло од Лигата на шампионите на УЕФА. Барса преживеа Прага и на крајот стигна до сигурна победа, Ливерпул беше убедлив во Марсеј, Јуве го доби мало дерби против Бенфика, Баерн лесно се псрави со Унион во второто полувреме, а Челзи на „мускули“ го победи Пафос. Њукасл беше убедлив против ПСВ, а Атлетик Билбао, со пресврт во вториот дел победи во Бергамо.
Резултати:
ГАЛАТАСАРАЈ – АТЛЕТИКО МАДРИД 1:1 (1:1)
/Љоренте 20аг – Симеоне 4/
КАРАБАГ – АИНТРАХТ ФРАНКФУРТ 3:2 (1:1)
/Дуран 4, 80, Мустафазаде 90+4 – Узун 10, Шаиби 78 пенал/
АТАЛАНТА – АТЛЕТИК БИЛБАО 2:3 (1:0)
/Скамака 16, Крстовиќ 88 – Гурузета 58, Серано 70, Наваро 74/
БАЕРН – УНИОН СЕН ЖИЛОА 2:0 (0:0)
/Кејн 52, 55пен./
ЧЕЛЗИ – ПАФОС 1:0 (0:0)
/Каиседо 78/
ЈУВЕНТУС – БЕНФИКА 2:0 (0:0)
/Тирам 55, МекКени 64/
МАРСЕЈ – ЛИВЕРПУЛ 0:3 (0:1)
/Собослај 45+1, Медина 73, Гакпо 90+3/
ЊУКАСЛ – ПСВ 3:0 (2:0)
/Виса 8, Гордон 30, 65/
СЛАВИЈА ПРАГА – БАРСЕЛОНА 2:4 (2:2)
/Кусеј 10, Левандовски 44аг – Фермин Лопес 34, 42, Олмо 63, Левандовски 71/
Foto/ EPA
Спорт
Арсенал и Челзи во борба за Арда Гулер
Арсенал и Челзи влегувата во трка за потписот на Арда Гулер, доколку играчот на Реал биде достапен во летниот преоден рок.
Според „CaughtOffside“, Гулер е долгорочна цел на Арсенал, додека „сините“ неодамна имаа неколку контакти за да се распрашаат за неговата ситуација.
Турскиот интернационалец е на радарот на Арсенал уште од октомври 2024 година.
Во меѓувреме, Челзи исто така сака да влезе во трката. Двата клуба веруваат дека Гулер би можел да биде достапен ова лето за околу 90 до 100 милиони евра.
Спорт
Македонија ќе биде носител во плејофот за пласман на СП
Со победата на Холандија над Грузија од 31:26 во последното коло од Групата Е од прелиминарната фаза на Европското првенство, познато е кои репрезентации го обезбедија статусот на носители во плејофот за пласман на Светското првенство следната година.
Познато е кои 12 репрезентации ја продолжуваат борбата за медали и тронот на Европското првенство, како и за директен пласман на Светското првенство. Од преостанатите 12 елиминирани, познато е кои четири репрезентации ќе бидат носители во плејофот за Мундијалот следната година во Германија.
Познато е и кои шест репрезентации, ќе играат и претквалификациски два натпревари во март, а познато е и кои две репрезентации ја избегнале барем таа фаза, но нема да бидат носители во плејофот.
Што се однесува до преостанатите 12, сигурно е дека Германија и Данска нема да учествуваат во плејофот за Светското првенство, кои веќе се квалификуваа за Светското првенство. Германија како домаќин, Данска како актуелен светски шампион.
Останатите 10 репрезентации, покрај борбата за медали, ќе се борат за уште четири директни визи за Светското првенство. Останатите шест репрезентации ќе бидат распоредени во плејофот за Светското првенство.
Шпанија, Франција, Норвешка, Португалија, Словенија, Унгарија, Исланд, Шведска, Хрватска и Швајцарија ќе се борат за четири директни визи за Светското првенство.
Шесте кои нема да успеат во тоа ќе бидат распоредени во плејофот како носители, заедно со Фарските Острови, Македонија, Холандија и Австрија.
Можно противници на Македонија во баражот: Србија или Литванија, Полска или Латвија, Грција или Белгија, Црна Гора или Финска, Грузија или Израел, Италија, Босна и Херцеговина и Чешка.
Foto/ EPA

