Свет
Лондон осветлен со светилки по повод рамазан, ифтарот ќе се одржи на фудбалските стадиони
![](https://makfax.com.mk/wp-content/uploads/2023/03/d64203b0-e264-42d6-a797-4159608dbc5b.jpg)
Лондонскиот Вест Енд првпат е осветлен со 30.000 светилки за одбележување на светиот исламски месец рамазан. Улицата Ковентри, која го поврзува плоштадот Лестер со Пикадили, е осветлена со знакот „Честит Рамазан“. Светлата ги вклучил градоначалникот на Лондон, Садик Кан, кој е еден од 1,3 милион муслимани во Лондон што го слават рамазан, пишува Би-би-си.
Ајшеа Десаи, која беше инспирирана од својата наклонетост кон божиќните светилки, е одговорна за украсувањето на градот.
„Само имав амбиција да го направам тоа со божиќни светилки. Се сетив дека отидов да ги видам божиќните светла со сестра ми кога растев и имав можност да живеам на Блискиот Исток и сакав да ги донесам таа радост и магија во Лондон“, објасни Десаи, која го почна проектот пред три години.
„Изгледа неверојатно, презадоволна сум од реакцијата. Ова е толку важен месец за муслиманите. Сакав да ја подигнам и таа свест за нашите соседи да знаат дека ова е навистина важен месец за нас, тоа е мојот омилен месец во годината и јас сум само благодарна што сум денес овде“, додаде таа.
Отворен ифтар, вечерната трпеза што го означува прекинот на постот, ќе се одржи во музејот „Викторија и Алберт“, кој постави импровизирана џамија и подготви рамазански павилјон за муслиманите и за немуслиманите во јужен Кенсингтон.
Фудбалскиот клуб „Челси“ исто така ќе одржи отворен ифтар на страната на теренот на „Стемфорд Бриџ“, а подоцна во месецот ифтар ќе се одржи и на „Вембли“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Северна Кореја лансираше повеќе од 250 балони со ѓубре кон Јужна Кореја: затворен аеродромот во Сеул
![](https://makfax.com.mk/wp-content/uploads/2024/06/gubre2.jpg)
Во текот на ноќта Северна Кореја лансираше повеќе од 250 балони со ѓубре кон Јужна Кореја, соопшти денеска јужнокорејската армија.
Тоа е шесто вакво лансирање од крајот на минатиот месец, а поради него аеродромот во близина на Сеул беше затворен околу три часа, пренесува „Јонхап“.
Околу 100 балони, главно со отпадна хартија и друг отпаден материјал, слетале во Сеул и во северниот дел на провинцијата Ѓеонгги, соопшти Генералштабот на корејската армија.
Домашните и меѓународните летови беа запрени или одложени околу три часа на меѓународниот аеродром Инчеон, западно од Сеул, од 1:46 часот утринава по локално време, според „Јонхап“.
Анализата на балоните покажала дека тие не содржат отровни материи, се наведува во соопштението на јужнокорејската армија.
Со последната серија, Северна Кореја се проценува дека лансирала повеќе од 2.000 балони кои носат отпадоци од 28 мај, според „Јонхап“.
Како одговор, на 9 јуни, за прв пат по шест години, Јужна Кореја почна да емитува говори против владата на Пјонгјанг преку звучници во пограничната зона.
Свет
(Видео) Торнадо на северот на Италија, делови од земјата под вода
![](https://makfax.com.mk/wp-content/uploads/2024/06/0bd70e9c-1b8e-45ef-a383-94e6a14f6d4d.jpg)
Северните и централните делови на Италија беа зафатени од невреме, а во градот Ровиго во провинцијата Венето се формира торнадо, врнежите се очекува да траат уште неколку дена.
Пожарникарите примиле повеќе од 200 повици за помош, а меѓу другите извлекле и жена заробена во автомобил од поплавен подвозник.
Fierce floods takeover the streets of Langhirano, #Italy following heavy rains #Flood #Langhirano #Maltempo #Flooding #Flashflood #Rain #Weather #Viral #Climate pic.twitter.com/Uy9V4Wpvfz
— Earth42morrow (@Earth42morrow) June 25, 2024
Повиците за помош биле поврзани и со поплави и разнесени покриви. Неколку автомобили паркинг пред трговски центар биле оштетени од металниот покрив кој се одвоил од блиската зграда, пишува „Анса“.
Обилни врнежи паднаа и на северот на Тоскана, каде што пожарникарите користеа чамци за да ги спасат возачите заробени на поплавените улици.
Издадено е црвено предупредување за водостојот на реките, кое важи и за областа Модена и Пјаченца во провинцијата Емилија Ромања, пишува италијанската новинска агенција „Анса“.
Температурите во поширокото подрачје на северниот и централниот дел од земјава се движат околу 20 Целзиусови степени. Метеоролозите предвидуваат дека врнежите ќе продолжат до четврток, а најлошо ќе биде во провинциите Лигурија, Пиемонт, Тоскана, Умбрија и регионот Марке.
Свет
За прв пат по повеќе од една година, разговараа шефот на Пентагон и рускиот министер за одбрана
![](https://makfax.com.mk/wp-content/uploads/2024/06/b7e7c25c-e291-45d3-a9c1-802e2f3d899c.jpg)
Министрите за одбрана на Соединетите Американски Држави и Русија разговараа телефонски во вторникот за прв пат по повеќе од една година, а двете страни дадоа многу различни прикази за разговорот потоа.
Пентагон соопшти дека американскиот секретар за одбрана Лојд Остин и неговиот руски колега Андреј Белоусов разговарале за важноста на отворените линии на комуникација.
Остин го иницираше повикот и тоа беше прв таков повик од март 2023 година, изјави за новинарите портпаролот на Пентагон, генерал-мајор Патрик Рајдер.
Руското Министерство за одбрана соопшти дека Белоусов го предупредил Остин за опасностите од континуираната испорака на американско оружје за Украина во нејзиниот 28-месечен конфликт со Русија.
„И. Р. Белоусов укажа на опасноста од натамошна ескалација на ситуацијата преку континуирана испорака на американско оружје за украинските вооружени сили“, се вели во соопштението на Министерството за Телеграм.
Москва минатиот викенд рече дека Соединетите Американски Држави се одговорни за нападот на Украина на полуостровот Крим, анектиран од Русија, со пет проектили испорачани од САД во кои загинаа четири лица.